السبت، ٢ مايو ٢٠٠٩

التاج الرابع

مش معقول ده التاج الرابع يا جماعة

إحنا فاضين بقى للتاجات ده


بس مش مهم هنجاوب وأمرنا لله


مش هقولوكوا قد إيه التاج ده صعب


أُُهدى إلـىّ من حنونة العسول


حنان سعيد


وبعد كده من حبيبتى وردة


سكوت لو سمحتم خلونا نركز


بسم الله الرحمن الرحيم



من أنت ؟ وما الذى تفعله هنا ؟
أنا الذى نظر الأعمى إلى أدبى
وأسمعت كلامى من به صمم
فالخيل والليل والبيداء تعرفنى
والسيف والرمح والقرطاس والقلم
ده طبعا مش أنا اللى هى أنا
أنا إنسانة بسيطة جدا صافية لا أحب التعقيد
أعيش حياتى ولى أهداف وأحلام أتمنى أن أحققها بإذن ربى
أحب الحياة جدا ومع ذلك أكره المادة ولاأحب من يفكر بها
أحلامى مش كبيرة هى عمل مناسب لى وزوج تقى وأولاد أعلمهم كيف الحب فى الله
وهم الذين يحررون القدس
أما بعمل إيه هنا فهذه اعترافاتى لأنى بحب أعترف ديما باللى جوايا لأنى كنت فى الفترة اللى فاتت من حياتى بعيد عن كل اللى بحبهم وكنت هنفجر لو ما كنتش قلت اللى جوايا وبس.
إسرائيل تقصف كل جنوب ممكن بحثا عنك ، أى شمال ستقصد .
أنا من طباعى عدم الهروب سأقف أمامها وأواجهها بكل ما لدى من تصميم وحين استشهد سأذهب إلى الله وهو الشمال الذى أريده
أنت مكلف بحذف حرف من حروف اللغة العربية .. أيها ستختار ولماذا ؟
أنا مدرسة لغة عربية يا جماعة طيب لوحذفت حرف هدرس ازاى أنا ، وإزاى أحذف حرف كُتِب فى القرآن
بس ممكن أحذف معانى الخيانة والكذب والظلم والغش وكل المعانى الوحشة.


لو قدر لك أن تدخل السجن فما هي القضية التي تتمنى ان تدخل بها إليه؟


قضية الدفاع عن الشرف ، أوالدفاع عن الوطن ، أوالدفاع عن الدين ، أو الدفاع عن الأهل.
بالمناسبة.. منذ متى اكتشفت نفسك؟
اكتشفت نفسى سؤال صعب قوى


ممممممممممممممممممممم
كل يوم جديد أكتشف فيه حاجة داخل نفسى
فهى لغز كبير أتمنى حله..........
على مفترق طريق لافتتان ، اليمنى تقول ( إلى حلمك ) واليسرى تقول : ( إلى مالم يحلم به البشر ) ، أي الطرق ستسلك ؟
حلمى أمممممممممممممم
أنا مش طماعة أبدا عايزة بس 4
ع
عريس وعربية وعمارة وعزبة
بجد عمرى ما كنت طماعة عايزة حلمى الصغير يتحقق وأكون وزيرة لللتربية والتعليم
نحن لا نعيش حياتنا بل نتعلم فيها كيف نعيش» ما تعليقك؟


نتعلم فيها كيف نعيش لأن إلى أن نموت سوف نتعلم الجديد فى حياتنا .
بجملة واحدة فقط أكتب تعريفاً لكل كلمة من الكلمات التالية:
الوطن
الآمان والدفئ


الأم


الحنان والطيبة
الليل
سكون وهدوء وبه القمر صديقى
الحب


شعور جميل يملؤك فيجعلك كطائر
من يفقده فقد حياته


أمريكا


مكان الجديد وكل تقليعة تظهر على شبابنا
ولكنها وهم كبير
المرأة


مصنع الرجال
الصمت
لغة الحكماء
إذا جالست العلماء فالزم الصمت وإذا جالست الجهلاء فالزم الصمت
فصمتك مع العلماء علم وصمتك مع الجهلاء حلم .


