الجمعة، ٣ أبريل ٢٠٠٩

التاج الثالث




أمرى لله
التاج ده أُهدى إلىّ من مدونات كثيرة بس أول من أهدته لى كانت حبيبتى عاشقة الرومانسية ثم بعدها بسمتى الجميلة
وانا أمرى لله هجاوبه ، وأنا أعتذر لتأخيرى على إجابة هذا التاج وهو التاج الثالث لمدونتى
بسم الله الرحمن الرحيم
استعنا على الشقى بالله
اسمك؟
شيماء جمال
المشهورة بيه وسط اصحابك؟
شيمو وسط أصحابى
شيمو القمر وسط المدونين
مشمش أحد أصدقائى
سنك ؟
22سنة و6شهور إلا يوم

لكن عمر قلبى ابن السادسة عشر وأفضل هذا العمر
(صغيرة لسة صح)
اسم مدونتك؟
اعترافات قلب
وده اختيار أحد أصدقائى
مجال دراستك؟
أنا تخرجت العام الماضى من كلية دار العلوم جامعة القاهرة
وكنت بدرس لغة عربية وعلوم إسلامية
وإن شاء الله هشتغل مدرسة لغة عربية
الصورة الرمزية لمدونتك بتعبر عن إيه؟
تُعبر عن بنت جميلة فى عينيها الأمل والتأمل وانتظار ما تحلم به دائما
مُمسكة بيدها وردة حمراء بها كل الشوق تتمنى إهداءها لحبيب خيالها
وتتمنى تحقيق كل ما تتمنى من أحلام باتت تخطط لها منذ أن عرفت معنى الأحلام.
هل فكرت فى إغلاق مدونتك ؟ ولماذا ؟
لم أفكر فى إغلاقها أبدا ، لأنها سلوتى الوحيدة وهى صديقتى التى أحكى لها كل ما يجيل بخاطرى
وأعرف أنها وفية.
ما هو رد فعلك إذا حد قل أدبه عليك فى التعليق؟
لم يحدث من قبل ، ولكن حدث شئ مشابه هو بعض العبث من تعريف نفسى فى البروفيل ولكن استطعت أن أوقفه عند حده.
ولابد من احترام رأى الآخرين ، فالاختلاف فى الرأى لا يفسد للود قضية ، وأنا احترم رأيه ولكن كان من السهل أن يقول لى هذا بطريقة ألطف.
أسوأ مدونة ؟
المدونات التى عند قرأتها أحسست برغبة شديدة فى القئ
وهى مدونات المثلين
وأحسست فعلا عند قرأتها بجرح كبير فى براءتى
هيحصل ايه للايميل بتاعك لما تموت؟
والله أنا ما فكرتش فى الموضوع ده قبل كده بس أكيد هيتلغى بعد فترة من الزمن،
وهوحش إيميلى ، وهيفتكرنى كتير.
اديت الباص وورد بتاعك لحد قبل كده؟
الباسورد بتاع المدونة مع أحد أصدقائى بالفعل ، لكن الإيميللات أعطيته مرة لإحدى صديقاتى وتقريبا هى نسيته زى ما نستنى.
السفر بالنسبة ليك إيه ؟
يمكن يحمل أيام أتمنى أن أتذكرها ، بس الآن حلم أتمنى تحقيقه ولكن مثلما أتمنى ، ودون ذلك أنا أحب مصر جدا وخصوصا اسكندرية جدا فهى عشقى الأول والخير.
المود بتاعك إيه؟
متقلبة المزاج جدا
احيانا اكون سعيدة للغاية وأضحك كثيرا دون أى أسباب ، وأحيانا أكون فى قمة الحزن وده لازم له سبب أكيد،
بس الحالة الحالية سعيدة جدا ويارب يديم على السعادة ده.
بتعمل إيه فى وقت فراغك؟
إجابة متوقعة من أكثر المدونين بكون على النت ، وعلى المدونة بأرد على التعليقات
وأكتب تعليقات عند حبايبى
أو بعمل أى حاجة مجنونة
أو بأشاهد التلفزيون
الأكلة المفضلة ؟
ده بقى سؤال صعب
أنا بآكل كل الأكل
بس أكتر حاجة بحبها السمك المشوى بكل أنواعه
والجمبرى والكابوريا
الصفات التى ورثتها عن والدك؟
كل حاجة ما عدا بُعد نظره فى الناس ، وقدرته على معرفته بما يجول بداخلهم
الصفات التى ورثتها عن والدتك ؟
الطيبة الفظيعة والسذاجة ، وبكائى السريع.
أكثر ست حاجات بتكرهها؟
عدم فهم الناس لى بطريقة صحيحة لذلك لم يكن لدى اصدقاء كثيرون ،
الكذب أعتقد إنى أكتر واحدة بتكرهه ،
حظى اللى ماشى عكس ما أريد لحد ما بدأت أصدق إنى سيئة الحظ ،
المجتمع المادى اللى إحنا عايشينه ،
والظلم
الغش والخيانة
اكثر ست حاجات بتحبها؟
بابا وماما وأخواتى وأصحابى ،
بحب كل الناس مع كل ما يفعلونه يضايقنى ،
بحب الصراحة والوضوح ،
الشمس والقمر حبيبى.
شخصيتك نوعها إيه ؟
مجنونة يمكن بس أعتقد لا أحد يستطيع وصف نفسه جيدا
وأعتقد أن لا أستطيع وصفى بس

