الجمعة، 24 أبريل، 2009

ماذا تفعل لو كنت وحيدا


إذا لم يفهمك من حولك

وتحس أنك تعيش وحيداً

إذا لم تجد من يحبك ويعطيك

حنانه فستبقى وحيدا

إذا لم تجد من يعرف قيمة الصداقة

ومعناها الحقيقى فستبقى وحيدا

إذا لم تجد من يفكر فى غيره ولكن يفكر فى

مصلحته الشخصية فستظل وحيدا

إذا لم تجد من يستحق التضحية

فستموت وحيدا

إذا رأيت الدنيا أهون من أن تعاش

فستصبح وحيدا

إذا ولى عنك حظك وأصبحت

سئ الحظ فستصير وحيدا

إذا أحببت وخانك من تحب

فستريد أن تعيش وحيدا

إذا ضاع منك أملك فى البحث عن

حلم راودك فستعيش وحيدا

إذا كانت المصلحة هى التى تحرك

من حولك فستحب أن تكون وحيدا


إذا ضاعت منك أحلامك على

أرض الواقع فابحث عن حلم وحيدا

إذا أردت ألا تكن وحيدا

فأصلح كل ما يؤدى بك إلى أن تكون

وحــــــــيـــــــــــدا




هناك 36 تعليقًا:

عاشقة الأحزان يقول...

لسلام عليكم
ألحق أول تعليق ولا أيه

عاشقة الأحزان يقول...
أزال المؤلف هذا التعليق.
احساس طفلة محبة للرومانسية بس واقعية يقول...

اية المعانى دى يا شيمو
الوحدة شئ قاسى جدا
بستغرب منه جدا

لما يبقى حد وسط اهلة واصدقائة و يكون وحيدا وحاسس بغربة بحس ان المشكلة هى كل الحاجات اللى انتى قلتيها اللى محتاجة لاصلاح دى منة ومنهم

تسلمى يا قمرايا
عندك حق فى كل اللى قلتية

تقبلى مرورى

romansy يقول...

ما اصعب الوحده فى زماننا هذا
ولكن لكى لا تصبح وحيدا اصنع لك حبا يسكنك دائما يعيش معك كل لحظات السعاده والحب
والحزن

عاشقة الأحزان يقول...

السلام عليكم
شيمو القمر معلهش النور قطع ولسه جاى حالآ عذرآ على التأخير
أنا بصراحه عجبنى البوست قووى
بس أنا عن نفسى بحب الوحده دايمآ ياشيماء
لأنى عانيت القرب من بعض الناس وبصراحه معتش فى ضمير ولا حب ولا إحساس
أفضل الوحده
تقبلى تحياتى

حنان الشافعي يقول...

السلام عليكم
شيمو القمر
صديقة القمر
هناك وحدتان
وحده مؤلمه
ووحدة رائعه
اعتقد انك فرقتي بينهما بين طيات كلماتك
وللوحده علاج ان صارت الما
كلماتك رائعه
لك مني كل تحيه

حنان سعيد يقول...

شيماء ديما كلماتك رائعه
تدخل قلبي وتقتحم تفكيري
لاجدها دوما رائعه

جوجو يقول...

السلام عليكم

الاحساس بالوحدة صعب جدااجداا

اصعب حاجة بجد انك تحس ان مفيش حد جمبك

جميل اوى البوست هو صحيح حزين بس عبرتى كويس
تحياتى

شرين يقول...

السلام عليكم

اصعب شئ الوحدة بجد انا جربت الوحدة لفترة من حياتى وكانت قاسية جدا حسيت بكلامك وحسيت انة جاى من قلبك

إذا لم تجد من يستحق التضحية

فستموت وحيدا

بجد بوست حلو جدا ربنا يوفقك

الشاعر الحزين يقول...

