الاثنين، 30 مارس، 2009

شيمو القمر



صديقة القمر
هناك كثيرون يستغربون من اسمى
شيمو القمر
أو توقيعى به على التعليقات
او يقولون أننى مغرورة
هذه ليست صفة لجمالى
(مع إنى جميلة برده)
وش بيغمز
ولكن هى لأننى أحب القمر بجنون أحس به
مع حبى الشديد للنهار
ولكن أحلم بيوم أعيش فيه وحدى
وأنا بعيدة عن كل الناس فقد تعبت منهم
كلهم يعشقون الكذب ،
وأكثر شئ أكرهه بحياتى هو الكذب
أشكى كل ما بداخلى للقمر
فهو من يرسل حبى لكل من أحبه
أرى تحديدات وجهه
أنتظر ظهوره من شهر لشهر
فهو حبيب كل العشاق
تحس إنه بيحضنهم
تمنيت كثيرا أن أبعث معه رسائل لحبيب خيالى
تمنيت أنا أسافر إليه فهو يعرف كل أحلامى
فقد سئمت دنيا الملل
سئمت الوجوه الزائفة
سئمت دنيا المادة
أما عنده ستكون الدنيا التى أتمناها
ومن لا يعرفه لايعرف الحب
خلص الاعتراف

هناك 28 تعليقًا:

Abo 7anf يقول...

السلام عليكم
مين مبيحبش القمر
بس الحياه لوحدك معقتدش فيها
لان زى مفى كذب
فى صدق
الاتنين موجودين
زى القمر فى الليل

انتى عرفتى منين ان وش بيغمز

dahlia.. يقول...

وجعني أوي اعترافك دة يا شيمو القمر..حسيت انك بتتكلمي عني و انك دخلتي جوة قلبي..ليكي حق انك تحبي القمر قوي كدة..كفاية انه بعييييييد قوي عن دنيتنا دي
دمتي مبدعة و رقيقة و قمر

احساس طفلة محبة للرومانسية بس واقعية يقول...

شيمو

لو وصلتى للقمر مش هتستمتعى بية

هو استمتاعك بية وهو كدا

ويارب تلاقى حبيبك الخيالى

وساعتها هتستمتعى بالقمر اكتر يا قمر

على فكرة توقيعك جميل ومش بيقول انك

مغرورة ولا حاجة بالعكس بيقول انك

رقيقة وبعيدة زى القمر بالضبط

تقبلى مرورى

blue-wave يقول...

وهل هناك ما هو اعذب من القمر عزيزتى؟؟
واحلى ما فيه
عشقك له
تحياتى

*بسمة انور* يقول...

الله عليك ياشيمو

انا بعشق القمر جدا
بيبقى فيه معانى واحاسيس غريبة بس جميلة اوى
لما ببصله بحس انى فى عالم تانى
انتى بجد رقيقة اوى

*بسمة انور* يقول...

اه بقولك ايه يا شيمو
ليكى تاج عندى تعالى خديه
بسرررررررررررعه
والاسئله اجبارى

همس الاحباب يقول...

شيمو القمر
وشك ولا القمر بعد ما اكتشفوه
هههههههه
رائع جدا وصفك لما بداخلك
ورائع جدا تصويرك للقمر ورقته
ربنا يسعدك ويحقللك كل احلامك
تحياتى وتقديرى

ريمان يقول...

عارفه

كان فى بوست عند اسير الجراح فيه شويه اسئله نجاوب عليها

وكان كن ضمن الاسئله تقريب سءال بيقول نزار شاعر المراه انت شاعر من؟


عارفه جاوبت قولت ايه

قولت انا شاعره القمر

دايما حتى تلاقينى بحب اكتب عن القمر فى خواطرى

وانتى بقه بجد شيمو القمر

والله بحس نفس احساسك بالظبط

نفسى اعيش ع القمر

بصى بقه

انتى اصلا قمر وقمر قومر كمان اللى يقولك مغروره ومش عارف ايه سيبك منه يا واد يا عثل انت ياللى زى السكر

خدى دى بقه


امواااااااااااااه

Eno يقول...