الانترنت
عالم مفيد لمن يستغله الاستغلال الصح


أخترمنصباً واتخذ قرارا ؟
وزيرة التربية والتعليم
وأصلح المناهج الدراسية كلها.
قيس، عنترة، جميل، هم الذين يقولون شعرا، وليلى وعبلة وعزة «صموت» لماذا هذا التغييب للمرأة؟


ليس تغيبا وإنما رفعة من شأنها فالمرأة تحب من يتغزلها ويصف فى حبه لها ، والرجل يحب المرأة التى تسمعه دون أن تتكلم.
أن تكون مطلوبا لارتكابك جريمة ، خير لك من ألا تكون مطلوباً مطلقاً " ، هل تتفق مع هذه العبارة ؟ علل
ما هى حسب الجريمة نفسها
لو جريمة تدعونى للفخر بإنى فعلتها سأفضل أن أكون مطلوبة لجريمة
ولكن لو غير ذلك أفضل ألا أكون مطلوبة وأنا قادرة على أن أكون فى الصورة دائما.
إلى أين تمضي كلمات الحب .. بعد أن نقولها؟
الكلام الذى يخرج من القلب يصل إلى القلب
والكلام الذى يخرج من اللسان لا يتعدى الآذان
فكلمات الحب تخرج من قلبى تصل إلى قلب من أحب.


هل تجد علاقة بشكل أو بآخر بين المرأة وقطاع الطرق ؟


قطاع الطرق يقطعون عليك الطريق ليسرقوا ما تحمل من أموال
لكن المرأة تستوقفك بجمالها وعقلها وحياءها وأخلاقها لتأخذ منك قلبك وحبك وحنانك وتعطيك وتحسسك بما لم تحسه من قبل ، وهى التى تعطيك ولم تأخذ منك قدر ما تعطيك.
هذا فراق بيني وبينك .. متى ولمن تقولها ؟


ما أنا قلتها خلاص ، ولمين مش مهم .
كيف هو غداً ؟


هو كل الأمل والأحلام وكل ما أريد تحقيقه وربنا معايا .
امرر التاج الى
فراشتى الرقيقة كلمات
عاشقة الرومانسية نبضات قلب ولهان
رومنسى
فاتيما روح قلب ماما
احساس طفلة محبة للرومانسية


بسمة أنور حكاياتى


بسمة صلاح أيام زمان


داليا my corner


سونة


الشاعر الحزين


هنودة


لماضة


واللى عايز ياخده يتفضل


خلص الاعتراف الصعب ده

هناك ٣٤ تعليقًا:

شرين يقول...

السلام عليكم

تستحقين التاج واسئلتة جميلة وعجبنى ردك
لكن المرأة تستوقفك بجمالها وعقلها وحياءها وأخلاقها لتأخذ منك قلبك وحبك وحنانك وتعطيك وتحسسك بما لم تحسه من قبل ، وهى التى تعطيك ولم تأخذ منك قدر ما تعطيك.

عجبتنى اجابتك جدا جدا ربنا يوفقك

شرين يقول...

اية دة اول تعليق ياسلام

واخد التانى من نفسى

dahlia.. يقول...

شيمو القمر
أولاً أشكرك من كل قلبي على تعزيتك لي.. بجد كلك زوق
ثانياً ايه التاج الجااااااامد قوي فوي فوي ده..بس بجد بجد اللي أجمد منه هي اجاباتك..أنا قريتها 3 مرات..انتي فعلاً شخصية جديرة بكلللل الاحترام و التقدير..ثالثاً شكرا على التاج و يا رب أعرف أجاوب و لو نص اجاباتك الحلوة دي..ربعاً ربنا يوفقك و يهنيك و يسعدك و يرضى عليكي
السلام عليكم

♥نبع الغرام♥♪≈ يقول...

