السبت، ٣٠ مايو ٢٠٠٩

عاد القمر+تحديث

عاشقة الرومانسية
عاشقة الأحزان
أسير الجراح
طفلة محبة للرومانسية
مش بعرف أعلق عندكوا صفحة التعليقات مش بترضى تتفتح عندى ومش عارفة ليه
متزعلوش منى مش بإيدى



وعاد القمر



وعادت صديقة القمر



لتنير مدونتها من جديد



عاد القمر ليحلم بشروق شمس



عاد القمر ليحلم برسالة حب للعشاق



عاد القمر لينعم بأحلامه الوردية



عاد ليستمر فى تحقيق ما يريد



عاد لينير الطريق لمن حوله



عاد إليكم بعد أسبوع من المعاناة فى القاهرة



امتحنت ادعولى أنجح بقى



وحشتونى جدا خالص



بحبكم يا أحلى عالم



تحياتى



شيمو القمر

هناك ٤٠ تعليقًا:

ريمان يقول...

سبحان الله


سبحان الله بجد

انا من خمس دقايق دخلت اشوفك فتحتى التعليقات ولا لاء


لقيتك برضه قافلاها

فسيبتلك تعليق على البوست اللى قبله


قولت لك وحشتينى ارجعى بقه


وبعدين لقيتك القوتى سايبه تعليق عندى


سبحان الله بجد

ريمان يقول...

حمد الله على سلامتك يا غاليه


بجد اقسم بربى افتقدتك وزعلت اما لاقيتك قافله التعليقات


ربنا شاهد على كلامى

الأمير يقول...

بسم الله ...

اهلا بكم اختنا من جديد
انرتم عالمكم اختنا

ننتظر ما تعودنا عليه من كلمات طيبه

حفظكم الله
وبالتوفيق والتفوق بإذن الله


تحياااتى .. الامير ..؛؛

شرين يقول...

السلام عليكم

حمدلله على سلامتك يا قمر لقد اشتقنا لنورك ياريت متختفيش تانى عنننا


دمتى بكل الحب والخير

شيماء جمال(شيمو القمر) يقول...

ريمان
____________
القلوب عند بعضها يا ريمو
أنا كنت بكتب بوست العودة
ولما كنت بدور على صورة للبوست
لقيتك بعتى التعليق
وبتقوليلى ارجعى نشرت البوست وروحت لمدونتك أقولك إنى رجعت
**************************
أنا كنت قفلاها علشان كنت متضايقة إنى مش هدخل المدونة لفترة وكنت عايزة اللى يدخل يلاقى ديما روحى فيها
فبدل أنا مش موجودة تبقى روحى بعيدة عنكم
ومش بحب كلام الوداع والفراق
وأنا جيت أهو ومش هيحرمنى منها الا الشدائد
تحياتى يا ريمو

أسير الجراح يقول...

شيمو القمر


ازيك يا قمرايا


والله نورتى يا قمرايا


الف حمد لله على سلامتك

كل الود


اسير الجراح

أسير الجراح يقول...

ربنا معاكى يا شيمو يارب


وعودتك نورتى بيها عالم التدوين من جديد

واكيد زى ما انتى ما بتحبى العالم دة


اكيد الكل كان محتاج عودتك الجميلة


نورتى يا قمر

وربنا معاكى يارب

اسير الجراح

شيماء جمال(شيمو القمر) يقول...

الأمير
_________
أشكرك على كلماتك الرقيقة هذه بجد محتاجة دعاءكم

تحياتى وبالتوفيق
شيمو القمر

شيماء جمال(شيمو القمر) يقول...

شرين
________
دكتورتى العزيزة افتقدتك كثيرا
أشكرك على زوقك وكلامك

ومش هختفى عنكم تانى

دمتى أنت أجمل دكتورة وقمر
تحياتى
شيمو القمر

شيماء جمال(شيمو القمر) يقول...

أسير الجراح
______________
ألف حمدالله على سلامتك انت
وحشنا قوى خالص

ووحشنا كلامك الجامد عن الحب والرومانسية

أشكرك على كلامك الحلو ده وزوقك الجامد جدا بجد وحقيقى

تحياتى
شيمو القمر

طـائر الليــل الحـزين يقول...

ان شاء الله القمر هينجح ويجيب تقدير جااااامد كمان
بجد يا قمرايتى طريقة كلامك فى منتهى الروعة
مرحبا بعودة القمر لينير سماء المدونيين
ويروى ظمأ العاشقين
ويشاركنى وحدتى
ويعزف لحنى الذى ما احب سماعه الا منه
تحيااااااااااتى

الشاعر الحزين يقول...

