الأحد، 17 مايو، 2009

عقل وجسد


لما تكون أحلامك فى الدنيا بسيطة

حلمك تحققها

مش بتطلب المستحيل

وعايش وراضى وقنوع

وبتحاول تخطط لأحلامك وبتبدأ فى تحقيقها

وبدأت الميل بخطوة وبتتمنى تكمل الميل كله

وأنت متأكد إن لما توصل لآخره أو حتى نصه

هتكون أسعد إنسان على وجه الأرض

وفجأة كل اللى حواليك بيقولولك

إنك مش من حقك تحقيق حاجة وإنك مكانك البيت وتربية الأولاد

وأنت حاسس إنك مش هتكون سعيد فى الحياة ده

هتتعب وهتتعب شريك حياتك

قد فاض الكيل معى

أبحث عن من يريدنى كإنسانة لها عقل وتفكير وأحلام وطموحات

ولست وسيلة تساعده على تحقيق ما يريد هو

أنا بحلم بشئ مستحيل ؟!!

هل ليس لى الحق فى ذلك ؟!!

بعد كل هذا الطريق فى التعليم

لاتكون اهتماماتى سوى الأولاد والأكل فقط

أنا أعلم جيدا أن هذا أكبر الاهتمامات

وانا أوقر بيت الزوجية ومتطلباته

ولكن هل ليس من حقى تحقيق ما أتمنى

وحلمت به طيلة سنوات عمرى

أم أستغنى عن كل هذا بعد كل سنوات الدراسة هذه

وأعيش بلا أى أحلام

لا تتحدثوا معى على أن ستكون أحلامى هى أن أربى أولادى جيدا

وأجعلهم شئ صالح فى المجتمع هذا شئ مفروغ منه

وكل أم سوى تعمل أو لاتعمل تحلم بهذا

ولكن أريد آراءكم

هل أنا أسير على الطريق الصحيح ؟

أم أستسلم لمن حولى

واليوم الذى أستسلم به

ستنتهى شيمو القمر

وتنتهى صديقة القمر

وتنتهى شيماء جمال

ولن يبق منى سوى اسم ملتصق باسم زوجى

ولن يكون لى أى صفة

ولن يبق سوى عقل وجسد بلا أى أحلام

هناك 29 تعليقًا:

عاشقة الأحزان يقول...

السلام عليكم
ايه الكلام الكبير ده يابنتى
فى ايه مالك
حبيتى بالله عليكى انا بجد تعبت لما قرءت الكلام ده
لالالالالالالالالا
مش قادره
استوعب
ياترى اللى فى دماغى صح
ها؟
هكمل تانى

شيماء جمال(شيمو القمر) يقول...

يا جماعة أنا مش متزوجة أنا لسة صغيورة
المشكلة إن كل واحد جاى وعايز يتزوجنى أول ما نتكلم مع بعض
أول حاجة يقولها مافيش شغل
هو تحكم يعنى وخلاص
وأنا حاسة إن الشغل ده حياتى
اللى بطلبه شئ مستحيل
جاوبوا أسئلتى
تحياتى
شيمو القمر

احساس طفلة محبة للرومانسية بس واقعية يقول...

بصى يا شيمو مش معنى انك تتجوزى انك تتلغى وكل طموحاتك وشخصيتك وتفكيرك يتمحوا لا ابدا

اولا تفكيرك وشخصيتك مش بيتحددو من مجرد شغل او عدم شغل ممكن يكون فعلاالشغل بيحدد بس مش هو المقياس

الزواج برضو مش مجرد اكل واولاد
واسامى بتتنسب للاباء

يعنى فى طريقة تفاهم وحوار لازم يكونوا بينك وبينك شريك حياتك تقدروا تتواصلوا مع بعض فكريا وثقافيا

ورأيي لا طبعا متستسلميش لاراء حد
بس فى نفس الوقت خلى تفكيرك مرن
زواج بدون شغل لا يعنى تحكم وانتهاء لشخصيتك وزواج بشغل لا يعنى اثبات لشخصيتك وحريتك وتفكيرك

المهم تتجوزى حد فى تفاهم بينك وبينة
بيحترم رأيك وتفكيرك وحريتك ويكون فى تواصل بينكم مش من الاول كدا يقولك مفيش شغل ويبداء التحكم

يارب رأيي يفيدك
تقبلى مرورى

عاشقة الأحزان يقول...

