الثلاثاء، 12 مايو، 2009

توأم روحك


لما تكون ماشى لوحدك

وبدأت حياتك ، وحاطط فى دماغك خطوات لمستقبلك

ونفسك تمشى عليها ، وما تخرجش عنها

علشان خايف تغلط ، وتخسر حياتك من تانى

وبتمنى نفسك بأمل ، وبتدعى ربنا يقوى الأمل ده فى قلبك

لأنك عندك ثقة فى ربك

وإنه مش هيغزلك فى يوم من الأيام

ومبسوط وحياتك عال

وفى دماغك رسم لشخص حاسس

إنه لو موجود فى الدنيا هيكون توأم روحك

ويجى كده مرة واحدة تلاقيه قدامك

وقال إيه معجب بيك

وتلاقيه بيكلمك كل شوية

وحاسس إن أنت ملاكه الوحيد

ونفسه تكمل معاه حياته

بس أنت واقعى جدا

وبتحب تبنى كل حاجة على أساسات سليمة

طلبت منه تتكلم الأول فى الأساسات ده

وحاسس من جواك بفرحة غريبة

ماحستهاش مع حد قبل كده

وبخوف على إن الموضوع مايكملش

ادعوله الموضوع يكمل

هناك 16 تعليقًا:

احساس طفلة محبة للرومانسية بس واقعية يقول...

يارب يكمل على خير

جميل الحب بالشكل دا
وجميلة الواقعية
اللى بتبنى حب على اساس سليم
جميل التفكير السليم والحب فى اطار شرعى
كل دا بيوصل للمعنى الحقيقى للرومانسية

يارب يارب الموضوع يكمل يا شيمو
ويكون اسعد انسان فى الدنيا
مع توئم روحة اللى اختارها

تقبلى مرورى

عاشقة الأحزان يقول...

يااااااااااااااااااااااه
جميل قووى كلامك
بس يارب يكمل خير بجد
وربنا يستر
لان انا كنت بعانى من ده
قبل كده
وبدءت اتعب لحد الفشل
يارب ما يوريها لحد
والوقتى ربنا كرمنى بإنسان طيب وبدعى من ربنا ان يكمل على خير
ادعولى
وربنا معانا كنا
دمتى بألف خير وحب وهنا وسعاده
تحياتى لك
إيناس

سمسمه يقول...

أولا ربنا يكمل لك على خير ياحبيبتى وييسر لك الخير

ثانيا عارفه إيه هى الاساسيات الى المفروض تفكرى فيها مش حاجات ماديه او حتى معنويه كل الى تفكرى انك تبدئى بيه حياتك انك تراعى ربنا فى كل حاجه ويكون هو اول حاجه بتفكرى فيها صدقينى هوه الضامن الوحيد وشرعه هو الاساسيات عارفه بقولك كده ليه لانك حسيتى احساس جميل بلاش يضيع منك وتضيعى معاه

وادعى ربنا حيزود سعادتك دى وحييسر لك كل حاجه

تحياتى ياقمر وان شاء الله نبارك لك قريب

ادم المصرى يقول...

اتمنالك كل خير وسعاده مع توأم روحك

صمت المشاعر يقول...

ربنا يارب يكملها علي خير

وتبقي حياتك كلها مبنيه علي اسس سليمه

ويحققلك ما تتمني اذا كان خيرا


دمتي يكل خير وسعاده يارب

شرين يقول...

السلام عليكم

اولا ربنا يكملك على خير ويفرحك يارب
ثانيا الاحساس الا حساة جميل اجمل شئ احساس الحب وانك تحسى انك لقيتى توئم روحك ييييييييييياة الكلمة دى جميلة جدا واحسسها اجمل واجمل

ربنا يسعدك

حاسوباتيه يقول...

الف مبروك مقدما ويارب يكمل على خير يارب وفرحه

hamada يقول...

يفتح باب بيت المدونين ذراعيه لكل الموهبين في :
1/ القصة القصيرة
2/ الشعر بشتى أنواعه
3/ الرواية "رواية سنوية سنقوم بنشرها في الجريدة"
4/ المقال الصحفي
إذا وجدت في نفسك القدرة على المشاركة أرجوا التواصل معي على الميل التالي
arabicsabah@yahoo.com

أرجوا إرسال مواضيعكم لأختيار الأفضل لنشره العدد القادم
http://www.facebook.com/inbox/readmessage.php?t=1069922064069&f=1&e=-12#/group.php?gid=78080770039

كاتب مصري يقول...

ربنا يتمه على خير يارب
بحب أنا العيشة في الواقع وحساب الخطوات الآتية مش أهي ماشية والسلام

جميل قوي ورائع الحب المحسوب أقصد يعني معروفه خطواته مش سبهللا لإن الي بيمشيها كده وخلاص بيقف ويتكعبل ويقع لازم وبينهي على مفيش

ربنا يحقق أحلام كل قلب بيحب طالما الحب غرضه شريف

مودتي

فراشة يقول...

يارب يكمل على خير
مادام كل خطوة فيها رضا ربنا يبقى انشاء الله خير
اتمنى لك السعادة
يارب

الأمير يقول...

ان شاء الله يكمل على خييير

الواقعيه مطلوبه
والحب بهذا الشكل رائع

ومبروووك مقدمااا

تحياتى ..؛؛

dahlia.. يقول...

ياااااا رب يا شيمو يكمل على خير..و يروح الخوف و تفضل الثقة و الفرحة و الهنا طووول العمر ان شاء الله..على قد ما الحب حلو قويي على قد ما بنخاف عليه قوي قوي..يا رب يسعدك و يسعد الجميع

طـــائر الليــــل الحـــــزين يقول...

لو كل ده الشخص ده حسه
يبقة من كل قلوبنا يارب بأذنك الموضوع ه يكمل لو فعلا فى نصيب
وتكمل القصة بالتبات والنبات
بجد حاجة فى منتهى الجمال انك فى لحظة تلاقى كل اللى حلمت بيه بكل عقلك وجورحك
تحيااااااااااتى
وسامحينى على فترة الغياب

نهر الحب يقول...

مدونة رقيقة جداا
وبوست جميل بما به من امنيات ومشاعر صادقة
وفقك الله ويارب كل امورك تتم على خير ان شاء الله

ريمان يقول...

ربنا يتمم على خييييييييييير يا رب


باذن الله


وان شاء الله ربنا هيرضيكى باذن الله

ربنا كريم اوى والله

بس انتى ادعى ربنا واطلبى مهه يحقق لك كل ما تحلمى بيه


اموااااااااه بحبك اوى

عاشقه الرومانسيه يقول...

ياااارب يتم الموضوع على خير
يعنى افهم من كده ان فيه حب جديد؟
طيب الله يسهل له ياعم
ماشيه معاك ياسيدى

(;
ده مش حسد
ده حقد على خفيف كده
ههههههههههههههه