انا بحب القمر اووووووووي
وبعشق السهر علي ضيه
وبحب اتكلم معاه برضه لما بكون سواء مبسوطه او مضايقه بحس بعدها اني مرتاحه
وبحب تحديدات ملامحه ولما اسرح في حد بحس ملامحه هي ملامح القمر

بوست حلو اوووووووووي
ملحوظه
بفرح جدا لما بلاقيكي التوقيع بتاعك شيمو القمر

حنان الشافعي يقول...

شيمو اللي ارق من القمر
رغم غيبته ساعات الا انه رسول العشاق ورمز لدنيا صافيه كلنا بنحبها
سعدت بالبوست ده جدا
وسعدت بيكي اكتر

ودي

الرفيق تشي بَرَاء يقول...

سهر ليلتها البدر يتوانس معايا

وحط صورته جنب صورتي في المرايا

آه .. وصدقوني ضحكت له

ضحك وقال لي .. وقلت له

وحكينا أسرار الهوى

وازاي ندهلي ورحت له

الرفيق تشي بَرَاء يقول...

وازاي قســيت وازي تعـــبت

فراشة يقول...

وايه يعنى
برده حنقولك شيمو القمر
فعلا القمر جميل واول ما الواحد بيبصله بلاقى نفسى اقول الله سبحان الله
نوره فيه سحر جميل
وصل التعارف يا شيمو يا قمر

كاتب مصري يقول...

لا بجد خطيرة فعلا سبب مقنع ويا ستي اتغري براحتك ما هو القمر لو قال أنا قمر حد يقدر يلومو
مش بعاكس أنا بهزر
مستني مشاركات دايما معايا في المجلة
مودتي

حنان سعيد يقول...

شميمو يا قمري
زي مابحس ديما
بجد انا كنت حاسه جدااا بالمعنى ده في توقيعك من غير ماتفسريه
بس توقعي ديما لشخصيتك الرقيقه كانت بتخليني افسر توقيعك كده
انا اصلي كمان بمووووت في القمر
وفيكي يا حببتي
تحياتي لك ديما

”*°•.˜”*°•..سونه..•°*”˜.•°*”˜ يقول...

hi
السلام عليكم .
(الحقيقه مره ههههههههه) لاء طبعا بهرج ياقمر
من لا يعشق القمر
هو الصفاء
هو الهدوء
هو السكون
حقا هذا الزمن لا يشبه القمر هو الشمس فى اعلى درجات الحراره يحرق الاعصاب ويحرق المشاعر ويحرق الامان
شيمو دمتى قمر فى تمامه

حاسوباتيه يقول...

ومين مابيحبش القمر بس لو روحتي هناك كتير برضو من البشر الي بتهربي منهم هيجوا وراكي

حاجات جوايا يقول...

ازيك يا جميل
عايزة اقولك ان توقيعك بشيمو القمر حسسنى انك بنوتة صغيورة ودمك خفيف
ده كان انطباعى حقيقى
أما عن سر التوقيع
فحسسنى أد ايه انتى رومانسية وحالمة

يارب تفضلى كده على طووووول

خالص ودى
سالى

هذا ما قاله البحر يقول...

nice :)

mohamed يقول...

الأحساس بالنفس مش غلط او غرور و الأمر مش بس جميل بس كاتم أسرار.كلامك جميل اويييييييييي

وردة يقول...

شيمو ياقمر
انت قمر فعلا
ومش بشكلك بس اللي متأكده انو اكتر من القمر
بس روحك الحلوة واخلاقك الجميلة بتخليكي قمر في ليله تمامه
اما عن كلامك مع القمر
انا عملتها قبل كده
وبعد ما خلصت رغي معاها
ضحكت علي نفسي
وقلت البت اتجننت خلاص
بس بجد ارتحت
مكن يكون فعلا وصل الكلام اللي قولته
مين عارف
ربنا يكرمك ياقمر
وبوست جميل وزي العسل زيك
سلام

طـــائر الليــــل الحـــــزين يقول...