هأحاول
بحب الدنيا والناس مع إحساسى الدائم بالوحدة ،

مجنونة أحيانا وساعات فى قمة العقل ،

لا أحب أى شئ روتينى بيحسسنى بالملل،

غامضة فى بعض الأحيان،

واضحة جدا فى معظم الأحيان،

امثل لنفسى لغز كبير وأمثل للناس كتاب مفتوح.

يمكن ده صح ويمكن لأ
لماذا دخلت عالم التدوين ؟
بسبب الفراغ الذى احتل حياتى بعد تخرجى ، وأنا أكره النوم وفراغ الحياة
أحب المسئولية والحركة وشغل مخى بمليون حاجة
وهذا ما كنت أفعله فى الجامعة ،
ولكن الآن بدأت الرجوع لحياتى السابقة ولن أتنازل عن حياتى مهما كان ،
وأعتز بذلك لأنه عرفنى بأحلى عالم هو عالم التدوينات الذيذ.
أجمل كلمة قيلت لك على مدونتك ؟
هناك زميلة لى فى التدوين قالت لى صديقة القمر
وكل التعليقات التى بمدونتى أحسن التعليقات فأعتز بهم جميعا.
اهمية التعليق بالنسبة ليك ؟
أكيد مهمة جدا زى الهوا كدا
أحسن بوست كتبته ؟ اللينك
أكتر بوست بحب أقرأه هو بوست قديم قوى
قلب يقاسى
بوست
رأيته كان حلم جميل
بصراحة كل اللى بكتبه بحبه لأنه جزء منى
لكن دول اللى بحب أقرأهم كل شوية.
أفضل بوست قرأته ؟ وأفضل مدونة ؟
أى بوست مكتوب من القلب علشان يوصل لقلبى وأحسه بيبقى أحسن بوست،
كل المدونات اللى عندى على الريدر بحبها.
الانترنت بالنسبة ليك إيه؟
وسيلة لإسعادى
تمرر التاج لمين ؟
لوردة حبيبتى نبضات القلب
فراشتى الرقيقة كلمات
أحمد أسير الجراح

وأى حد عايز يخده يخده
ولكم جزيل الشكر
خلص الاعتراف الصعب ده

هناك ٢٦ تعليقًا:

ريمان يقول...

السلام عليكم


اول تعليييييييييييق

ياهوووووووووووووووو

ريمان يقول...

ازيييييييييك يا قمر

وحشانى موووووووووت

كنت لسه برد عليكى فى مدونتى وبقولك نزلى التاج عشان اعرف عنك حاجات كتير

ايوة كده اسمعى الكلام

طبعا يا قمر 22 سنه لسه صغننه

وكمان انتى ورثتى زيى السذاجه زيى برضه

بس لازم بجد تتخلصى منها

لانها مش تنفع فى الزمن ده خالص

انا برضه بموت فى الجمبرى والكابوريا

بس لازم حد ياخد الباس وورد بتاع اميلك بس تكونى بتثقى فيه انا عملت كده برضه


خلى بالك من نفسك يا قمر

هروح اشوف احلى بوست كتبتيه واجى يا قمر

ريمان يقول...