السلام عليكم
ايه ياقمرايا الكلام الجامد ده
بجد تستحقى التاج وأكثر من كده
أنتى هايله
إجباتك كلها فى الجوون
ربنا يوفقك
ودمتى بألف خير تحياتى لكى حبيبتى
أختك نوسه

ادم المصرى يقول...

تاج جميل جدا

واسئله اجمل
وردك كان جميل جدا احييكى بشده

romansy يقول...

يانهار ابيض على التاجات
انا هعمل مدونه بقى لتاجات بس
اما بقى التاج فعلا فهو صعب دا عاوزاه يومين بحالهم

الشاعر الحزين يقول...

شيمو القمر


أنتى جبتى الدبلوماسيه دى كلها منين ؟

اه ما أنتى مدرسه بقى ؟؟

بصى افهميها زى ما تحبى

مدرسه سواء بضم الميم أو بفتحها

بجد نجحتى فى الاختبار الصعب وبتفوق

وبشكرك طبعا على اهدائك التاج ليا


لكن طبعا أنتى عارفه انى خلاص الحمد لله حليته

ولكى منى كل التحيه

احساس طفلة محبة للرومانسية بس واقعية يقول...

طيب يارب اشوفك وزيرة التربية والتعليم
اهو كدا نعرف نتواصل معاكى ونضمن مستقبل الجيل اللى طالع دا
:)
ربنا يحققلك حلمك يا قمر
التاج صعب جدا على فكرة
واجابتك علية كانت منطقية جدا
ان شاء الله اجاوب علية

شكرا ليك
تقبلى مرورى

فراشة يقول...

شيمو يا جميلة
اجاباتك حلوة قوى
ربنا يحققلك كل احلامك وكل اللى بتتمنيه
ربنا يخليكى ليا دايما فكرانى بالتاجات بشكرك كتير على هديتك الجميلة
ولاون التاج ده صعب قوى
ربنا يسعدك يا صديقه القمر

blue-wave يقول...

حلوة اجاباتك
فيها صمود وقوة
وتحدى
تحياتى

حماده زيدان يقول...

جروب جريدة الصباح العربي بيت المدّونين العربي
http://www.facebook.com/home.php#/group.php?gid=78080770039

ريمان يقول...

السلام عليكم


ازيك يا قمر

وحشتينى اوى اوى اوى

وايه التاجات الحلوه ده


انا جالى التاج ده بس طنشت بقى

ههههههههههه

انسحبت

مقدرش يا اوختشى ع التيجان الصعبه دى


بس اجاباتك لذيذه اوى

وكمان غير تقليديه

مدينـة من النسـاء يقول...

ردودك بجد جميله .. انتى حد جميل اوى
جواكي قوه أوى وضعف مستحيل مش بيبان ادام اى حد
يمكن لاقيه نفسك معع كل الناس وبتثبتى فعلا شخصيتك ادام الكل
ولو حسيتىاوقات انك تايهه بتكونى تايهه منك انتي
واوقات مش بتكونى عاوزه حد يلاقيكى غير حد معين بس ممكن تضيعي العمر كله وانتى مستنياه
بس انتى صح
علشان لازم تصدقي اللي جواكى
وهو يتحقق

*

اسفه بجد لغيابي عنك
(f)

وردة يقول...

شيمووووووووو
ازيك يا حبيبتي
ايه العقل ده بس ياربي
وعمالة تقولي التاج صعب ومش عارفة ايه
انتي بقي عاوزة تخبي العقل والحكمة عننا
ههههههههه
اجابتك طبعا روووعة ومتوقعتش منك اقل من كده
ربنا يوفقك ويحققلك كل اللي بتتمنيه
يالا بقي عاوزين ابدعاتك القادمة
سلام يا حبيبتي
سلام

Tamer Nabil Moussa يقول...