وأخيرا عاد القمر

عاد القمر ليدخل فى قلوبنا الفرحه برجوعه

بجد فرحت قوى قوى برجوعك يا قمر

أيوه كده

ألف حمدا لله على السلامه على حاجتين

الرجوع والامتحانات

عقبالنا يارب

ويارب ينجحك وينجحنا ويوفقك ويوفقنا

يااااااااااااااااااااااااااااااااا رب

نورتى بيتك الصغير

ادم المصرى يقول...

مشاء الله رجوعك منور كل المكان بكلماتك الجميل

روجوع القمر وليس اختفاء القمر

وفعلا ذهب القمر وترك لنا ضوء فأتى القمر فجمع الينا كل الاضواء


حمدله على السلامه

♥نبع الغرام♥♪≈ يقول...

شيمو
السلام عليكم


حمد الله على السلامه

وان شاء الله النتيجه تكون كويسه

وبتفوق كمان

ربنا يكرمك يارب

ونورتى الدنيا كلها

وياريت تفضلى كده معانا شمعه مضيئة بحياتنا


اختك اللى بتحبك قووى
انوسه

صمت الحنين يقول...

حمداا لله على سلامتك

جوجو يقول...

السلام عليكم

حمدلله على السلامة ياجميل

نورتى مدونتك

ربنا ينجحك

منتظرين بوستاتك

تحياتى

غروب يقول...

حمد الله ع السلامه يا قمر

وحشانى جدا

وادعيلي انا كمان اخلص انا امتحنت يوم واحد ولسه البقيه تاتى

ربنا ينجحك ياااارب

وردة يقول...

اهلالالالالالالالا ازيك ياشيمو
وحشتينا والله
ايه الغيبة دية كلها
انا عارفة الامتاحانات وهمها الكبير
ربنا معاكي
المهم انك رجعتي تنوري من جديد
نورتي الدنيا كلها
ومرسي ياقمر علي سؤالك عني
ربنا يكرمك
سلام

بـسـمـــة صـــــلاح يقول...

نور القمر مدونته

وهينجح وهيتبسط ان شاء الله

عقبالنا لما نخلص من الهم اللي لسا مبدأش


يعني انتي رجعتي وأنا تقريبا يوم الأربع هحط بوست
اقلكوا اني هغيب وارجع بعد فتره كبيرة تقريبا شهر
انتي عارفه الثانويه العامه والاهل لما يشدوا

يعني مش بعيد تنسوني دا شهر بحاله
وااااااااااااااء
ههههههههههه


نورتي سمانا ياقمر

dahlia.. يقول...

حمد الله على السلامة يا شيماء..بجد وحشتيني قوي قوي قوي..و نورتي المدونة..و أتمنى انك تكوني عملتي كويس في الامتحان..ربنا ينجحك و يوفقك يا قمر

احساس طفلة محبة للرومانسية بس واقعية يقول...

حمد لله على السلامة

وحشتينى يا شيمو

يا احلى قمر منور المدونات كلها

ان شاء الله النتيجة تكون خير وتفرحك

تقبلى مرورى

فراشة يقول...

حمدالله على السلامه يا شيمو فينك وحشتينا

اخيرا عادت صاحبة القمر
يارب انشاء الله النتيجة تبسطك وتسعدك

أحساس لسه حى...كلام من جوه روح لكل روح يقول...

عزيزتى

متشكر جدا يا شيموا

كفاية تنك طلعتى اجدع منى وكنتى غايبه وانا مسالتش ورجعتى وزورتينى على طول

بس خدى بالك عمر ما فيه قمر بيغيب عن عينينا طول ما احنا عارفين انه القمر

ومتغبيش تانى الدنيا متستهلش

سلاااااااام

شيماء جمال(شيمو القمر) يقول...

طائر الليل الحزين
_________________
شكرا يا عثل دا انت اللى قمر
دا أنت التى تؤنسين وحدتى
وكلامك جميل على طول
أشكرك على رأيك
تحياتى
شيمو القمر

شيماء جمال(شيمو القمر) يقول...

الشاعر الحزين
______________
وعاد القمر

ربنا يخليك

الله يسلمك

ربنا ينجحنا كلنا

تحياتى لك

شيمو القمر

فراشة يقول...

يا جماعة مدوناتنا كلنا مسروقة
واحنا قاعدين مش حاسين بحاجه
لازم يكون لينا موقف
بصراحه صديقتنا طفلة صاحبة مدونة
احساس طفلة محبة للرومانسية بس عاطفية
هى اللى نبهتنى لده
بشكرها جدا
كلنا نعمل اى حاجه ونبلغ بعض

أسير الجراح يقول...

