الاثنين، 27 أبريل، 2009

قلبك وجعك؟!









لما تكون عايش حياتك ومبسوط

ومخطط لأحلامك وأهدافك

ومع وحدتك وعدم وجود حب جواك

بالنسبالك عادى بتقول لسة مجاش الوقت

اللى تلاقى فيه اللى بتحبه

وفى لحظة جالك واحد واقتحم حياتك

من غير مقدمات ومرة واحدة لقيت

نفسك بتحبه وهو بيحبك ودخلك حياة جديدة







جميلة قوى مع ترددك فى الأول بدخولها

وعشت فيها أحلى الأحلام والآمال

ومرة واحدة برده جه وطردك

منها برده بدون أى مقدمات

وبعد كده حسيت بحيرة جواك

ومش عارف أنت عايز إيه

جرحك أقرب الناس ليك

بعد ما كان حياتك

وأنت مش قادر تسامحه

وتعيش ميت شهور






ولما تلاقى حياتك تانى

وتبدأ من جديد

وتحاول ترتب أهدافك وتخطط أحلامك

وتلاقى بعد وقت جه تانى برده وطلب منك الرجوع

وأنت حاسس جواك بلغبطة شديدة

فبعدت شوية علشان تفكر

وتحاول تسامحه ، تلاقى نفسك مش فاكر غير جرحك وبس

ومش قادر تفتكر الحاجات الحلوة اللى بينكم

وتروح وتقابله وتواجهوا باللى جواك

وتقوله صعب الرجوعوإن العقل بيقول البعد أفضل حل

وبعد ما تسيبه تحس إن أنت اللى أتوجعت



قلبك بيوجعك

تعمل إيه؟!

هناك 28 تعليقًا:

عاشقة الأحزان يقول...

ahoo.comواو أول تعليق

عاشقة الأحزان يقول...

السلام عليكم
شيمو القمر
بجد أنتى جميله قووى
جميل هو وصفك لمثل هذا الموضوع
بجد كنت بحب إنسان قووى حب كبير مالوش نهايه
وهو كان بيضحك عليا وبيوهمنى بحبه
كانت تمثليه
فضلت أحط بقلبى لحد ما كنت همووووت قووى
وبعدين قررت إنى أوجه هو أنا مش هخاف من ربنا وهخاف منه
بس بجد بعد ماوجهته أرتحت قووى ياشيماء للدرجه كبيره
والحمد لله ربنا كرمنى بإنسان طسيب
حبنى قووى وجميل قووى
بتمنى من ربنا سبحانه وتعالى ربنا يوفقنا أحن الاتنين
إدعيلى يا شيمو من قلبك
صدقينى أكنت برده فاكره إن الدنيا بتقف لشخص معين بس صديقنى ما فيش حد يستاهل إن أحنا نموت نفسنا عشانه
كلهم بيضحكوا على البنات
يلا ربنا يسمحمهم
معلهش لو كنت أتكلمت بمثل هذا الموضوع بس بجد غصب عنى
والحمد لله أرتحت قووى
سلامى ياقطه
أختك إيناس

وردة يقول...

شيمو
زي ايناس ما بتقول ربنا حيكرمك بالاحسن
القصة دايما بتكرر نفسها
رجوعه ليكي اكدلك انك مش بتحبيه خلاص وان الجرح اللي سببهولك كان اقوي من اي كلام حب او مشاعر جمعتكم في يوم
اسمعي كلام عقلك المرة ديه
البعد فعلا افضل حل ليكم
ولو اتجرحتي اكيد ربنا حيعوضك بالاحسن واللي يستهالك
الجرح رغم صعوبته والمه الا ان بيعلم
اتعلمي متديش قلبك غير للي يستهاله
حبي الدنيا وحبي حياتك
طيبي جرحك بنفسك
علشان لما القلب يدق مرة تانية بحب حقيقي وانسان محترم يستهلك
يلاقي القلب مستني من غير جروح
انا عارفة ان الكلام مش سهل
بس جربي يا حبيبتي
كلامك بجد جدد احزاني
لانه طالع من قلبك
معلش
المهم شيمو القمر ترجع تاني تنورنا
وتبقي احلي من القمر
سلام

احساس طفلة محبة للرومانسية بس واقعية يقول...

يمكن عشان قلبك لسة اول مرة يدخلة الاحساس دا اتجرحتى قوى ومفتكرتيش غير الجرح
هو كدا مش بيتجرح قوى الا اللى بيحب اوى

بس تعرفى بتهيألى دا مش حب وبيضيع الاحساس بية مع الايام وبتعرفى تميزى كويس ان مش دا الحب

دا بس اول احساس يخبط على باب القلب
ربنا يوفقك ويرزقك الحب الحقيقى من غير جراح

تقبلى مرورى

همس الاحباب يقول...