حبيبتى
ياريت متافهمنيش غلط
انا فاهمه انك لسه صغنونه
بس انا بقول كده انك يعنى ممكن تسيبى التدوين ده اللى قلقنى ياحبيبتى والله
وطبعآ اى وحد كده دايمآ الرجاله انانين ومش بيحبوا غير نفسهم
وده شىء اكيد
بس حاولى تحققى ذاتك
انا عن نفسى بشتغل الحمد لله والشغل عندى شىء اساسى
وبجد والله حاسه بيكى
دمتى بألف خير ياعمرى
وياريت متزعليش منى
لانى بجد بمر بظروف صعبه قووى
داعوتك ليا
سلالالالالالام

dahlia.. يقول...

ازيك يا شيماء
كلامك وجعني قوي لأنه فكرني بوقت من حياتي كنت خلاص نسيت فيه بجد أنا مين و كنت بحلم بإيه أو حتى عايزة ايه..المشكلة انك لما بتوصلي للحالة دي (بعد الشر عنك)و مع الوقت بتلاقي نفسك مش قادرة حتى تربي ولادك صح عشان انت نفسك مبقتيش عارفة ايه الصح أو الغلط الا من خلال رأي الآخر..اللي بيحبك بجد حيحترمك بجد و حيقدر رغبتك في انك تكوني انسانة عايشة مش مجرد ضل..
ربنا يسعدك و يهنيكي و يوفقك
داليا

ريمان يقول...

شيمو حبيبتى


كل واحده مننا

واى واحده مننا

ليها احلام

آمال

طموحات

اساسيات متقدرش تستغنى عنها

راسمه لنفسها مستقبل بشكل معين

متقدرش تتخلف عنه

ولا تتنازل عن اللى رسمته فى خيالها

لازم شريك حيات كل واحده يقدر ده

ويفهم ده

المراه مش مجرد قطعه عجين يشكلها الراجل زى ما هو عايز

والرجوله مش اوامر وبس

الحياه الزوجيه مش نهايه

مش نهايه للاحلام

ولاحلام البنات

ومش نهايه للسعاده

زى ما بيحصل

الحياه الزوجيه بدايه

بدايه لحياه كلها مليانه بتحقيق الاحلام المنشوده

مش قتل للاحلام وللطموحات

بصى يا شيمو

نصيحه منى

انتى اختارتى طريق

والطريق ده صح

اوعى تنحرفى عن الطريق ده او تاخدى اتجاه تانى عشان تحققى هدف مالوش علاقه بيه

خدى قرار فى حياتك

سيرى عليه

بس الاول اعرفى يعنى ايه قرار

عشان تلتزمى بيه

وبجد هتلاقى اللى يقدر احلامك ويحققها معاكى ويبقى هدفه هو تحقيقها

نصيحه كمان منى

اوعى تتنازلى عن اى شىء مقابل شىء تانى

هتندمى

وانا مجربه

تحياتى ليكى يا حبيبتى


على فكره

من حق

فرحانه اوى اوى ان البوست بتاعى الاخير عجبك اوى كده والله بفرح اما بحس ان حد بيقدرنى

الأمير يقول...

بسم الله ...

مش هقول لحضرتك اه او لأ
ولا هقول من حقك او مش من حقك

هقولك بس .. يا ترى لما ربنا يأمر
بأمر يجب تنفيذه ... هتنفذيه ..؟؟

ان شاء الله هتنفذيه
يبقى اسمعى قول ربك ..

" وَقَرْنَ فِي بُيُوتِكُنَّ وَلَا تَبَرَّجْنَ تَبَرُّجَ الْجَاهِلِيَّةِ الْأُولَى وَأَقِمْنَ الصَّلَاةَ وَآَتِينَ الزَّكَاةَ وَأَطِعْنَ اللَّهَ وَرَسُولَهُ إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا (33) وَاذْكُرْنَ مَا يُتْلَى فِي بُيُوتِكُنَّ مِنْ آَيَاتِ اللَّهِ وَالْحِكْمَةِ إِنَّ اللَّهَ كَانَ لَطِيفًا خَبِيرًا (34) "
خلى بال حضرتك من حتة .. (( وقرن فى بيوتكن ))

اختنا ... كل القضيه بس
هى مصونتك والحفاظ عليكِ
اما من يريد فقط ان يتحكم
ويعتقد ان الرجوله فى القاء الاوامر
فهذا شىء غير مقبول

احلامك وطموحاتك ودنيتك
هى اشياء خااااصه .. بل خاصه جداااااااا
لا يستطيع احد ان يتدخل فيها .. الا ... بإذنكِ انتِ ..
حاولى ان يكون تفكيرك مرن وتستوعبى الامر ... وفعلا ..
ليس معنى انكِ تعملى انه لا توجد تحكمات
وليس معنى عدم العمل الغاء لشخصيتك ..

