الخميس، ١٦ يوليو ٢٠٠٩

ما زالت تحبه


وقفت تنظر إلى السماء

وامتزجت بكل ما بداخلها بالشمس ،

التى تحس أنهما كيان واحد ،

الحب بداخلها كحرارة الشمس ،

وتتأمل قمرها الجميل

وقلبها ينبض بدقات تجعلها ترتعش فرحا ،

وتسمع أجمل أغانى الحب ،

ودموعها تبلل وجنتيها ،

وعينيها فيهما حزن كبير

ويديها بهما رعشة غريبة

ونظرت إلى القمر ورأت وجهه فيه

ورأت كل زكريات حبهما كفيلم حب

فترى قصة حبهما أجمل وأعظم من أفلام الحب

بداخلها إحساس غريب تحسه مع شروق وغروب كل يوم،

وحاولت الانخراط فى عملها ولكن حبه أقوى من كل شئ

وتراه فى كل عين ، فى كل طريق سرتما فيه سويا

فى كل كلمة تحدثتما بها ،

حبه ملئ كيانها ملئ شعورها

فلم يبق هناك قلبا تحب به آخر

تقرأ كلماته التى كتبها لها تحفظها عن ظهر قلب،

وتغمض عينيها وتحلم ،

وتراه فى أحلامها ،

لم تتخيل بطلا غيره لأسطورتها ،


لم تفكر يوما فى أن تنساه

بل تحاول فقط أن تعتاد العيش بدونه .

إمضاء
الشمس

أعتزر عن عدم وجودى الفترة الماضية
والسبب
كنت أحتاج للبعد بعض الوقت
والكمبيوتر انفجر
صلحته الحمد لله وصلحت شيمو وجيت بالاتنين الحمد لله كويسين

هناك ٢٣ تعليقًا:

زهرة الحب يقول...

الله عليكى كلام جميل اوى ورومانسى طيب ادخلى على مدونتى وقولى ايه رأيك

وردة يقول...

شيمووووووووو
الف حمد الله علي سلامتك
كلنا افتقدنا وجودنا
بس عودة قوية جدااا
حاولت اكون اول تعليق واعمل عندك احتلال مرة من نفسي
بس زهرة سبق
بس كلامك جميل ورومانسي
وفعلا الحل مش النسيان
الحل انك تحبي حياتك وتعشيها زي ماهي
ربنا يكرمك ويسعد قلبك دايما
سلام

سماء يقول...

اهلا اهلا شيمو بعد الغيبة الطويلة

حمد اللة على سلامة الكمبيوتر

وحمد اللة عى سلامتك

وجميل ما كتبتى بكل مشاعر الرومانسية اللى فية

دمتى بكل خير وسعادة

Unknown يقول...

نورتي طبعا وعودا حميدا لك وللكمبيوتر
كلامك حلو قوي يا شيمو بس النسيان صعب قوي والتعود على العيش بدون الحبيب صعب بس ممكن لو مفيش حل غيره
خالص تحياتي

فراشة يقول...

الف حمدالله على السلامه يا شيمو
حمدالله على سلامتك وسلامه الكمبيوتر

رجعتى بالحب وللحب لانكى دوما صديقة للقمر وقد انضم لصفك الشمس المشرقة

اتمنى لكى دائما حياة مشرقة
وحشتينا جدا

احساس طفلة محبة للرومانسية بس واقعية يقول...

حمد لله على السلامة يا شيمو
مش تقولى انك غيرتى اسمك للشمس بدل
شيمو القمر :)
كلهاالطبيعة وكلها رقيقة زيك يا قمر
رقيقة برقة كلماتك واحساسك رغم حالة الحزن والشجن اللى فية
عندك حق لازم نعتاد ان نعيش مع حياتنا
ومنستسلمش لليأس وتضيع ايام حياتنا منا

تقبلى مرورى

بسمة انور يقول...

شيمو
وحشااااااانى مووووت
وحمد لله على سلامتك

______
بجد كلام رااائع كعادتك

تحيـ بسبس ـاتى

♥نبع الغرام♥♪≈ يقول...

السلام عليكم


مليون مبروك على رجوعك ياجميل

لولولى لولولى لولولى

نورتى البلوجر كله
مكانك كان فاضى قوووى وبجد كنت قلقانه عليكى

مبسوطه قوووى انك رجعتى ياحياتى

بحبك قووى

♥نبع الغرام♥♪≈ يقول...

