الأحد، 21 يونيو، 2009

وجع



لما تحس بوجع جواك

و
حاسس إنك مخنوق

نفسك تروح أبعد مكان لوحدك

تصرخ وتقول تعبت

تعبت من الناس

وتعبت من الحياة

وتعبت من نفسك


حاسس إن عقلك تعب من التفكير

كل شئ حولك يؤدى بك إلى الجنون

ولما يكون ما بينك وبين الموت بعض الإيمان بداخلك الذى يمنعك من ذلك

ولما تحاول كثيرا أن تقنع نفسك أن الأمل موجود والأحلام ستتحقق

وثقتك بربك أكبر ما يكون ولكن........

تقع أحيانا تحت بعض نقط الضعف وهى أنك تكره الحياة

ولا تريد الاستمرار
تعبت من الانتظار

وتعبت من النصائح التى يشبه كل منها الآخر

وعندما يتوقف الكلام على لسانك

وتريد من يقرأ ما بعينيك

لأنك مليت حتى الكلام


وإنك مش قادر حتى تكون نفسك

.........................


هناك 30 تعليقًا:

ادم المصرى يقول...

واو مالك بس فى ايه ايه التعب دا كلو

وتعب من الناس ومن الدنيا ومن التفكير

باين كدا حاله اكتأب درجه اولى بس انا لما بحس بكدا تعرفى بعمل ايه عشان استريح بصلى وبشغلى مشارى راشد وانام بصحى تمام والحمد لله

قلب ارهقته الاحلام يقول...

ربنا يبعد عنك الاحساس ده يارب

بس اكيد فيه امل ف بكرة طول ماجوانا نفس

مش لازم نتعب عاوزة اقاوم واقاوم لحد الانتصار

دمتي بألف خيررر

تحياتي ,,,

سماء يقول...

كلنا بتيجى علينا اوقات وبنحس بنفس احساسك لان الدنيا مفيهاش سعادة كاملة

وملناش غير ربنا مهما كانوا اللى حوالينا او حتى مفيش حد لو كلمنا ربنا واشتكينا لية بنحس بعد كدة براحة

يارب تكونى بأحسن حال

كاتب مصري يقول...

احساس صعب جدا أنا فاهمه وحاسس بيكي لإني حسيت شيء منه قبل كده بس في الآخر نهايته فرج ورحمه دي تصبيره ولا نصيحة تريح شوية يعني مسكن آلام لا والله "ضاقت فلما استحكمت حلقاتها فرج وكنت أظنها لا تفرج" وبعدين الدعاء يفتح الطرق المغلقة وربنا ييسرلك حالك ويبعد عنك الخنقة والتعب ويملا حياتك هنا وسعادة
اللهم آمين
دمتي بخير

ستيته حسب الله الحمش يقول...

كلنا بلا اثتسناء ليس لنا مفرج كروب الا الله
العبد اللي ربنا بيبتليه بيغفر له ذنوبه وبيعلي درجاته ونحمد ربنا انه عرفنا بيه انه الله الواحد الأحد قاضي حوائج الخلق
وعجبا لأمر المؤمن كله خير


ربنا يحلي ايامك ويسعد سنينك ويجيب لك سعادة لم تحلمي بها

عاشقة الأحزان يقول...

لسلام عليكم

حبيبتى الغاليه شيمو القمر


وحشتينى قووى

بجد جميلة قووى كلماتك وحسيت بمعنى كل كلمة فيها


صعبة قوووى صعبة قووى

وانا كمان بقولك تعبت من كل حاجه فى حياتى


دمتى بالف خير
تحياتى
انوسه

عاشقه الرومانسيه يقول...

مالك ياشيمو؟
ماكنتى كويسه يابنتى؟
اقولك على نصيحه
اتغلبى على احزانك
لان العمر قصير
والحزن بيضيع علينا اجمل ايام حياتنا اللى ممكن نعيشها

ربنا يسعد ايامك ياااارب
ويفرح قلبك

7annen يقول...