اجمل التمنيات بالخير والسعاده ..؛؛

الامير ..؛؛؛

طـــائر الليــــل الحـــــزين يقول...

بصى يا قمر
الموضوع دع مهم جداااا
وانا من رأى انها قدرات
فى بنات او سيدات بيكون كل حلمها فى الدنيا هو البيت وتربية الولاد وبس
وفى ناس زى وزيك
حلمهم اكبر من كده
مع الاسرة
الحلم انك تحققى المستحيل ويكون ليكى هدفتوصليله بعد وقت من التعب والجهد
انا عن نفسى بحترم جدااا البيت والولاد
بس كمان بحترم ان الانسان اللى يكون عنده طموح وميقتلوش ابداااا
انتى صح
اوع تيأسى
ومش تخلى حد يرسملك طريقك
انتى اكتر حد يقدر يحدد قدراته
وعليه اهدافك
دومتى بكل ود
شيمو القمر

شيماء جمال(شيمو القمر) يقول...

عاشقة الأحزان
________________
ما هو الموضوع كبير يا أنوس لازم يكون الكلام كمان كبير

لا استوعبى
بس اللى فى دماغك هيبقى صح لو استمر الضغط علىّ
ولكن عندى ثقة بالله أنى سأجد من أريد

تحياتى

شيماء جمال(شيمو القمر) يقول...

إحساس طفلة محبة للرومانسية بس واقعية

رأيك فادنى كتير
بس صدقينى أنا عارفة نفسى كويس
مش هستحمل حياة البيت والولاد وبس
مش هعرف هم أنا متأكده هيكونوا رقم 1 ولا يقارنوا بشئ
بس صعب كل اللى حلمت بيه ينتهى كده فى لحظة

عامة أشكرك على رأيك
تحياتى
شيمو القمر

شيماء جمال(شيمو القمر) يقول...

عاشقة الأحزان
____________
أنا حسيت انك أنتى اللى فهمتى كلامى غلط
وانا مش صغيورة اوى يعنى انا كنت بهزر
بس خفت حد يفهم كلامك انتى غلط فقلت اوضح
انا عارفة كويس انهم انانين بس ده عندهم درجات

مرسيه على احساسك الجميل ده
وربنا معاكى وتمر الظروف الصعبة ده
ربنا يوفقك ويريحك
تحياتى
شيمو القمر

شيماء جمال(شيمو القمر) يقول...

dahila
_________
داليا حبيبتى اعتذر لو ضايقتك
بس كلنا بيبقى عندنا حلم ولو ضاع احنا نفسنا بننتهى
ومش بنعرف نحلم تانى
وساعتها مش هنعرف نعمل حاجة كويسة حتى تربية الاولاد

ربنا يخليكى على كلامك الحلو ده
تحياتى
شيمو القمر

الشاعر الحزين يقول...

شيمو القمر

التعليق اللى كنت هقوله اكتشفت ان أخونا الامير قاله بالظبط

وفعلا هو قال الصح جدا

أحلامك وطموحاتك خاصه جدا بيكى

ولو لقيتى الانسان اللى عايزك تقعدى فى البيت عشان خايف عليكى وعايز يحافظ عليكى يبقى أكيد عنده حق

لكن لو انسان عايز يأمر وأمره يتنفذ وبس وتبقى هى دى الرجوله بالنسباله يبقى ميلزمناش

فكرى بالراحه وأتمنى توصلى للصواب

وأتمنى تلاقى انسان بيحبك وبيخاف عليكى وعايزك تشتغلى معاه ويكون بيشتغل فى نفس مجال شغلك

وتعيشى سعيده بيه وبشغلك وبحياتك

تحياتى لكى

م/ محمد صالح يقول...