رجوعك لينا تانى رجعك بأجمل المعانى ياحبيبتى

بجد بوست فى قمة الروعه
احيك عليه من كل قلبى

وطبعآ مليون سلامه على الكومبيوتر

بعد الشر عليه

بحبك قووووى
اختك
ايناس

غير معرف يقول...

كلامك قلب عليا المواجع

Rannon يقول...

احساسها حلو قوي وطالعة م القلب :)

غير معرف يقول...

كلامك جميل اوى يا شيمو وحمدلهه على سلامتك انتى والكمبيوتر زياريت تنورينى فى البلوج بتاعى ربنا يديم التواصل

حنين

ابو على يقول...

حمدالله على سلامتك وسلامه الجهاز

بس هو ازاى الشمس والقمر بيطلعو ف وقت واحد

يلا يلا عشان خاطر الكلام الجميل دا هانصدق

تشاو

ريمان يقول...

يااااااااااه

معقول الشمس بتحس بكل ده


؟؟؟؟؟؟؟؟؟؟؟

مش عارفه اقول ايه

بس بجد انا حاسه بيها وحاسه بالحزن اللى واقع على قلبها

ده اذا كان قلبها معاها اصلا


:(


بجد انا حزينه عشانها


تحياتى ليكى يا شيمو

بحب كتاباتك اوى

بس مش بعرف اعلق اقول ايه ببقى نفسى اعلق بكلام كتير اوى بس قلمى بيعجز


وحمد الله ع السلامه حبيبتى

اموااااااااااااااااااه

بـِصَمتـِـ أميرة ــــى يقول...

الله
اد ايه لمستنى
هى لم تحاول نسيانة ولم تفكر
حاولت فقط أن تعتاد على العيش بدونه

رئيئة اوى
يسلموووو الايادى بجد

تقبلى مرورى ياحبيبتى
أميرة
(ملكة بحجابى )

هيثــم رمضـــان يقول...

حمدالله علي السلامة يا شيمو والحمدلله علي تصليح الكمبيوتر , بوست جميل قوي يا شيماء لأنه بيحكي عن واحده بتحب حب صادق تحمل كثير من المشاعر الجميلة تجاه من تحب ولا تستطيع النسيان ولا تريد النسيان فقط تريد أن تحتفظ بحبها داخلهاوتحاول العيش بدون من تحب فهناك من يفضلون العيش مع الحب والعذاب عن العيش بدون حب أصلاً.
والمشكلة يا شيماء إن لو لسه فيه صله بينهم بتخليها تشوفه أو تقرا اللي بيكتبه من وقت للتاني, ودي قمة الألم والعذاب وفعلاً النسيان هيبقي صعب للغاية أما لو هذا الحبيب أختفي من حيتها بشكل كلي فالموضوع هيبقي أسهل شوية وممكن تقدر تعيش حياة طبيعية بس ده محتاج شوية وقت .

تقبلي تحياتي

ادم المصرى يقول...

الله عليكى يا شيموو

بجد كل مره بحس وانا بقرألك انى بقرأ لئنيس منصور بجد

كتباتك كلها اجمل من بعض واحسسها اجمل بكتير

hasona يقول...

السلام عليكم

كلماتك جميلة

تعبر عن حالة رائعة
حب يعيش وينمو في قلبها
تراه في كل شئ حولها

تعيشه بكل جوارحها
حتي في أحلامها

جارة القمر يقول...

حمدلله على سلامة قلبك

ولاسمة جهازك

نورتينا

وحشنا كلامك الجميل

احساسك صادق ولامسني من الداخل

رائعة انتي وأكثر

وردة يقول...

شيمو
ازيك يا قمر
كل سنة وانتي طيبة بمناسبة الاسراء والمعراج
ربنا يسعدك
سلام

♥ R ♥ يقول...

حمد الله على سلامتكم انتوا الاتنين :)

فكرة من الزمن ده يقول...

فلم يبق هناك قلبا تحب به آخر


تعبير رااااااااائع يدل على اعتلال القلب بكل مافيه بحب حبيب فقط لاغير
تحياتي تسلم ايدك

kimo يقول...

حبيبي قد غزا قلبي بلاحظ واحداق
له الثلثان من قلبي وثلثا ثلثه الباقي
وثلثا ثلث ما يبقي وباقي الثلث للساقي
وتبقي اسهم ست تقسم بين عشاقي
*********************
ورقه وارسمي دايره وطبقي الشعر
تعرفي حبيبيك بيحيك قد ايه
************
تقبلي مروري وتحياتي
لشاعره متميزه
في عالم الحب