شيمو القمر

أنا وأنا بقرأ كنت محضرلك تعليق معارض تماما

لغاية ما وصلت للجمله دى

إذا أردت ألا تكن وحيدا


فأصلح كل ما يؤدى بك إلى أن تكون


وحــــــــيـــــــــــدا


قررت انى أغير التعليق بتاعى
لأنى كنت هقولك

اذا فكرتى بمثل هذه الطريقه فحتما ستكونى وحيده

لكن دلوقتى بقولك أحييكى على ختامك الجميل للخاطره وفهمك الصحيح للدنيا

تقبلى خالص تحياتى

Abo 7anf يقول...

السلام عليكم
اكيد كل واحد مر بموقف او اتنين من المذكورين
فبالتالى الوحده منتشره
بس وحده احسن ن صحبه او حب زائف

فراشة يقول...
أزال المؤلف هذا التعليق.
فراشة يقول...

شيمو القمر
مش حقولك غير
اذا اردت ان لا تكون وحيدا فأرفع يدك للسماء وناجيه وادعوه لن تشعر بعدها بالوحدة ابدا وبيتهيألى هو ده المقصود من آخر سطر كتبتيه حقيقى موضوعك عميق الفكر ورائع
شيمو ممكن اقولك على حاجه انتى ليه غيرتى اسمك من شيمو القمر
انا عارفه طبعا اسمك جميل بس احنا اخدنا عليكى بشيمو القمر
شهرة يعنى بس اكيد طبعا دى حرية شخصية
تحياتى لصديقة القمر

طـــائر الليــــل الحـــــزين يقول...

تعرفى حتى لو حاولتى تعملى ايه عشان مش تحسى بالوحدة
هتلقى نفسك برده حتى بالوحدة
خصوصا الوحدة اللى بتكون موجودة وعايشها وانتى حوالينك كل الناس
بس مين يحس بألمك ويحتويكى
مين يشاركك حزنك وفرحك ووجعك
كلماتك جميلة
قلبت علية المواجع
تحياااااااااتى

Tamer Nabil يقول...

السلام عليكم

احيانا تكون الوحدة

سر سعادة الانسان

تحياتى

”*°•.˜”*°•..سونه..•°*”˜.•°*”˜ يقول...

السلام عليكم
شيمو القمر
كيف تكونى وحيده والقمر معك كل يوم !!
بجد كل سطر وكل فكره فى البوست تشعر الواحد بحزن شديد على الزمن
فهل بعد هذا الحزن الذى يهدم الامال يوجد قدره على حل الاشىء الى ذكرتيها ؟
تحياتى ليكى
الوحده سعات بتكون اريح بكتير
((***ســـونه**)) .

شيماء جمال(شيمو القمر) يقول...

عاشقة الأحزان
___________
مبروك أول تعليق
وعلش على النور اللى قطع

**********************************
احساس طفلة محبة للرومانسية بس واقعية
_________________________________
ده معانى كانت جويا وكتير منها اللى بحسه وأكتر حاجة هى أول جملة كتبتها وده أكتر حاجة أنا حساها
ديما بتزينى مدونتى بتعليقك يا عسولة

تحياتى
شيمو القمر
**********************************
romansy
_________
فعلا ما أصعب الوحدة فى هذا الزمن أو نقول أنها أصبحت الآن موجودة كثيرا بسبب أن كل شخص لايرى سوى مصلحته ويجرى بسبب السرعة الموجودة علشان يلاقى لنفسه مكان فيها
وكتير بنصنع حب يعيش معانا ولكن الى متى سنعيش فى الخيال
تحياتى
شيمو القمر

شيماء جمال(شيمو القمر) يقول...