شوفى يا شيماء انا صحيح اول مره اشارك على مدونتك لكن موضوعك شدنى جدا ونصحتى ليكى خليكى على مبدئك واوعى تتراجعى عنه حتى لو خسرتى بعض الناس المهم متخسريش نفسك انت انسانه لها كبينها وطموحتها واحلامها ومن حقك المحافظه عليها وتحقيقها وإلا هيضيع منك معنى الحياه وتصبحى مجرد اداة تسليه وحاجه موجوده فى البيت زى التليفزيون والكمبيوتر تسلى وبس اسف فى التعبير بس دى الحقيقه اصبرى اكيد هتلاقى الانسان اللى يستاهلك ويسعدك ويبقى عاوز شيماء الانسانه بحياها وطموحتها وتمنياتى لك بالتوفيق الدائم

شيماء جمال(شيمو القمر) يقول...

ريمان
________
بجد كلامك ده رفع من معنوياتى كتير قوى
أنا كنت محتاجة أراءكم جدا
أنت من الناس ده
وأنا الحمد لله
هبدأ أمشى على الطريق الصحيح
ومش هتنازل عن حياتى لحد
تحياتى
شيمو القمر

شيماء جمال(شيمو القمر) يقول...

الأمير
________
كلامك مفيد جدا
أنا درساه كويس أنا خريجة كلية شريعة
بس كمان درست إن الشغل جائز ومش حرام بدل هخرج من بيتى وأنا محجبة الحجاب الصحيح وبشتغل فى حاجة ما تجرحنيش
وكمان أنا مدرسة لغة عربية وده حاجة ماتجرحش حد
بس هو فعلا كانوا داخلين على تحكم
أشكرك على رأيك
تحياتى
شيمو القمر

Abo 7anf يقول...

السلام عليكم
هو اكيد حقك تشتغلى
محدش يقدر ينكر عليكى الحق دا
و لازم تكونى كيانك
والا مكنتيش درستى
و تعبتى لحد متتخرجى

أمال ليه كل البشوفهم بيدروا على واحده يخطبوها
بيسالوا هى بتشتغل ايه
و كلهم بيبقوا موافقين
لانهم مش عايزين يرتبطوا بانسانه عديمه الشخصيه
لانها هى الهتبنى شخصيه اولاده

شيماء جمال(شيمو القمر) يقول...

طائر الليل الحزين
_________________
فعلا يا جميل عندك حق ده قدرات أنا قابلت بنات كتير كده وبيبقوا خرجين طب وهندسة ومش فارقة معاهم
كده احنا متفقين فى الرأى
وأشكرك على تشجيعك لىّ
تحياتى لك
شيمو القمر

شيماء جمال(شيمو القمر) يقول...

الشاعر الحزين
_______________
الكلام اللى قاله زميلى الأمير لو اتفقت معاه فيه يبقى اقرأ ردى على تعليقه
يمكن عندك حق
بس مش كل الرجال بيبقوا عايزنها تعقد فى البيت علشان خايف عليها
المفروض إنه يشجعها إنها تنجح ويساعدها فى تحقيق اللى بتتمناه
مش لازم يكونوا فى نفس المجال
أشكرك على تعليق
تحياتى لك
شيمو القمر

شيماء جمال(شيمو القمر) يقول...

م/محمد صالح
______________
أشكرك على زيارة مدونتى المتواضعة
وكلامك ده هو اللى كان جوايا وأنا بكتب البوست
أشكرك على رأيك وأمنياتك لى
تحياتى لك
شيمو القمر

شيماء جمال(شيمو القمر) يقول...

abo 7anf
_________
أشكرك على رأيك
بس مش كلهم كده يمكن اللى حواليك أنت كده لكن اللى عندى غير كده

الإنسان المتحضر بيبقى ذكى بيعرف إزاى يكون متفاهم مع زوجته لحد ما يوصلوا لللطريق الصح ويعيشوا سعداء

تحياتى لك
شيمو القمر

قلب ارهقته الاحلام يقول...

انا لو اتكلمت مش هقولك غير حاجة واحدة بس

اوعي تتنازلي عن احلامك أو عن اجزاء منك

لانك لو عملتي كده هتفقدي نفسك بجد

ولو الانسان ال جايلك عاوز يلغي شخصيتك ويطمس معالمك

فصدقيني يبقي ميستحقكيش

دي حياتك بحالها ال جايه لازم إن شاء الله يكون إنسان جدير بيكي

يراعي فيكي ربنا ويساعدك علي إنك تكوني نفسك مش تبقي مجرد تابع ليه

وتحياتي ليكي ياقمرر ربنا يوفقك يارب

الرفيق تشي بَرَاء يقول...