شيمو انا اول زياره ليا عندك ومش هتكون الاخيره ان شاء الله

انا بصيت فى المدونه كلها علشان اعرف احساسك وبجد انتى احساسك عالى واخر بوست جميل اوى

ولاحظت انك بتحبى فاروق جويده هو فعلا رائع

دومتى بخير

حنين

الرفيق بَرَاء يقول...

لا شيء يستحق

لأنه لا شيء حقيقي

حاسوباتيه يقول...

ياه بتحكي كل الي انا فيه دلوقتي والله بجد ده بالظبط الي حاسه بيه فعلا احساس صعب قوي قوي بجد وانا فعلا تعبت

gogo!sf يقول...

صباح الخير يا شيمو

تصدقى والله الواحد على طول فى صراع داخلى مع نفسه بقى مش عارف يفكر ولا يتكلم ولا حتى يسمع
وعايز دايما يكون فى مكان بدون ناس

شيمو بوستك ده وجعنى جدا

تحياتى يا قمر

جوجو

hasona يقول...

السلام عليكم

في بعض الاوقات نحس هذا الاحساس
نهرب نبعد عن الجميع

تنطوي علي ما بداخلك
تكفر بكل الحيل للخروج من هذه الحالة

تستمع الي الناس وكأنك لا تفهم ما يقولون

تتعب وتمل حتي الحديث مع أو عن نفسك

فيتحدث كل ما فيك عنك ولكن من يقرأ ويترجم

RADWA يقول...

يااااااااااااااااااااه ياشيمو
كإنك بتتكلمي بلساني دلوقتي :(

ديالا يقول...

فعلا ده الي بنحس بيه كلنا

بس املنا في ربنا بيقوينا حتي لو ضعفنا وبيكون هو طاقه النور الوحيده لينا في دنيتنا

اول زياره ليكي وباذن الله هكون متابعه دائمه ليها

تقبلي مروري

صدفة جميلة يقول...

السلام عليكم ورحمة الله وبركاته
معلشى يا انستى الغاليه هى دى الحياه عذاب فى الدنيا وربنا يستر فى الاخره
انسى وتناسى وعيش حياتك لان دا القدر ولن نغيره مهما فعلنا للاسف
لازم نرضى بيه غصب هانعمل ايه بنحب ونفارق بنحسن وبننظلم بنحب وبننكره بنعطف وبنجنى القسوه من النهايه انسى
وعيش حياتك غصب عن حياتك وكل لماتحسى انك عاوزه تبكى ياريت تتصلى بيه علشان اشمت فيكى هههههههههههههههههههههههههههههههههههههههه
ايوا ياريت تكونى بتضحكى باى مستنى زيارتك اوعى طبطلى ضحك سلام

ميرو انتكة يقول...

عارفه بجد كلنا بيجى لنا حاله زى دى كتير ويمكن من غير سبب يعنى ملل وخلاص

بس فعلا بادعى ربنا وبالاقى كل حاجة اتحلت ونفسيتى مرتاحة بعد كده بالذات مع الفجر وربنا يعملك الى فيه الخير ليكى اكيد وتبعدى عن الحيرة والقلق

وزى ما فيه الوحش اكيد هتلاقى الكويس


تحياتى يا جميل

الأمير يقول...

بسم الله ..

اولا آسف على التأخير ده كله
معلش انا غلطان فعلا

بس والله احساس مؤلم
والواحد بيتعذب بجد

وانا صغير ولسه مش عارف حاجه اوى
فكرت انى انتحر لانى كنت ببقى زعلااان اوى

( انا عمرى ما قلت الكلام ده لحد اوعى حد يعرف بقى )

لكن لما الواحد كبر شويه وفهم
بدأ تفكيره يتغير

والمه ووجعه
مش هتمحيه الاحزان

يبقى لازم نتحرك

وانتى لازم تتحركى

هيا ابدأى خطوتك للامام
واولها اذكرى ربك
وانسى او تناسى

فالهم حتما منفرج
لان الفارج الله

والسلام عليكم ..؛؛

طـــائر الليــــل الحـــــزين يقول...

