الخميس، ٢٩ يناير ٢٠٠٩

التاج


معلش ياجماعه البوست المرة دى طويل استحملونى بقى أعمل إيه؟
مجبر أخاك لا بطل التاج ده دوبل يعنى 2×1 شامبو يعنى ،
أهدته لى صديقتى عاشقة الرومانسية رغم إنها مجنونة فيه شوية بس هيعجبكوا
اللى هيجاوب على الأسئلة يأخذ التاج

بسم الله هنبتدى
التاج الاول

1- أذكر سته أسرار لا يكتشفها من يقابلك لأول مرة
؟دى حاجات محدش يعرفها عنى غير بعد ما يعاشرنى كويس
* التواضع
* جدعه قوى
* عنيده جدااااا
* بيضحك علىّ بسرعة
* العصبيه الشديدة جدااا
* قلبى أبيض جداااا ومتسامحه
* مش بأقدر أسكت على وضع غلط

2-سبع حاجات نفسك تعملهم؟
* أكون أم
* أحب وأتحب

* أحج بيت الله الحرام
* أكون ناجحة فى شغلى وفى بيتى مع بعض
* أسافر كتير
* أكون زوجه تقية
*أسمى ابنى (أدهم)
* أعيش فى اسكندريه الباقى من عمرى

3-سبع حاجات ماعرفتش تعملهم؟

*أنى أحب مرة واحدة بس
* استمتع بحياتى
* أدخل كلية الهندسة

* أنى أنجح فى الكلية اللى أنا فيها من غير مواد
*أنى أغير وجهة نظر الناس فى إنى مش عبيطة إنى طيبة بس
*إنى مصدقش أى حد
الباقى هسيبه للأيام
4-سبع حاجات دائما بتقولهم

؟1-المهم 2- اتخنقت منك 3- يا قلبى يا أنى 4- يعنى ، يمكن5-آخر حاجة 6- فهمنى؟ (لاى حد اكون باناقشه) 7 ـ يا ربى ( لو مش فاهمنى اللى قدامى)

5- سبع مشكلات فى حياتك ممكن تحلهم بالفلوس؟

معنديش أى مشاكل تتحل بالفلوس هو قلبى اللى مجننى وده مش مشكلته الفلوس .

6- سبع أماكن بتحبيها

؟1- اسكندرية 2- البحر 3- بور سعيد 4- جامعة القاهرة ( مكان دراستى أربع سنين )5- بيتنا 6- كفر الشيخ فيها ناس بحبهم مع إنى ما زرتهاش 7- واسكندرية ثم اسكندرية ثم اسكندرية ...........
7- اشخاص بتحبهم غير ماما وبابا واخواتى؟

اصحابى كلهم طبعا

8- مدونين بتحب تقرالهم؟
نبضات قلب ، كلمات ، مدينة من النساء ، أشلاء روح بَرَاء

واى حد بيكتب اى كلام من قلبه علشان يدخل قلبى وأى مدونه كوميديه أو ساخره

9- تمرر الواجب لمين ؟

اصحاب المدونات دى وهم أحرار طبعا لو يحبوا
ـ نبضات قلب
ـ كلمات
ـ بنوتة مرحة
ـ ملائكية
التاج ده اختيارى ياجماعه مش اجبار خالص اللى يحب يجاوبه اوك
**********************

التاج التانى

استعنى على الشقى بالله
1-
لو كان ينفع تختار ومين الحاكم؟ عصر تعيش فيه هيبقى امتى؟

- أكيد أكيد عصر الرسول صلى الله عليه وسلم ويكون هو الحاكم
2- أول أولويه فى حياتك؟
بابا و أهلى وأصحابى قبل نفسى وقبل كل
3ـ أكتر حاجه بتحبها فى رمضان؟
روحانياته ، وصدق النفس فيه ، واللمة والحب4
4- أوصف أجمل فطار ممكن تفطره؟
فطار المعسكرات ، والفطار مع أهلى

5- لو كنت حاكم هتكون عادل؟ وهتعرف ازاى؟
هاحاول والا أسيب الحكم هعرف من وجوه الناس وحبهم لى
6- مين أكتر إعلامى بتحبه؟
أسامة منير وأحمد آدم فى برنامجه بنى آدم شو
7- لو ممكن شغلانه تانيه تختار إيه؟
مهندسة كن نفسى قوى قوى
8-تانى بلد تحب تعيش فيه بعد مصر؟
اسكندريه يعنى مصر برضه
9-أوصف ترتيبات أجمل فرح ممكن تحضره؟
إنى أحس إن العروسه والعريس بيحبوا بعض قوى ده فعلا أجمل فرح
9- بتراعى كلام الناس والقيل والقال؟ وليه؟
مش فى كل الأحيان لأن الناس كده كده هتتكلم
10- صحيت من النوم لا موبايل ولا كمبيوتر ولا كاميرا ديجيتال ورجعنا لعصر الاحصنه والحمام الزاجل؟
هنام تانى وأتغطى كويس
12-السعاده هى؟
الحب والشغل والأطفال وإحساسك بالأمان مع من تحب
13-عندك أمل؟ واسبابك؟
اه طبعا وعمر وهشام - علشان أحس بطعم الحياه
14- لما تحب تهرب من كل حاجه بتروح فين؟