سلام الحب والرحمة ..

كيف حالك صديقتي ، وصديقة القمر ، والقلم ؟
أتمنى أن تكوني بخير حال ..

مواضيعك الأخيرة أعجبتني كثيراً ، والموضوع الحالي يعتبر هو الأجمل على الإطلاق ..

ما أثرتيه من ملاحظات هو غاية في الأهمية ، ويتناول قضية محورية من قضايا المرأة التي شغلتْ بال كثيرين من الرجال والنساء على السواء ، وتسلط الضوء على مفهوم إنساني عميق ؛ ألا وهو مفهوم "الشراكة" بين الرجل والمرأة ..

عزيزتي ،،
قبل أنْ أطرح رأيي ووجهة نظري ، هل لي أن أسأل بعض الأسئلة :

- كم امرأة على مر التاريخ تولت منصب حاكمة أو منصب وزيرة أو منصب سفيرة ؟
- كم امرأة على مر التاريخ كانت قائدة عسكرية أو زعيمة سياسية ؟
- كم امرأة على مر التاريخ كانت فيلسوفة قديرة أو حكيمة كبيرة أو أديبة وشاعرة عظيمة ؟
- كم امرأة غيرتْ مجرى التاريخ بنظرية علمية ساهمت في تغيير مسار الإنسانية ؟
وكم .. وكم .. وكم ؟!!

إنه شيء ملفت للنظر حقاً أن نجد على مدار التاريخ الإنساني كله أنّ معظم القادة والعلماء والأدباء والحكماء والفلاسفة كانوا رجالاً ..
وحتى فن الطبخ المشهور عن المرأة أنها سيدته ، نجد فيه أنّ معظم طباخين الفنادق الكبيرة هم أيضاً رجال !!

في أمة كأمة العرب .. لماذا معظم شعراء الجاهلية كانوا رجالاً ؟
وفي أمة كأمة اليونان .. منبع الفلسفة .. لماذا معظم – إن لم يكن كل – الفلاسفة البارزين ، كانوا رجالاً ؟
وفي حضارات الشرق القديم .. كان بوذا في الهند ، ولاوتسو وكونفوشيوس في الصين ، وزرادشت في إيران ، وأخناتون في مصر .. وكل هؤلاء الحكماء العظماء كانوا أيضاً رجالاً !!

وفي التاريخ المعاصر ،،
في أوروبا وأمريكا والاتحاد السوفيتي السابق .. تلك الدول التي رفعت شعار المساواة التامة بين الرجل والمرأة ، ومنحت المرأة حقوقاً في بعض الأحيان تفوق حقوق الرجل ، وأتاحت للمرأة الفرصة الكاملة للمشاركة في الحياة الفكرية والثقافية والعملية .. في تلك الدول نجد أنّ البارزين هم أيضاً رجال !!

-----------------------

عزيزتي ،،
اسمعي مني هذه الجملة ، وأرجو ألا تنسيها طيلة حياتك :
((المرأة لم تُخلَق إلا لتكون أماً))

هذه هي وظيفتها الأساسية ومهمتها الرئيسية ..
تربية الأطفال وتخريج الأجيال ..
وهذه بالنسبة لها هي أشرف وأعظم الأعمال ..

أرجو ألا يُفهَم كلامي على أنه دعوة ظلامية إلى حبس المرأة وسجنها بداخل أربعة حوائط (إن لم يكن بداخل نقاب) بحجة أنّ الله أمرها بالوقار في المنزل !
ليس حراماً أن تعمل المرأة وتخرج وتتعلم وتمارس حياتها بصورة طبيعية كما يمارسها الرجل ..
والله يعلم أنني من أشد المدافعين عن حقوق المرأة ، وأشد المناصرين لها ولقضاياها ..

ولكن في النهاية ،،
المرأة هي المرأة ..
والرجل هو الرجل ..

المرأة تظل تحلم وتطمح وتجتهد حتى تصل إلى أعلى درجات النجاح ..
حتى إذا أحبتْ ..
تنازلتْ عن كل أحلامها ..
واعتبرتْ نجاحه ، هو كل نجاحها ..

والرجل يسره أن يبقى دائماً ،،
هو حاميها وفارس أحلامها ..