شيمو

المهم انك فكرانا ودى حاجة جميلة منك


تسلمى يارب يا قمرايا

واتمنى تكونى بخير

بس لو فى مشكلة يبقى من عندك انتى



اسير الجراح

شيماء جمال(شيمو القمر) يقول...

آدم المصرى
_________
ربنا يخليك يا رب
أنت اللى منور التعليقات
أشكرك على رأيك

تحياتى
شيمو القمر

شيماء جمال(شيمو القمر) يقول...

عاشقة الأحزان
________________
وعليكم السلام يا أنوس
الله يسلمك يا عثل

يا رب تكون كويسة ادعيلى كتير قوى خالص

أنت اللى منورة

تحياتى
شيمو القمر

شيماء جمال(شيمو القمر) يقول...

صمت الحنين
_________
الله يسلمك

شيماء جمال(شيمو القمر) يقول...

جوجو
________
وعليكم السلام
الله يسلمك

ربنا يسمع منك وأنجح
وأنا مستعدة أكتب

تحياتى
شيمو القمر

شيماء جمال(شيمو القمر) يقول...

غروب
_____
الله يسلمك يا عثل
أنت أكتر وحشانى جدا


ربنا يوفقك فى الامتحانات يا رب وينجحنا

تحياتى
شيمو القمر

شيماء جمال(شيمو القمر) يقول...

وردة
_________
وردتى القمر أنا مبسوطة إنك أنت كمان رجعتى

وكتير من اللى مشوا رجعوا تانى
ادعيلى انجح
علشان أنا والله خلاص تعبت

لا شكر على واجب
ويكرمك أنت كمان
سلام
تحياتى
شيمو القمر

شيماء جمال(شيمو القمر) يقول...

بسمة صلاح
___________
نور القمر بنورك أنت يا عثل
يا رب ينجح يا رب

يا رب ترجعى بالسلامة
لا طبعا مش ممكن ننساكى

تحياتى
شيمو القمر

شيماء جمال(شيمو القمر) يقول...

dahila
_________
الله يسلمك يا دودو فى الدنيا
وأنت وحشتينى جدا جدا خالص

وبجد وحقيقى كنت مفتقداكى جدا

يا رب أكون جاوبت كويس
ادعيلى
تحياتى لك
شيمو القمر

شيماء جمال(شيمو القمر) يقول...

احساس طفلة محبة للرومانسية بس واقعية
_______________________________
الله يسلمك يا طفلتى العزيزة
وأنت كمان وحشانى
يا رب ادعيلى كتير

تحياتى
شيمو القمر

شيماء جمال(شيمو القمر) يقول...

فراشة
________
الله يسلمك
أهو أنا جيت كان سفر كام يوم كده فى القاهرة
وامتحنت ورجعت تانى

أهو صديقة القمر رجعت تانى
وهحاول أرجع تانى زى ما كنت
تحياتى
شيمو القمر

شيماء جمال(شيمو القمر) يقول...

احساس لسة حى
________________
عزيزى لا شكر على واجب

عد الجمايل
ما أنا جدعة فعلا

أما أنا غبت علشان كنت مسافرة
وامتحنت وجيت
ادعيلى انجح

تحياتى
شيمو القمر

فراشة يقول...

والله من غيرتى على كل واحد فيكم وعلى كل كلمة كتبتوها حسيت انى حتجنن لازم ابلغم

يا جماعة مدوناتنا كلنا مسروقة
واحنا قاعدين مش حاسين بحاجه
لازم يكون لينا موقف
بصراحه صديقتنا طفلة صاحبة مدونة
احساس طفلة محبة للرومانسية بس عاطفية
هى اللى نبهتنى لده
بشكرها جدا
بيخدوا كوبى من كل حاجه بنعملها ويا اما بيعملوا مدونة باسمهم او على المنتديات

كلنا نعمل اى حاجه ونبلغ بعض

ياريت كل واحد عنده طريقه نمنع بيها ده نحاول نساعد بعض
حكتبلك اللينكات بس دى مجرد امثلة للى حصل معايا او مع صديقتنا وردة يعنى مش هم دول بس لأ فى كتير جدا

http://love-radwan.blogspot.com/2009/05/blog-post_23.html

واللينك ده http://www.fremuzic.com/vb/t1159.htm

شيماء جمال(شيمو القمر) يقول...

فراشة أنا حاسة بيكى قوى
ودخلت وشوفت البوستات

بس أنا مش عندى خبرة فى النت قوى
ومش بعرف أعمل إيه
عامة فيه حاجة عملاها طفلة محبة للرومانية وعملاها عاشقة الرومانسية وهى إن لما تحاولى تخدى كوبى مش بيرضى بيقولك استأذن الأول

بس خير نحاول ناخد بالنا
ربنا يعينا
تحياتى