على البحر
15- أمتى أخر مره أخدت فيها نفس وقلت يااااااه أنا كبرت ؟
لما خلصت الكلية ولقيت أصحابى كلهم أتجوزوا بسرعة جدا وسبونى مع إنى مخلصة السنة ده .
16- بتشرب سجاير ولا لا ؟ وايه رايك فى الستات والرجاله اللى بيشربوا ؟
لا طبعا –دول ولا يخافوا على صحتهم ولا فلوسهم
17- بتعرف ايدك الشمال ازاى؟
الأيد اللى مش بسلم بيها
18- أكتر آله موسيقيه بتحبها؟
كل الموسيقى الهادية حلوة
19- ليه الزوق والنخوه انعدموا ؟
لإن الرجاله ماتوا فى 73 والموجودين بقايا حرب(بهزر طبعا)
20- إيه الحاجات اللى لو حصلت هتبقى سعيده؟
- ارتبط بالانسان اللى أحبه وأنجب منه أطفال
21- تحب تملك أرض زراعيه ولا أحدث عربيات ولا كام عماره ولا فلوس فى البنك؟
كل اللى يجيبه ربنا كويس
22- تحب البحر ولا النيل؟
سؤال غريب ده أنا اسكندرانيه البحر طبعا
23- مركب ولا طياره؟
مركب علشان أتفسح بيها فى البحر مع حبيبى
24- شخص مجنون ولا عاقل؟
مجنونة جدا فى بعض الحظات بس متخافوش مش مؤذية
25- تقرأ كتاب ولا تتفرج على فيلم؟
فيلم أكيد مع إنى حافظة كل الأفلام ولكن كتاب لما يكون فى إيدى كتاب يعجبنى

هناك ٢٦ تعليقًا:

بسمة انور يقول...

بسم الله
بصراحة اسئلتك واقعية ,والاجابات مقنعة جدا
دمتى مبدعه
تحياتى
بسمة

romansy يقول...

يا شط اسكندريه يا شط الهوى

ايه الكلام الجميل اللى على اسكندريه وجمال اسكندريه دا
احساس جميل بالانتماء
ان شاء الله هتلاقى فتى احلامك وتحققى احلامك وامنياتك
وعقبال تاج الفرح ويكون ع البحر

فراشة يقول...

مش عارفة اقولك ايه بجد
انتى قمة فى الذوق
والاجمل طبعا انك اسكندرانية
لانى بعشق اسكندرية بطريقة جنونية
واحب جدا اللى يحبها الحب ده
فعلا الاسكندرانى ميعرفش يحب غيرها
حسيت بكل اجابة جوبتيها جميلة
كمان كلها صراحة وتواضع زى ما قلتى
ومرح وسعادة وايمان بالله
كل اللى قلته كوم
وانك تختارينى من المدونات اللى بتحبيها ده كوم تانى
بجد بجد فرحتينى جدا
حقيقى انا بجد اتشرف بانك تختارينى وتعطينى التاج
ربنا يحققلك احلامك كلها
وانشاء الله فى المستقبل نناديكى ونقولك يا أم أدهم

عاشقه الرومانسيه يقول...

ايه ده يا ام ادهم؟

انتى اخدتى التاج بالاجابات بتاعته يابنتى ولا ايه؟
يلا كل تاج وانتى طيبه بقى

تحياتى

نور الاسلام يقول...

السلام عليكم

ماشاء الله
اجاباتك زي العسل
ربنا يحقق لك امنياتك يارب
بجد مدونتك جميله وكلامك ممتاز

دمتي بخير وتوفيق

السلام عليكم

شيماء جمال(شيمو القمر) يقول...

بسمة
____________
مرسيه على رأيك يا قمر
تحياتى
شيمو القمر

شيماء جمال(شيمو القمر) يقول...

romansy
____________
أيوة يا رومنسى أنا بحب اسكندرية جدا
ونفسى أعيش فيها البقية من عمرى
تحياتى
شيمو القمر

شيماء جمال(شيمو القمر) يقول...

فراشة
__________
أنت الأجمل لأنك كمان اسكندرانية
مع إنى درست أربع سنوات بالقاهرة ولكن اسكندرية وبحرها وجوها وناسها عمرهم ما راحوا عن بالى
مرسيه على رأيك فى جواباتى
وأنا فعلا نفسى يقولولى يا أم أدهم
وفعلا أنت من المدونات المتميزة كان لازم اختارك من المدونات اللى المتميزة واللى أهديها التاج
تحياتى يا قمر
شيمو القمر

شيماء جمال(شيمو القمر) يقول...