ربنا يسعدك دنبا واخرة
اسلوبك رائع جدا
وسردك سهل ممتنع
تحياتى وتقديرى

romansy يقول...

هتعمل ايه لما حبيبك فجاه يسيبك
هتعمل ايه
لما يكون ساكن فى وريدك هتعمل ايه
تبعد مش هتقدر
تقرب صعب اقدر
دا الحب اللى حبيبته
ومش هقدر انى اصبر

اسماء واحلام فى وجدانى يقول...

ساعات العقل بيكون قاسى

بس بكل اسف بيقدر يوصلنى للطريق

الصح فى الوقت اللى قلب بيرفض النسيان

رغم جروحه والامه

”*°•.˜”*°•..سونه..•°*”˜.•°*”˜ يقول...

السلام عليكم .
يااااااا ياشيماء بجد خلتينى اعيش القصه واخرج من احساس جميل الى الم شديد ومن الامل فى الحب الى الخوف والبعد
انا عن نفسى البعد افضل شىء
الحب الحقيقى اكيد مفهوش جرح ولا بعد ولا بيوجع القلب .
تحياتى وسعيده بتعليقك الاول عندى منوره دائما ياقمر .
دمتى بكل حب ((**ســونه**)) .

Eno يقول...

الموقف صعب اوي :(

بس اظن اني وجع القلب ده شئ طبيعي مش معناه اني مش قادر ابعد طلما العقل رافض الرجوع
وجع القلب في الحاله دي بسبب الجرح اللي هياخد فتره ويلتأم لوحده والله اعلم طبعا

ربنا يسعد ايامك ياشيمو :)

سمسمه يقول...

السلام عليكم انا اول مره بعلق عندك يا شيماء بس ان شاء الله مش الاخيره
بجد احساسك رائع
انا حصلت معايا نفس المشكله بس مش بنفس تفاصيلها بس فعلا الحب وجع بجد
انا فجاه اول مره يدخل الحب قلبى بالرغم انه دخل بعد عذاب بس فى الاخر بعدنا علشان اهلى مش موفقين لاسباب بعد ما سبنا بعض ورجعنا عشرين مره وانا الى كنت ببعد لانى خايفه من البعد الى حنتجبرعليه بس فعلا حسيت بوجع جامد جدا فى قلبى هوه بدا يخف بس لسه اثره ما انتهاش
تحياتى وحستنى تزورينى

فكرة من الزمن ده يقول...

يااااه ياشيمو
انت جيتي على جرح قديم
وعايزة اقولك اللي عملتيه ده انتقام العقل
يعني زي ما جرحني لازم اجرحه
لكن بعد الانتقام هديت نار التار ورجع الحب تاني
انا رايي لو هو بيحبها اكيد مش هايسيب الياس يفرق بينهم تحياتي يا شيمو ياقمر

أحساس لسه حى...كلام من جوه روح لكل روح يقول...

عزيزتى

ما اللى هيخش حياتك يا هيخدك فى جنة يا هيخدك فى نار الله اعلم


هنا بقه طلع واخدك فى نار ووجع معلش ده يمكن ذنبك لانك معرفتش تختار


لو الحب اللى جواكى حقيقى ممكن تسمحيه لو صادق فى رجوعه لاكن الحب بدل مات يبقى مكنش حقيقى واللى عمله بين حقيقة مشاعرك وبكده ليه الرجوع وانت مش هترضى الرجوع

ومين يقدر على وجع القلب واللى بيحبه

لو قدر عليه لحظة التانيه مش هيستحملها

ووجع القلب من الجرح مش من بعاده


تحياتى

سلام

ادم المصرى يقول...

شيماء انا عشت ايام بجد فكرت فى انى ا عمل اى شيئ فى نفسى ا تلهى فيه عشان كا نت حببتى هتسبنى ومكنتش قادر افكر انى اعيش من غرها بعد حب سنتين ورج عتلى بس احساس الفراق كان صعب جدا وعشتو واتمنى محدش يعيشو لئنى الى بيحب بصدق ميقدرش ي ف ترق عن محبوبتو ابدا ابدا

قصه جميله جدا وفكرتى بأشياء مكنتش اتمنى افتكر ها تانى

فراشة يقول...

ايه الحيرة دى يا شيمو
ده يتوقف على مدى الجرح
يعنى لو جرح صعب قوى ماكنش له مبرر
وكمان سبب رجوعه كان اضرارى
ساعتها اوعى من الرجوع
لانه حيهجر تانى
لكن لو الجرح كان بسبب غصب عنه او له مبرر قوى ساعتها سامحى وعوضيه بالامان
اللى يحس بيه انه من غيرك ضايع وفاقد له
ربنا معاكى الموضوع مش سهل
تحياتى لصديقه القمر

حاسوباتيه يقول...