عاشقة الأحزان
________________
أنا عارفة إن الوحدة ده شئ صعب قوى وساعات إحنا بنفضله عن الاخطلات بالناس اللى فيه منهم ناس بتجرحنا بس نعمل إيه مضطرين نتعامل معاهم، بس أصعب وحدة لما يكون عندك صحاب كتير وأهل كتير وتحسى معاهم بالوحدة ساعتها الغلط يبقى عند مين؟!
هنا السؤال يبقى احنا لازم نحاول نكون مع الناس ده

تحياتى
شيمو القمر
*****************************
حنان الشافعى
______________
أشكرك على رأيك يا حنونة الأمورة
بس فعلا ساعات أنا بحب الوحدة لما بحتاج أخذ قرار ببقى محتاجة أرتب أفكارى ، لكن ساعات ببقى مخنوقة لدرجة إنى ببقى عايزة أى حد أكلم معاه يإما هتجنن
تحياتى لك
شيمو القمر
**********************************
حنان سعيد
__________
أنت اللى كلامك بيدخل القلب ديما
شكرا على رأيك
تحياتى
شيمو القمر

شيماء جمال(شيمو القمر) يقول...

جوجو
__________
وعليكم السلام
أولا أشكرك على زيارة مدونتى المتواضعة
فعلا الوحدة شئ صعب بس ساعات بتبقى مجبرة عليها
كلماتى حزينة لأنى كنت حاسة بحزن وأنا بكتبها
تحياتى
شيمو القمر
****************************
شرين
___________
وعليكم السلام
يا مرحبا الدكتورة شرين عندنا
فعلا الوحدة شئ قاسى جدا وبيبقى قاسى لما يكون شئ مفروض عليكى وأنا صدقينى مش بحبه خالص وبحاول أخرج منه بأى طريقة وأنا عندى صحاب كتير قوى ومختلطة بمشاكلهم بكل طاقتى لكن أفتقد بينهم من يفهمنى ، وعندك حق الكلام ده خارج من قلبى ومن أعماقه كمان

تحياتى
شيمو القمر
********************************
الشاعر الحزين
_____________
أنا عارفه إنه شئ صعب بس هقولك على حاجة أنا بطلب حد يصلح الحاجات لإنى بجد فشلت فى إصلاحها وعارفة إن اللى يشوف الدنيا كده حتما سيكون وحيدا بس لما مت تعرفش تخرج منها مهما عملت تعمل ايه
تحياتى أنتظر رأيك دائما
شيمو القمر

شيماء جمال(شيمو القمر) يقول...

abo 7anf
_____________
أكيد مفيش حد ما مرش بحاجة أو حاجتين من دول
وكل منا أوقات كتيرة يلجأ للوحدة
والصحاب والحب الزائف موجودين كتيييييييييييييييييييير قوى
تحياتى
شيمو القمر
********************************
فراشة
________
فراشتى الجميلة
وحشانى يا عثل
بس بجد عندك حق ورأيك عجبنى جدا
أنا حتى لو غيرت اسمى أنا ديما بمضى بشيمو القمر وأنا غيرت الاسم علشانك أهو
تحياتى
شيمو القمر
***************************
طائر اللليل الحزين
_____________________
أنا عارفة وحاسة كل اللى أنت قلتيه ده وجوايا صدقينى وواجعنى قوى بس تقولى لمين وأكتر حاجة مخليانى حاسة بيها إنى مش بلاقى حد يفهمنى أو ديما بتفهم غلط وده أكتر حاجة وجعانى فى الدنيا
تحياتى
شيمو القمر

شيماء جمال(شيمو القمر) يقول...

tamer nabil
______________
احتمال كلامك يكون صح

بس هى فين السعادة ده

تحياتى
شيمو القمر
****************************
سونة
________
فعلا القمر معايا وبيواسينى كتير بس أنا عايزة إنسان جمبى وحاسسنى لأنى بفتقد الاحساس حواليا قوى
يمكن الزمن
بس صدقينى مش هو
وممكن قوى بعد كل الحزن ده نغتاله ونخرج منه أقوى كتير من الأول ونبدأ من جديد
ممكن برده تكون الوحدة أريح
تحياتى
شيمو القمر

فراشة يقول...