عاشقة الرومانسية
_____________________
شكرا على زيارتك
أنا لما علقت عندك قلتلك إنى أنا متوافقة معاكى فى الاجابات فى حاجات كتير
وده السبب اللى أخدت التاج من أجله
وأنا جاوبت الحاجات المختلفة ما بيننا
وده سهل جدا إنك تلاحظيها
تحياتى وأشكرك على التاج
مودتى
شيمو القمر

شيماء جمال(شيمو القمر) يقول...

نور الاسلام
_____________
أشكرك على زيارة مدونتى المتواضعة
وأشكرك على رأيك أيضا
أرجو تكرار الزيارة مرات ومرات
تحياتى
شيمو القمر

ادم المصرى يقول...
أزال المؤلف هذا التعليق.
ادم المصرى يقول...

اجباتك بجد رائعه وجميله جدا والاسئله مقنعه وجميله اوى اوى يارب اوعدنا بزيها اشكرك جدا جدا

وردة يقول...

الله الله
اسكندرانية طبعا
اجاباتك جميلة ورومانسية كمان
هما الاسكنرانية جامدين جدا
تسلم ايديك
سلام

شيماء جمال(شيمو القمر) يقول...

آدم المصرى
_______________
أشكرك على تعليقك
وتمنياتى لك بالتوفيق
تحياتى
شيمو القمر

شيماء جمال(شيمو القمر) يقول...

وردة حبيبتى
________________
آآآآآآآآه طبعا
الاسكندرانية جامدين دائما
صح يا اسكندرانية
شكرا على رأيك
تحياتى
شيمو القمر

فشكووول يقول...

ازيك يا اعترافات قلب
من التاج اسكندريه واخده من قلبك كتير
اجاباتك كلها متوازنه
اول زياره لمدونتك ولقيتك عند آدم المصرى فجيت على طول
ارجوا ان تنورينى فى مدونتى
تحياتى

شيماء جمال(شيمو القمر) يقول...

fashkool
____________
أولا أشكرك على زيارة مدونتى المتواضعة
ثانيا فعلا أنا بحب اسكندرية جدا
ونفسى أعيش فيها بقية حياتى
أشكرك على رأيك فى إجاباتى


ملحوظة :" أرجو" من غير ألف
معلش أصل مدرسة لغة عربية فالخطأ الإملائى بيعملى حساسية


تحياتى ومودتى
شيمو القمر

blue-wave يقول...

جميله جدا اجاباتك
حسستينى انى نفسى اروح اسكندريه دلوقت:))
تحياتى

شيماء جمال(شيمو القمر) يقول...

blue wave
_____________
مرسيه قوى على تعليقك
اسكندرية تتحب من غير حاجة
أنا قضيت حياتى كلها فيها ونفسى أكمل برده فيها
تحياتى
شيمو القمر

ريمان يقول...

السلام عليكم


ازيك يا قمر

ايه التاجين اللى زى العثل دول

الاتنين احلى من بعض بصراحه

وربنا يرزقك بادهم اللى نفسك فيه ده يا رب ان شاء الله

ابقى طمنينى عليكى يا قمر

سلام

وردة يقول...

علي فكرة انا مش عارفة اقولك ايه
انا فرحانة جدااااااااااا اني من المدونات اللي اختارتيها للتاج
اد ايه انت رقيقة
انا طبعا بشكرك في تعليق منفصل لان ده اقل شئ ممكن اعمله معاكي ياقمر
ويارب فعلا تكون مدونتي من المدونات اللي بتعجبك
ميرسي ياقمر وبجد انت من المدونات القريبة لقلبي
الف سلام

جوجو يقول...

السلام عليكم

اول زيارة ليه بس بجد مدونة روعة

جميل اوى اجاباتك على التاج

احلام عمرنا يقول...

السلام عليكم

تاجين فوق الروعة

تقبلى مرورنا

شيماء جمال(شيمو القمر) يقول...

ريمان
_______
أشكرك يا قمر على زيارتك ورأيك
ويرزقنى بأدهم
وبما تتمنى انت
تحياتى

شيماء جمال(شيمو القمر) يقول...

وردة
_______
لاشكر على واجب
ده أنت اللى قمر
ولو ما خترتكيش انت للتاج اختار مين
تحياتى
شيمو القمر

شيماء جمال(شيمو القمر) يقول...

جوجو
______
أشكرك على زيارة مدونتى المتواضعة
وأنا سعيدة لأن مدونتى عجبتك
تحياتى
__________________________________
أحلام عمرنا
__________
أشكرك على زيارة مدونتى المتواضعة
وأنا سعيدة لأن البوست بتاعى عجبكم
تحياتى
شيمو القمر