رايي انها تسيبه طبعا ومع الوقت هتنسى وماترجعلوش لان الي يبيع مره سهل عليه يبيع ميت مره تاني يبقى تتحمل جرح مره واحده ومع الايام هتنساه ولا انها تتحمل كزا جرح ده رايي

ريكو يقول...

احساس فعلا صعب يا شيمو
اصعب حاجة فى الدنيا هى الفراق وخصوصا لما يكون مصحوب بجراح وذكريات مؤلمة
لكن الغريب انك اتوجعت للمرة الثانية ودة دليل انة لسة فى قلبك أبدا ما خرجش
لكن القرار الاول والاخير لكى انت اللى تقدرى تقررى اذا كنت تقدرى تنسى وتسامحى وللا لأ
ربنا معاكى ويوفقك للخير

الشاعر الحزين يقول...

شيمو القمر

يمكن رأيى يكون مختلف عن باقى الناس

لكن هو ده رأيى ولازم أقوله

أنتى لازم تكونى دلوقتى فى قمة السعاده

مش فى قمة الحزن

أنتى خسرتى اللى المفروض تخسريه

وكسبتى اللى لازم تكسبيه

خسرتى انسان مش يستاهلك

وكسبتى تجربه فى الدنيا علمتك كتير قوى

عشان كده لازم تكونى سعيده

صدقينى أنتى الكسبانه والله أنتى الكسبانه

عيشى حياتك وأنتى رافعه راسك

أنتى أقوى من كده صدقينى
فكرى فى كلامى كويس قوى

وأنتى تعرفى انى على حق

فكرى وقررى وقوليلى على النتيجه


تحياتى

شرين يقول...

السلام عليكم

كلامك جميل على فكرة مش عارفة هل انا رومانسية زيادة عن اللزوم ولا ايةانا مقدرش مهما حصل من حبيبى ان اسيبة لان انا لما حبيتة وعشقتة حبيتة بكل جنونة حبيت بشر مش ملاك ممكن يقول بس بدال رجع وحسيت بصدقة هيلقينى بقولة وحشتنى


بوستك حلو اوى عجبنى جدا جدا ربنا يسعدك يارب

koketa يقول...

انا مش بعرف اعلق على الكتبات الجميلة دى انا بحب اتامل كل كلمة فيها انا دى تالت مرة تقريبا ادخل اقرا البوست بس المرة دى قلت لازم اسيب تعليق لانك بجد يا شيماء جميلة جدا فى كتباتك

blue-wave يقول...

احساس صعب فعلا
ربنا معاكى

momken يقول...

ايه الجمال ده؟

بجد روعه

اكيد تستحق الافضل

ابدعتى

تحياتى

مهندس / على درويش يقول...

جميلة جدا

فعلا أحيانا نبكي وأحيانا نضحك واحيانا لا نسطيع ان نسامح واحيانا نسامح

ولكن يأتي علينا يوما يكون فيه البكاء هو المسيطر والتسامح يهرب من بين أيدينا وتقسوا قلوبنا

والسبب هو خيانه أو غدر أو جرح أو ظلم من أقرب الناس إلينا


تحياتي

أميرة الجنة يقول...

ازيك يا شيمو وحشتينى قوى البوست ده بيوجع قوى كده ليه بس جميل احساسك
انا رايى ان اللى انتى عملتيه صح الصح الا فى حالة واحدة انك تحسى ان الحد اللى دخل ده ممكن يستاهل انه يتسامح ومحدش هيعرف كده او هيحس بكده غيرك انتى
فكرى وركزى وقررى ولو لقس\يتى ان الرجوع حلو ارجعى انتى بلاش تترددى
تقبلى تحياى يا قمر

Tamer Nabil يقول...

السلام عليكم

احساس صعب

بس نحاول على قدر المستطاع التغلب علية على قدنا

تحياتى

عاشقه الرومانسيه يقول...

باعترف انى مش هاعرف اعمل حاجه
لو هاعرف ماكانش ده بقى حالى
ااااااااااااااااه
جيتى على الوجع
مسيرى هاعرف ياشيمو

mohamed ghalia يقول...

بجد هايل اسلوبك روعة
تسلم إيدك
ربنا يسعدك دايما

شيماء جمال(شيمو القمر) يقول...

أصدقائى الأعزاء أشكركم على مشاعركم النبيلة ده
أوعدكم بالرجوع الى شيمو القمر اللى بتحبوها عن قريب ان شاء الله

انا عندى امتحانات قريب
ادعولى كتير

تحياتى
شيمو القمر

محمد علي يقول...

طيب انا حبيبي لما بقوله بحبك وكلام حب بيقولي كلامك بيدخل علي قلبي بيوجعه بقوله إزاي يقولي بحس بيه اوي دا معناه ايه ...اسفه علي الإطالة