الاثنين، ٢٨ سبتمبر ٢٠٠٩

هذا هو الحب



عندما تقف أمام من تحب وانت مغمض العينين وتستطيع ان تحسه هذا هو الحب

عندما تستطيع أن تقرأ أفكار من تحب دون أن يتكلم فهذا هو الحب

عندما تظل على الأصابع رعشته فهذا هو الحب

عندما تحس بامتلاك العالم من كلمة بحبك فهذا هو الحب

عندما تسير فى الأماكن المعتادة وتحس باختلاف كبير فهذا هو الحب

عندما تحب الحياة بعد أن تكره العيش بها فهذا هو الحب

عندما تتمنى أن تعطى عمرك لترى بسمة على شفاة من تحب فهذا هو الحب

عندما تفتقد الحنان وتجده بعين من تحب فهذا هو الحب

تعلم إنه إبحار دون وصول فهذا هو الحب

عندما تكون مستعد لأن تضحى بكل ما لديك من أجله فهذا هو الحب

عندما تحب الحب من اجل من تحب فهنا يكون

الحـــــــــــــــــــــــب

أشكركم جميعا على شعوركم الجميل وعقبالكم كلكم يارب

وتحققون كل ما تتمنون ويوفقكم الله فى حياتكم

هناك ١٤ تعليقًا:

Eno يقول...

عندما تشعر بروح الحبيب ترفرف من حولك حتي تشعر بك هذا هو الحب :)

ربنا ينعم عليكي باأجمل لحظات الحب :)

تحياتي:)

عاشقه الرومانسيه يقول...

لما تحسى انك راضيه عن كل الناس وعن نفسك
يبقى انتى فى حاله حب
لما تشوفى كل الالوان فى عينك جميله
يبقى انتى فى حاله حب
لما تحسى ان قلبك ممكن يخرج من ضلوعك من كتر سعادته
يبقى انتى فى حاله حب
لما تقدرى تتسامحى مع كل الدنيا وتصالحى نفسك وتطبطبى على قلبك
يبقى انتى فى حاله حب


مبروك عليكى الحاله
(:
وياااارب تدوم للابد

بـسـمـــة صـــــلاح يقول...

ياااااااااااااااه
انا هقولك زي نزار قباني ماقال:
لأن حبي لك فوق مستوى الكلام ... قررت أن اسكت والسلام

ربنا يسعدك ياحبيبتي ويتمملك على خير

أختك بسمــة

بسمة انور يقول...

يالهوز على الحب

ربنا يديم عليك الحب والفرح والسعاده دايما يا روح قلبى

بموووووت فيك

حاسوباتيه يقول...

ربنا يخليكم لبعض دايما يارب ويتمملك على خير يارب ونزفك لعريسك قريب

ريمان يقول...

ربنا يسعدك يا قمر ويسعدنا كلناااااااا


امييييييييين يا رب

بوست حلو اوى اوى يا ريت بجد كلنا نعيشه فى الحلال


ربنا يتمملك بخير يا رب يا قمر


امين يا رب انتى وبنات المسلمين اجمعين

(حلـم) يقول...

جميل هذا النشيد


لا تتوقفي


استمري..


في الانشاد



كيف لا؟؟


انتي تنشدين قانون الحياة



دامت مشاعر غضة مضمخة بالحب


دام قلبك نابض بالحب والحب حياة


دمتى يا سيدتي مطمئنة


مودتي

حلم

همس الارواح !! يقول...

السلام عليكم ازيك يا عسولتى

بجد البوست بتاعك كله احساس وربنا يسعد قلبك دايما يارب


دمتى بود

هيثــم رمضـــان يقول...

ماشاء الله لا قوة إلا بالله يارب يديم عليكي هذا الشعور الجميل والذي كان السبب في كتابة هذة الكلمات الرومانسية جداً والرقيقة جداً فالحب يجعل صاحبه مختلف تماماً هو كلمة من حرفين لكن تحمل معاني جميلة لا نهاية لها ذكرتي منها الكثير وأكملت بعضها عاشقة الرومانسية ولو حاول كل من يحب التحدث عن الحب سيكتب الكثير فمن عاش هذا الشعور فعليه أن يحمد الله علي توفيقه له لان ليس كل إنسان يعيش هذة الحاله وليس كل إنسان من الممكن أن يقابل شخص يحبه ويبادله الحب وتمر حياته بدون حب حقيقي فلا يشعر بهذا الشعور الجميل وربما ينكره علي الآخرين لانه لا يدري ما هو الحب فالحب يعني حياة جميلة وسعاده بالغة وتسامح مع كل الناس وتضحية بكل غالي من أجل من نحب وغيرها من المعاني والاحاسيس الجميلة.

بالتوفيق وتقبلي تحياتي

dahlia.. يقول...

الله عليكي يا شيماء يا قمر
بجد كلامك يخلي القلب يتملي فرح ..ربنا يسعدك و يديم عليكي نعمة الحب و الرضا

طـائر الليــل الحـزين يقول...

شيمو
ايه يا قمر
ايه اجمل من كلمات بتعرف الحب
بجد انتى واحشاااااااااانى قوى
ربنا يدينا كلنا حب صادق

♥نبع الغرام♥♪≈ يقول...

السلام عليكم ورحمة الله وبركاته

شيماء حبيبتى اخبارك ايه يارب تكونى بخير يارب

ومليون مبروك عليكى الخطوبه ربنا يتمم ليكى على ألف خير ويسعدك يارب اللهم امين يا رب العالمين
بجد كلماتك جميلة قووى
ربنا يديم عليكى نعمة الحب ياقمر

♥نبع الغرام♥♪≈ يقول...

أسفه لعدم متابعتى ليكى الشهور اللى فاتت

لانكى لما تفكرى لحظة وحدة انك تمرى عندى برغم انى كل ما اروح مدونة القياكى معلقه فيها
بصراحه زعلت قووى واخدت على خاطرى منك شيماء
متزعليش منى لانى مش بحب اكون منافقه
ولا بحب اشيل من حد
ويمكن داااااا سبب بعد منى لعدم متابعتك
وحسيت بانى ضيفه تقيلة وغير مرغوب بوجودها
وبصراحه انا مش بحب اكون كده
دااااا اللى كان جوايا والحمد لله ارتحت
ياريت مش تزعلى منى
ربنا يوفقك
تحياتى

فكرة من الزمن ده يقول...

صباح الخير يا شيمو فينك يابنتي
كل سنة وانت طيبة بوست عيد ميلادك مش عارفةاكتبلك تعليق فيه
حاسة انك في حاجة مزعلك يارب يكون ظني مش في محله

مبروك الليسانس و فتى احلامك
كله تهنئة متاخر لاني كنت مبتعدة فترة
طمنيني
تحياتي