هو يستمد قوته من رجولته ..
وهي تستمد قوتها من حنانها ..
والإثنان أقويــــاء !!

هو يستمد نبله من شهامته ..
وهي تستمد نبلها من أمومتها ..
والإثنان نبـــــلاء !!

هو يستمد وفاءه من احترامه لها ..
وهي تستمد وفاءها من عفافها ..
والإثنان أوفيــــاء !

هذه سنة حياة ..
وطبيعة بشر ..
وإذا كان الرجال قوّامون على النساء بما فضّلهم الله به من صبر وقوة احتمال ،،
فالمرأة هي التي أنجبتْ هؤلاء الرجال ..
وهي التي ربّت هؤلاء الرجال ..
وكانت سبباً في كونهم فيما بعد أبطـــال !!

وهكذا تتساوى الكفّتان ..
وهكذا تسير الحياة ..

أنا شخصياً – إذا تزوجتُ – لا أمانع أنْ تعمل زوجتي ، وسأتركها تحقق كل طموحاتها ..
وسأظل أراقبها من بعيد ، في صمتٍ ممزوجٍ بابتسامة ..
فهي الابتسامة التي ستبادلني إياها في نهاية المطاف ، بعد أن تأتي إليَّ لتقول بمنتهى الرضا :
((لقد تعبتُ يا حبيبي من الكدّ والعمل ، وأرجو أن تضمني إلى حضنك ، فلا أخرج من دفئه إلى الأبد))


خالص تقديري واحترامي للمرأة
أجمل مخلوق في الدنيا


الرفيق محمد جمال

م/ محمد صالح يقول...

شيماء انا فعلا سعيد لانى حاسس انك ابتداتى تخرجى من حالتك وترجى تانى شيملء اللى انت عوزاها بشكرك على كلامك الجميل واتمنى ان يكون هناك مجال لكى تيدوم هذا التعارف

وردة يقول...

في انتظار عودتك ياقمر
ربنا يوفقك
سلام

beautiful mind يقول...

السلام عليكم يا شيماء يارب تكوني بخير وترجعي بالسلامه لمدونتك
كلامك بجد لمس جزء حساس جدا من حياتنا كلنا

لكن موضوع شغلك من عدمه دي بترجع لنوع شغلك وانا عارف انك مدرسه زي حالاتي يعني والتدريس مهنه شريفه جدا ومهمه جدا بردو

بس يا شيمو لازم المراه تسمع كلام زوجها لو هو اراد انها متشغلش لان دا بالنسبه ليها هايكون طاعه لربنا وسبب لدخولها الجنه

حلـم،، يقول...

تروحي وتجي بالسلامة ربنا يحقق امنياتك واتاثرت كتير بكلامك هيك قلب حتما سيملك هيك حق ..والصبر طيب وحيصير حلمك حقيقة.. بس ما بصير مانغير في وعينا.. واذا اردت ان تعرف نفسك ومن ثم الناس انفرد بنفسك ..ستجد ما يجعل الامور افضل.. انجرب انغير كل شيء سبب لنا الالام.. والطريقة.. والتفكير والنظرة.. والمحيط.. كوني بخير ساشتاق لزيارتك..حلم..

فكرة من الزمن ده يقول...

شيمو القمر
وحشتيني
وجيت اعلق هنا علة اخر بوست واقولك ترجعي بالف سلامة
لقيت البوست ده مهم جدا


لا ياشيمو الموضوع اعمق من اختار نعم او لا

بمعنى اولا الزواج بناء وليس هدم يعني حياة بتتبني من طرفين ماينفعش انه طرف فيهم يهدم الاخر لكي يبني الحياة

طموحاتك شيء مشروع ومهم لكي

وواضح انك بترجحي كفة الطموح على كفة العريس
لانه ببساطة عريس تقليدي لم تجمعكم احلام ولا مشاعر
وليس منطقي على الاطلاق ان تتخلي ببساطة عن احلامك ارضاءا لاي شخص والسلام

اما ان كنت احببتيه فاعتقد انك لم تكوني لتكتبي البوست ده وتسالي كان من الطبيعي انك تتفاهمي معاه واما تتفهمي وجهة نظره
وتتخلي طواعية عن احلامك

او يتفهم هو وجهة نظرك ويرض بك حبيبة وزوجة عاملة
تحياتي ياقمر واسفة اني طولت

ريمان يقول...

وحشتبنى

ارجعى بقه