قراته يا قمر

فعلا جميل اوى

عجبتنى الحته دى

عندما تكون وحدك بدون من يفهمك فالموت أرحم كثيرا من العيش بداخلك.
عندما تكون الصداقة هى باب الخيانة فالعيش بمفردك هى الغاية الكبرى .
عندما تعيش وقد انطفأ بداخلك شعاع الامل فلا تجد أمامك الا الاصطدام بأرض الحياة الصلدة
عندما تكون الواقعيه هى الشئ الذى تأمله فالخيال هو أتفه ما تجد .

بسمة انور يقول...

ايه الجمال دة
شيخصيتك حلوة اوى

بجد ربنا يسعدك ويوفقك
يا شيمو القمر

عاشقه الرومانسيه يقول...

يابنتى حرام عليكى
كبرى الخط شويه وغيرى اللون
عينى وجعتنى

اجاباتك جميله طبعاااااااا
بس التاج يستاهل بصراحه ان عينى توجعنى علشان اقراه

تمن الكشف عندك ياقمر
اتفقنا؟

طـائر الليــل الحـزين يقول...

شيما
ردودك جميلة قوى بجد
خصوصا الجزء بتاع التعليقات
وطريقة كلامك نابع منها طيبة جميلة قوى
وبجد انا عموما عاجبنى اسمك واسم مدونتك جدااااا
تحياااااااااااتى
يا شيمو القمر

احساس طفلة محبة للرومانسية بس واقعية يقول...

تصدقى مش كنت اعرفك كويس
التاج بجد طلع جميل جدا واجابتك اجمل
وخلاتنى اعرفك اكتر
بس طلعتى قمراية رقيقة خالص
ربنا يسعدك
يوفقك فى حياتك يا احلى شيمو

تقبلى مرورى

”*°•.˜”*°•..سونه..•°*”˜.•°*”˜ يقول...

السلام عليكم .
اجابه نموذجيه عن انسانه حقا مثاليه
ربنا يوفقك ويسعدك يارب ياشيمووووووووو
ياقمر تحياتى ليكى
وسعيده بمعرفتى بيكى اكتر واكتر
سلام ((ســـونه)) .

blue-wave يقول...

حلوة اجاباتك
تحياتى

همس الاحباب يقول...

مبروك التاج عليكى
ومبروك علينا معرفتك يا قمر
اجابتك بتنم عن جمال شخصيتك
وصراحتك
تقبلى مرورى
تحياتى

فاتيما يقول...

إيه بقى الحركات دى
طب انا أكاد أجزم إنى كنت عارفة حاجات كتير من اللى أتكتب دا ...
متقوليليش عرفتى منين بس قلبى حاسس
و لو مش حاسس إنتى باين عليكى لما شوفتك
يا بنتى بقولك إنتى الشمس فى وضوحها ..
فيه حاجات مشتركة بيننا جميعاً
أعتقد انها متمثلة فى الجدية اللى خدنا بيها التعامل مع النت
و الفراغ او الهروب من جمود الواقع
و المشاعر و الأفكار الى بتتزاحم فى عقولنا و قلوبنا ...
كل تاج و إنتى لابساه و منور جبينك يا حبيبتى
بوسة و حضونة يا شيمو القمر و الشمس فى سما واحدة

فراشة يقول...

شيمو يا قمر
كالعادة حقولك برده ان فى تشابه كبير جدا بينا وفى اجاباتك
بجد انتى من اكتر المدونين اللى بعتبرهم اصدقاء
اجاباتك جميلة وكلها صراحه بحس منها انك واضحه وبسيطه
بحييكى جدا وبشكرك قوى قوى انك دايما بتبعتيلى التاج
حقيقى بتحرجينى بذوقك
جميلة يا صديقة القمر
سلميلى عليه

dahlia.. يقول...