السلام عليكم

معلشى التاجات بقت خلاص علينا حق هههههه

اجابات جميلة والمضمون واصل

تحياتى

عاشقه الرومانسيه يقول...

لازم اعترف لك انه فعلا اعتراف صعب
جدااااااااا
بس على مين؟
هيتجاوب يعنى هيتجاوب
بس انتى شطوره واجاباتك عسل ياعسل

ابو صهيب ( الجمعاوي الاصيل)سابقاً يقول...

السلام عليكم ورحمة الله وبركاته

اول زيارة بس حظي حلو

تاج اكثر من رائع

ممكن ارد على حته حته

أنا من طباعى عدم الهروب سأقف أمامها وأواجهها بكل ما لدى من تصميم وحين استشهد سأذهب إلى الله وهو الشمال الذى أريده

رزققك الله القوة والشجاعة وشهادة في سبيله هكذا الصامدون على الحق وليس الاتباع او انصاف الرجال

لو قدر لك أن تدخل السجن فما هي القضية التي تتمنى ان تدخل بها إليه؟
قضية الدفاع عن الشرف ، أوالدفاع عن الوطن ، أوالدفاع عن الدين ، أو الدفاع عن الأهل
صاحب القضية هو صاحب الصوت العالي فلايهب السجن او الموت فهما والحياه عنده سواء


أنا مش طماعة أبدا عايزة بس 4 ع
عريس وعربية وعمارة وعزبة
كل ده ومش طماعة
امبراطورية ع

الليل ظلمة وظلم واستبداد

المرأة نصف المجتمع وتربي النصف الاخر
فهي حقاً مصنع الرجال

وزيرة التربية والتعليم
مرة واحدة اعطاها لك الباري

اعتذر عن الاطالة

بس التاج عجبني جداً

شيماء جمال(شيمو القمر) يقول...

شرين
_________
مرسيه يا قمرايه على رأيك
وأنت تستحقينه أيضا
ويوفقك أنت كمان
تحياتى
شيمو القمر

شيماء جمال(شيمو القمر) يقول...

dahila
_________
أولا لا شكر على واجب
ثانيا
أنا مبسوطة إن إجاباتى عجبتك
وأنت كمان شخصية جديرة بالتوقير
ثالثا أنت جاوبتى على التاج أحسن منى
تحياتى
شيمو القمر

شيماء جمال(شيمو القمر) يقول...

عاشقة الأحزان
______________
وعليكم السلام
أنت اللى قمرايه
بجد جبت جون عقبال الدورى
وربنا يوفقك أنت كمان
تحياتى لك
شيمو القمر

شيماء جمال(شيمو القمر) يقول...

آدم المصرى
____________
أشكرك يا آدم على ذوقك
وأشكرك على رأيك
تحياتى
شيمو القمر

شيماء جمال(شيمو القمر) يقول...

romansy
_________
يا نهار أحمر التاجات ده حاجة جميلة مع صعوبة التاج ده بتخليك انت نفسك تعرف حاجات عن نفسك
تحياتى لك
شيمو القمر

شيماء جمال(شيمو القمر) يقول...

الشاعر الحزين
_________________
جبت الدبلوماسية ده من الحياة ومتاعبها
وإنى قرأت كتير وبحب قراءة الحكم جدا
وأنا أهديتك التاج خلاص جاوبتوا ولا لأ مش مهم المهم إنك فى المدونات الأولى عندى بس صدقنى أنا ما كنش فاكرة أنت جاوبتوا ولا لأ
عامة شكرا على تعليقك
تحياتى
شيمو القمر

شيماء جمال(شيمو القمر) يقول...