انتى سكرة خالص يا شيمو
مكنتش اعرف ان رأيى يهمك كده
بس انتى سواء شيمو القمر او شيماء جمال حتفضلى احلى صديقة للقمر
تحياتى يا ..... شيمو القمر

وردة يقول...

شيمو
وحشااااني يا قمر
انا عارفة اتأخرت عليكي معلش والله كان عندي شوية برد كده والحمد لله راحو لحالهم
وسؤال مهم "ماذا تفعل لو كنت وحيدا"
سأغلق ابوابي
واحتضن نفسي
سأمنيها بفرج قريب
سأبحث داخلي عن امل بعيد
وستأنس وحدتي ذكرياتي الجميلة
ولماذل لو
انا وحيدة
بس
انتي جميلة اوووي والبوست ده راااائع بجد
ربنا يكرمك
سلام يا قمر

حارة سد يقول...

وان كانت تلك الزيارة الأولى للمدونة
ولكن دعيني أختلف معكي قليلا
لا يمكن أن يغدو الإنسنا وحيدا أيا كانت الظروف
لأننا في مجتمع شئنا أم أبينا
نعيش ونتعايش..نحتك ويُحتك بنا..نأخذ ونعطي
حتى وان رحلنا الى جزيرة نائية وحدنا فلن تتركنا قوى الطبيع وشأننا ..لان هذه هي سنة الحياة
هذا ان كان المقصود الوحدة الملموسة
اما عن الوحدة التي تقصدينها وهي الوحدة الشعورية الغير ملموسة .فصدقت كلماتك
كثيرا ما تحيطنا الأنفس والأصحاب ولكن ما زال شهور الوحدة يلازمنا

الحارة سد

ادم المصرى يقول...

شيمو

انا عشت وحدتك دى طول عمرى ومش جديد عليا

بس يصعب عليا اشوفك كدا وبنصحك بورح تكون معاكى فى كل مكان تعيشى ليها وتعيش ليكى تحويكى وتحويها اشغلى فراغك بحبها

بـسـمـــة صـــــلاح يقول...

لو كنت وحيدا هقعد على النت واشوف المدونه
هههههههههههههههه
بهزر

بجد من غير مبالغه عجبتني
وتنطبق عليا اوي
بس النهايه بتعتها عجبتني
بجد

تسلم ايدك ياقمر
اه على فكره انا حاطه بوستات لرسمات تاني قديمه لو حابه تشوفيها هتلاقيها

وقوليلي اريك
مودتي

احساس لسه حى يقول...

عزيزتى

انتى جيتى على الجرح

الوحده حتى واحنا بين الناس

وجده وغربة واحنا بين اهلنا واصحابنا

وحده لما نلاقى محدش فاهمنا

ومش لاقى احسن من كلام كنت كتبه فى مدونتى يا ريت يعجبك ده جزئ منه

أنتى فين

محتاجك أوى

مش لاقى اللى اشكيله

مش لاقى اللى احكليه

مش لاقى اللى ابكيله

محتاجك أوى

ارمى حملى عليكى شوية

أخد منك من نبع الحنية

تداوى بحبك جروح فية

تحياتى

سلام

عبد من عباد الله يقول...

من فقد الله فماذا وجد ؟؟
و من وجد الله فماذا فقد ؟؟

كلامك فكرني بس بالمقوله دي

شكراً

اصحى يا مصر : اسلام ديو يقول...

ولله هو من ناحية الوحدة :) فأنا عن نفسى وحيد بقالى 8 سنين او اكتر .
بس بكتشف ان الحياة بدون شخص معاك طعمها امر من العلقم .
مفيش حد فينا يقدر يعيش فى الوحدة ، غير واحد اتخذ قرار انه وحيد ، او يمكن ......اضطر انه يبقى وحيد

إذا لم تجد من يحبك ويعطيك
حنانه فستبقى وحيدا

هى دى الجملة اللى فيما معناها البوست كله
المدونة هايلة جداً وعجبتنى اوى
تحياتى لك دائماً بالتوفيق

عبدالرحمن يقول...