شيمو القمر
رقتك و رومانسيتك و مثاليتك واضحين في كل كلمة من كلام البوست.. انتي بجد يتخاف عليكي لأن اللي زيك قربوا يخلصو في زماننا ده..ربنا يحفظك و يصونك

Eno يقول...

ردودك جميله زيك بجد

اتمنا ليكي كل السعاده :)
تحياتي :)

شيماء جمال(شيمو القمر) يقول...

ريمان
_____
وأنت وحشانى كتير يا ريمو يا عثل
يمكن ورثت السذاجة من امى لكن فيه كلمة بقولها لاصحابى ديما يمكن اكون طيبة بس مش عبيطة ، مين اللى اديله الباسورد بتاعى مفيش حد يستاهله
أنا مبسوطة ان البوست اللى انا بحبه عجبك
تحياتى ريمو
شيمو القمر
***************************
بسمة أنور
___________
بجد عجبتك شخصيتى انا مبسوطة انى عجبتك
وانت شخصيتك اجمل كتير انا متاكدة من ده، واشكرك على اهداء التاج ليه يا عسولة.
تحياتى
شيمو القمر
***************************
عاشقة الرومانسية
__________________
انا كبرت الخط علشانك انت يا اجمل عاشقة
مرسيه واشكرك على اهداء التاج ليه
وانت اجاباتك جميلة برده
تحياتى
شيمو القمر
**************************
طائر الليل الحزين
__________________
بجد ردودى عجبتك
انا مبسوطة قوى
وحكاية التعليقات ده لازم اعمل كده
انا مبسوطة ان عجبك اسم مدونتى وانت برده اسم مدونتك واسمك حلو
تحياتى
شيمو القمر
****************************
احساس طفلة محبة للرومانسية بس واقعية
___________________________________
اكيد التاج ده كويس خالص بيخلينى نعرف بعض اكتر
شكرا على رأيك يا جميلة
تحياتى
شيمو القمر

شيماء جمال(شيمو القمر) يقول...

سونة
_______
أشكرك على رأيك إنه رفع كثيرا من معنوياتى
أنا حقا سعدت برأيك كثيرا
تحياتى
شيمو القمر
*****************************
blue wave
____________
مرسيه على رأيك
تحياتى
شيمو القمر
*******************************
همس الأحباب
____________
مرسيه يا جميل
على رأيك
وأنا تشرفت أيضا بمعرفتك
تحياتى
شيمو القمر
******************************
فاتيما
________
حلوة الحركات ده
اكيد أنت عرفتى كتير عنى لأنك إنسانة حقا ذكية ولها بعد نظر فى أشياء كثيرة وأنا قلت انا كتاب مفتوح لناس كثيرة
وأشكرك على رأيك وأنت برده كنتى منورة فى التاج
بوسة وحضونة يا اجمل أم يوسف
تحياتى
شيمو القمر
******************************
فراشة
_________
أنا عارفة ان احنا مشتركين فى حاجات كتيرة انا وانت ووردة
ممكن اكون واضحة وصريحة وده اكبر مشكلة بتواجهنى فى حياتى لأن مش كل الناس بتحب الصراحة
اكيد تستاهلى التاج علشان كده ادتهولك
تحياتى
شيمو القمر

شيماء جمال(شيمو القمر) يقول...

dahlia
________
أنت اللى انسانة رقيقة وجميلة
علشان كده بتشوفى كل حاجة جميلة
يمكن اللى زينا خلصوا او قربوا يخلصوا بس اكيد الناس من غير الصراحة والوضوح مش هتبقى حياة
تحياتى
شيمو القمر
****************************
eno
_____
وأنت أجمل يا اينو
مرسيه على تعليقك
وربنا معاك ومعانا
تحياتى
شيمو القمر

Hannoda يقول...