احساس طفلة محبة للرومانسية بس واقعية
__________________________________
يا رب اكون وزيرة للتربية والتعليم
وأصلح المناهج بقى اللى تعبانة ده
بس ادعولى انتم
ربنا يخليكى على رأيك فى اجاباتى
ومنتظرك اجاباتك للتاج
تحياتى يا اجمل طفلة
شيمو القمر

شيماء جمال(شيمو القمر) يقول...

فراشة
_________
انت اللى قمر يا قمر
انت تستحقين أكثر من التاجات ده بكثير
أما اجاباتى فده بعض ما عندكم
تحياتى
شيمو القمر

فكرة من الزمن ده يقول...

جميلة اجاباتك ياشيمو ياقمر
وعرفتني عليكي وعلى عقلك الجميل
وعرفتني كمان انك من التربية والتعليم ويارب يحقق امنيتك
تحياتي ياقمر
واسفة اوي على تاخيري

شيماء جمال(شيمو القمر) يقول...

blue wave
__________
ربنا يكرمك على رأيك
وأنا بهديلك التاج وأما نشوف أكيد هنلاقى فيه قوة وتحدة أكبر بكتير
تحياتى
شيمو القمر

شيماء جمال(شيمو القمر) يقول...

ريمان
______
أنا الحمد لله كويسة طول ما أنت كويسة
وأنت وحشانى أكتر بكتير
لأ لازم تجاوبيه لو فكرتى كتير مش هتعرفى أنت تكتبى الأسئلة وسيبى قلبك يجاوب والاجابات هتتكتب لوحدها زى انا ما عملت
تحياتى
شيمو القمر

شيماء جمال(شيمو القمر) يقول...

مدينة من النساء
_____________
لو تعرفى قمة سعادتى لما قرأت اسمك وأنت معلقة عندى
حسيت بفرحة كبيرة قوى مش تتوصف
لأنى كنت بحلم باليوم اللى تعلقى عندى أنا قلت إن مدونتى مش عجباكى علشان كده مش بتزورينى
عامة رأيك صح مية فى المية فى اللى جوايا
وأنا مستنياه بس المشكلة إنى مش لاقياه
وتعبت من رفض العرسان لأنى مش لاقية فيهم ما أريد
ادعيلى الاقيه
وفى انتظار تعليقاتك القادمة
تحياتى
شيمو القمر

شيماء جمال(شيمو القمر) يقول...

وردتى الحبيبة
____________
وحشانى جدا جدا
عقل وحكمة مرة واحدة ماعتقدش
ايوة بجد التاج صعب قوى خالث
شكرا على رأيك
وأنت اجاباتك اللى اجمد من كده بكتير
تحياتى
شيمو القمر

شيماء جمال(شيمو القمر) يقول...

tamer nabil
___________________
اكيد التاجات علينا حق
شكرا على رأيك وإن مضمونها قادر على الوصول لقلوبكم
تحياتى
شيمو القمر

شيماء جمال(شيمو القمر) يقول...

عاشقة الرومانسية
_____________________
فعلا اعتراف صعب جدا خالص
وتعبنى قوى ده تقريبا اعدت اسبوع اجاوب فيه
وأنت اجاباتك عسولة خالث خالث
تحياتى يا اجمل عاشقة
شيمو القمر

شيماء جمال(شيمو القمر) يقول...

أبو صهيب(الجمعاوى الأصيل )سابقا
_________________________________
بدل عجبك التاج فهذا إهداء منى لك وأريد معرفة اجاباتك عليه
وثانيا أشكرك على زيارة مدونتى المتواضعة
وثالثا أنت اللى تعليقك على كلماتى زادتها جمالا وقوة
تحياتى
شيمو القمر

شيماء جمال(شيمو القمر) يقول...

فكرة من الزمن ده
________________
أنت اللى قمرايا وتعليقك جميل
ده التاج الرابع ممكن تقرأى التاجات التانية وتعرفينى اكتر من كده
ما تتأسفيش كلنا بنتأخر ساعات بس المهم يكون السببب خير
تحياتى
شيمو القمر