الله
هو فى احلى من القمر
وانا كمان بعشق القمر
هو صحبى وحبيبى
اللى دايما على الاقل عارفة انه مش هيغدر بيه ولا يخونى
وبيسمعنى وبيسمع كل الناس
وكفاية انه بينور ليالينا الباردة
وبيأنسنا فى وحدتنا
ياريتنا نسكن على القمر ونبعد معاه عن الناس
عن الكذب والغش والحقد واللف والدوران
والغيرة والخوف
تحيااااااااااتى يا
شيمو القمر
وعلى فكرة الاسم حلو قوى

فاتيما يقول...

ياااه يا شيماء
التفسير دا مخطرشى على بالى ...
تعرفى ليه ؟
أصلك فيكى من الشمس اكتر
لأانك حسيتك واضحة و قوية فى أفكارك
و دوغرى قوى ...
مش معنى كدا إن القمر العكس ...
بس القمر خجول حزين وحيد
جايز يكون فيكى حاجات منه برضو
فى الحاتين يا قمر و شمس
إنتى إنسانة جميلة قوى

عاشقه الرومانسيه يقول...

كنت هاموت واعرف ايه سر الاسم
لانك شوقتينا فى اللقاء ومش رضيتى تقولى
عموما انتى اجمل كتير من القمر
بلاش تواضع بقى
بحبك

Hannoda يقول...

عجبني قوي ربط اسمك باسمه.. دايما لما بنحب حد أو حاجة قوي بنحب نشوفها مقترنة بينا
باسم بقى أو لون او اي رابط

تعرفي اني كان فيه سوء تفاهم صغنن كده بيني و بين القمر او ماقلت ياسفر و سبت مصر؟؟

كنت بعامله على انه مادام خرج من مصر يبقى مش بتاعي و مش عاوزة أشوفه

بس فجأة اتصالحنا

الحياه دايما بتحتاج ان الواحد يعملها تفاصيل حالمة بينه و بين نفسه تسعده و تعمل انعاش لقلبه وروحه
و الناس اللي بتعرف تعمل كده زيك هي الناس اللي بتعرف تشوف جمال الحياه

كمان الناس يا شيمو.. لو عرفتي تفتشي جواهم على تفاصيل بيضا وتعرفي تطلعيها من وسط كل السوء اللي فيهم حاتلاقيهم بيتخلوا عن الصفات اللي مابتحبيهاش فيهم و يبرزولك صفاتهم المحببة ولو معاكي انت بس

بوست جميل و عجبني قوي
وانت وحشتيني قوي قوي

احساس لسه حى يقول...

عزيزتى

معاكى حق الناس كلها ليها وشوش كتيرة

وشوش بتضحك وتبكى

وشوش بتكذب وتصدق

وشوش بتحب وتكره

بس القمر اللى بتحبيه لما تقربى منه تلاقى وشه مش هو الوش

ولا تحاول البحث عن الحبيب الخيالى

فالارواح المتألفه تعرف طريقها لبعض

وان كان مكتوب لكى روح تحبيها وتحبك ستجدون بعض

وليس كان الناس لها روح تحبها فعلى الاقل تبحث عن روح تسعدها

ربنا يوفقك

تحياتى

سلام

فاذا لم تجديها فابحثى عن روح تسعدك

معتز شاهين - باحث تربوي يقول...

القمر
ذلك الجسم المعتم الذي لاحياة فيه
يبعث بالحياة والسعادة لقلوبنا جميعا
كلنا نحب القمر
الله ينور مدونة رائعة وجميلة
ويسعدني زيارتكم لمدونتي
ويبقى التواصل

شيماء جمال يقول...

أشكركم جميعا على تعليقاتكم التى أسعدتنى كثيرا
بجد رفعت من معنوياتى قوى خالص

تحياتى إليكم يا أجمل عالم دخلته

شــــــــيمو القـــــــمر