الوحدة المرض الوحيد برأيي

الذي يثمن علاجه

مدونة جميلة
تقبلوا مروري

شيماء جمال(شيمو القمر) يقول...

فراشة
_______
أشكرك على كلامك الحلو ده
ربنا يكرمك
**************************
وردتى الحبيبة
______________
ربنا يُشفيكى يا عثل
وأنا برده البرد مبهدلنى
كلامك رقيق قوى وفيه معنى حلو
أشكرك على رأيك يا عسولة
*****************************
حارة سد
_________
أولا أشكرك على زيارة مدونتى المتواضعة
ثانيا أنا ليس مختلفة معك فى الرأى
فأنا أوافق على ما تقول
ولكن ما أقصده فى كلامى هى الوحدة الشعورية
فأنا أكثر ما يكون عندى من الأصحاب
تحياتى
شيمو القمر
***********************************

ادم المصرى
__________
عاش من شافك
بس صدقنى انا عندى أحاب ليه كتير بس ساعات كتير بحس إنهم مش شبهى رغم ارتباطنا ببعض وأنا بحبهم جدا
بس عادى قد اعتدت ذلك
تحياتى
شيمو القمر
****************************8

بسمة صلاح
__________
وأنا ساعات بعمل كده بقعد على النت
بس بخاف مايقدرش يشلنى
ههههههههههههههههههههههههه

أشكرك على رأيك يا جميل
وانا مبسوطة ان كلامى بيعجبك
اوكى هشوف الرسمات
تحياتى
شيمو القمر

شيماء جمال(شيمو القمر) يقول...

احساس لسة حى
________________
أنت كلامك جميل قوى خالص
واحساسك كمان بيوصف حاجات جوايا كتير
ربنا معانا كلنا
تحياتى
شيمو القمر
*********************************
عبد من عباد الله
_______________
أولا أشكرك على زيارة مدونتى المتواضعة
ثانيا بجد حكمة من أجمل ما قرأت
وربنا ديما معايا فى قلبى
بس ساعات بيكون جواك كلام نفسك تقوله
ممكن بيكون كمان فى لحظة ضعف
تحياتى
شيمو القمر
*********************************
اصحى يا مصر: اسلام ديو
_________________________
عندك حق يمكن فى رأيك
لا بس أنا ماتخذتش قرار الوحدة ده شعور جالى وضايقنى فى وقت معين بسبب ان مش لاقية حد شبهى ممكن اكون أنا اللى غلط
أشكرك على رأيك
تحياتى
شيمو القمر
**************************
عبد الرحمن
_____________
حقيقة لا نستطيع الهروب منها
أشكرك على زيارتى وأتمنى تكرارها
تحياتى
شيمو القمر

سمسمه يقول...

ما شاء الله تعبيراتك رائعه يا شيمو
ولكن الاصعب انك تشعر بالوحده وناس كتير حوليك وده اصعب احساس ممكن نمر بيه
لدرجه انى اصبحت اكره الوحده مع ان الوحده عباده بس الوحده الى تحس معاها بوجع فى القلب
تحياتى ياقمر

غير معرف يقول...

ليش تركتيني وحيده يالدنيا كل الي بالمدرسه مايحبوني

غير معرف يقول...

الاصعب ان يكوم حواليك ناس كتير وتحس انك وحيد الاصعب ان يكون كل دول محدش حاسس بيك الاصعب لما تكون دائما بدور عليهم وهما ولا دريانين
بيك والاصعب لما تتكون بتحبهم قوى قوى وهما فى عالم تانى غير العالم بتاعك .ولما تكون نفسك تكلم مع حد ومتلقيش حد غير انك ترجع للوحده من تانى

غير معرف يقول...

بنات من اشكي همي له مافيه احد يسمعني دايم اقفل غرفتي واقعد ابكي وشكي همومي لدبدوب حقي