ايه بس مال القمر
سلامته من كل تعب وتفكير وخنقة
تعرفى لما بحس الاحساس ده
على طول بروح اكتب
وبطلع كل التعب اللى جواية على الورق
بجد يارب يكون ده مجرد بوست وخلاص
ومش يكون فى حاجة خنقاكى
تحيااااااااااااااتى

ابو على يقول...

تفائلى دايما بالافضل حتى لو الواقع عكس دا
وسدى ودانك لكل اللى بيحاول ينقضك
اشخطى فيه ايه مابتعرفيش تزعقى

انا اربع حاجات بعملهم لما اكون بدايق
واحد اضحك اتنين اضحك تلاته اضحك اربعه اضحك
جربى
السلام عليكم

mohamed ghalia يقول...

نقول ياااااااااااااااااااارب وكله هيتحل بإذن الله

فراشة يقول...

قولتى يا شيمو على الى جوايا

عايزه اصرخ واقول
حاسة بوجع

اجمل عنوان ممكن يعبر عن الاحساس
وجع

م/ محمد صالح يقول...

ياه من زمان مزرتش المدونه اسف كنت مشغول بس ليه نبره الحزن زادت قوى عندك خليكى اقوى من كده ومتهتميسش كتير بالناس وحاولى انك تسعدى نفسك واكيد مش كل اللى هيسعدك هيعجب اللى حولك بس ياريت تحافظى على الايمان اللى جواكى واوعى تسقطى فى حافه عدم الرجوع دورى على شىء جديد اعمليه اكسرى روتين حياتك عيشى حياتك وتمسكى بيها

هانى سعيد يقول...

مش هعمل حاجة بس هخرج اللى جوايا كله على الورق واخلى قلمى يصرخ ويصرخ لحد ما يوصل صريخه لابعد مدى يمكن اللى جوايا يخف
تحياتى

احساس لسه حى يقول...

عزيزتى

لما احس بكل ده اقول يا رب قوينى

وعلشان نقدر نستحمل اوجاعنا

ندور على اوجاع غيرنا تخلينى نحس بضئالة اوجاعنا

بس كل دى اوجاع ممكن نحس بيها فى وقت واحد

مش عارف ليه مبقناس نحس ببعض اوى

ولما حد يتوجع مش بيلاقى اللى يفهم وجعه ويصبره عليه

ربنا يرحمنا

وساعات الكلام بيريحنا

واهى المدونات بنفرغ فيها بعض همومنا
والامنا

تحياتى

سلام

كتكوته يقول...

كلماتك جميله واحساسها عالي اوي
بس بجد اتمنى انك متكونيش في الحاله دي
لانها فعلا صعبه اوي

تقبلي مروري

I'm The CraZy One يقول...

yaah fe3lan 27sasha 7elw awii so3'ayar 2l post bas alty fih kol 7aga :D:D





ma3 ta7eyaty

حنان سعيد يقول...

شيمو القمر حبيببتي
واحشتيني اووووي
وبجد اضايقت اني بعد غيابي اول بوست اقرئه عندك الاقيكي حزينه كده
مش عايزكي تكوني كده ابدا
كل واحد ممكن يضعف فعلا من كتر ضغوط الحياه
بس لازم كلنا نفوق من حزننا
ويكون الامل طريقنا ودليللنا

وحشتني كتير
تحياتي لك حبيبتي

shemo يقول...

السلام عليكم.......
ازيك يا شيمو ...اول مرة ادخل عندك ومش حتبقى اخر مرة ان شاء الله.........ايوووووووووووه الاحساس دا غبى اووووى ويارب لو دى مشاعر حقيقية يفك كربك وتطلعى من الاكتئاب دا وحاولى تصلى وترجعى لربنا وحتبقى احسن ان شاء الله........دومتى بخير فى رعاية الله.
shemo

جارة القمر يقول...

احساسك جدا أوجعني لربما لانني عانيت من هذا الاحساس

رائعة كلماتك فعلا اللجوء الى الله هو من يسمعنا ويرأف بحالنا فهذا ينسينا مانعاني منه

رائعة ياقمراية

شيماء جمال(شيمو القمر) يقول...

أشكركم كلكم
أنتم خففتوا على كتير قوى

تحياتى ليكم وبحبكم قوى

شيمو القمر