أنا كمان توقعت اجاباتك و طلع كتير منها صح

تخيلت احساسك بالفراغ بعد انتهاء الكلية لإني تخيلت لما شفتك كمية النشاط اللي كنتي يفها ايام الكلية وفعلا بعد سنوات جميلة زي اللي قضتيها صعب السكون في فراغ بعدها

مش عارف انا حاسة انك لو دورتي على أنشطة اجتماعاية زي التطوع في جمعيات أهلية مثلا أو أخدتي دورات في حاجات تفيدي بيها ناس زي دورة التخاطب مع الصم و البكم
حاسة ان ده يناسب شخصيتك قوي و يمكن يرجعلك احساسك بالانشغال ازي ماكنتي في الكلية الى حد ما

مش عارفة ده اللي انا حسيته

انا قريت البوستات اللي اشرتي ليها و سبت تعليقي هناك

بس خلاص ... يقول...

اعترافاتك صريحة جدا وشخصيتك جميله ولكنكى تحملين بداخلك العديد من التناقضات او الصراعات لانكى تبحثين عن الافضل دائما
ابشركى بأنكى ستكونين شخصيه ناجحة جدا
لكى كل الحب
سلمى لى على القمر وانتى معديه عليه لانه وحشنى جدا ماشفتوش من زمان بعد ماكنا اصحاب جدا
سلام ياقمر المدونات

شيماء جمال(شيمو القمر) يقول...

hannoda
_____________
كويس انك توقعتى كتير من اجاباتى
وده ليس الا لأنك إنسانة ذكية جدا
وفعلا أنا حسيت بأكبر فراغ لما خلصت ومالقتش حاجة أعملها
بس أنا فعلا باخد كرسات أخدت ال icdl وخلصتها وحاليا باخد دورة عندى فى الكلية اسمها التصحيح اللغوى وده يعنى شاغلة وقتى شوية.
وانا قلت انى بدأت أرجع لحياة الانشغال تانى ولن أتنازل عنه مطلقا مهما حصل
اشكرك على تعليقك يا أجمل هنودة

تحياتى
شيمو القمر

شيماء جمال(شيمو القمر) يقول...

بس خلاص
______________
لازم تكون اعترافاتى كلها صريحة مش أنا عاملة مدونة الاعترافات
واللى يدخل عندى كمان لازم يقر ويعترف بكل حاجة.
انا مبسوطة ان اجاباتى عجبتك يا جميل

تحملين بداخلك العديد من التناقضات او الصراعات لانكى تبحثين عن الافضل دائما
_________________________________
الجملة ده عندك حق فيها مليون فى المية بس تصدقينى لو قلتك ان ده حاجة صعبة قوى بحس انى شوية وهيحصل لمخى حاجة من التفكير
.

الله يسلمك ويسلمه ده قمرى بيحب كل الناس زى

تحياتى
شـــيمو القــمر

شاب كــ طخين ـــــا يقول...

اجابتك جميله
نموذجيه اوى :D
مدونتك كمان جميله
سلاااااااااام

ريكو يقول...

اجابات تنم عن شخصية جميلة وطيبة
ربنا يسعدك ويوفقك لما تتمنيه
خالص تحياتى

شيماء جمال(شيمو القمر) يقول...

امبارح كان عمرى عشرين
__________________________
أشكرك على زيارة مدونتى المتواضعة
ثاينا أشكرك على رأيك
تحياتى
شيمو القمر
_______________________________
ريكو
_________
مرسيه ريكو أنت مبتكتبيش ليه بقالك فترة
أشكرك على رأيك
تحياتى
شيمو القمر

وردة يقول...

ايه يا شيمو الجمال ده
اجابتك طبعا جميلة ياقمر
ربنا يكرمك يا حبيبة قلبي
وانا كمان بحبك جدا وبعتز انك من اصدقائي ومن اول الناس اللي اتعرفت عليهم في التدوين
بجد بتخجليني بالاهداء الجميل ده
ربنا يكرمك
وانا اسفة طبعا علي التأخير بس عاوزة اعرفك حاجة انت من اول الناس اللي بدخل عندهم واعرف اخبارهم اول ما بدخل علي النت
شيمو
انتي زي العسل
سلام يا حبيبتي

شيماء جمال(شيمو القمر) يقول...

وردتى الحبيبة
_____________
انا زعلانة منك لحد ما تجاوبى على التاج
وحشانى يا وحشة
أشكرك على رأيك
تحياتى
شيمو القمر