الخميس، ٥ فبراير ٢٠٠٩

تدريب لتقوية الشخصية


تدريبات وجدانية لتقوية الشخصية :


* تدريب التفريغ الإنفعالى :


(1) هناك أحزان كثيرة بداخلنا نكبتها فى اللاشعور ، لكنها تضغط علينا من الداخل ولا سبيل للتخلص من ضغطها إلاَّ بالنبش عنها وجعلها تطفو على السطح ولتحقيق هذا النبش ننفذ ما يأتى :ـ


أ) إغلق باب غرفتك على نفسك


ب) قم بتذكر أحزانك الدفينة


* " وذلك بعرض بعد الصور الخاصة بأحبائك الذين فارقوا الحياة أو من سافروا بعيدا ربما تساعد على إثارة مشاعرك "


ج) لا تمنع نفسك من التفجر العاطفى واترك دموعك تنهمر

*" فالدموع الساخنة فيها شفاء وراحة لحياتك الوجدانية "

د) حاول إجراء هذا التدريب مرة كل شهر على الأقل

*" وستحس بالراحة النفسية بعد أن تنفجر الشحنات المكبوتة داخلك "

2)تدريب آخر للتفريغ الانفعالى :ـ

أ) احضر حوالى خمسين فرخا من الورق الفلوسكاب

ب) اجلس فى مكان هادئ وابدأ فى تقطيع الورق إلى ثمان قطع متساوية " بتطبيق حوافه على بعضها البعض ثم تقطيعها

ج) استمر فى هذه العملية البسيطة بهدوء وبطء

" ستحس بالراحة النفسية بعد الانتهاء لأنك قد فرغت شحناتك الانفعالية المكبوتة داخلك بهذا التقطيع

* فالورق هنا يرمز إلى العقبات التى أعاقت تفريغ طاقتك الوجدانية .

لكنك نجحت فى إخراج هذه الطاقة المكبوتة عن طريق الرمز الممزق

* والورق الذى قمت بتقطيعه يمكنك حفظه والاستفادة منه .




هناك ١٨ تعليقًا:

ريمان يقول...

الله

حلو اوى التدريب ده

انا عجبنى التدريب التانى

لان الاولانى ممكن يتعبنى كتير

بس عندى سؤال

احنا نجيب الخمسين ورقه ونطبقهم ونقطعهم ل 8 قطع؟

ولا كل ورقه من الخمسين نقطعها 8 قطع

شكرا ليكى يا قمر

موضوع مفيد بجد

ادم المصرى يقول...

الله بوست رائع جدا ومفيد جدا

وطريقتك فى سرد الموضوع عاليه اوى اوى اوى

بجد ممتاذه انتى فى كل شيئ وفى كل اختيار

ياريت لما ترجعى تغيرى لون الكلام عشان ميديقش القراء

وردة يقول...

ايه ياشيمو ده حتبقي دكتوره نفسية هايلة
كلنا بالفعل نحتاج خروج هذه الشحنة لتستريح قلوبنا الموجوعة
تسلم ايديك ياقمر
سلام

عاشقه الرومانسيه يقول...

طيب التدريب الاولانى معقول وكمان هبقى لوحدى وقفله عليا الباب
لكن التدريب التانى لو حد شافنى هيقول البت اتجننت
ههههههههههههه
عموما الاولانى ده موجود كتير معايا لانى فعلا باعمل كده ومن غير صور انا مجرد ما افتكر بابا ابكى
او افتكر اى حركه نداله من اصحابى ابكى
لكن التانى ده ....افكر بصراحه وهجربه علشان اشوف تاثيره

الله ينور على البوست ياقمر
انا باحب الموضوعات المفيده دى وبالذات اللى تخص علم النفس

فراشة يقول...

جميلة قوى المدونه يا شيمو
جديدة ومنوعة
بس انا عجبنى التدريب الاول
لكن الثانى انا شايفة ان 50 فرخ كتير قوى يعنى بصراحة مش مقتنعة بيه
بس الفكرة فى حد ذاتها صحيحة لانى سمعت قبل كده برده من دكتور نفسانى فى التليفزيون ان عند لحظات الغضب الشديدة ممكن اخذ فازة او اى شىء غير مرغوب فيه وكسره لان هذا يخرج شحنات الغضب بدلا من تخزينها وإخراجها فى شىء خطأ لحظه الغضب وعدم السيطرة عليه

شيماء جمال(شيمو القمر) يقول...

ريمان
___________
أنا مبسوطة إن البوست عجبك
الاولانى متعب ىه بس صدقينى نتيجته مفيدة جدا
كل ورقة تقطعيها 8 قطع
وبهدوء وبطء
تحياتى

شيماء جمال(شيمو القمر) يقول...

آدم المصرى
_______________
أشكرك على رأيك فـىّ
اوكى
تحياتى

شيماء جمال(شيمو القمر) يقول...

وردة حبيبتى
________________
كان نفسى أكون دكتورة نفسية
ومهمتمة جدا بأى شئ بعلم النفس
فعلا نحتاج جدا لخروج تلك الشحنة
تحياتى

شيماء جمال(شيمو القمر) يقول...

عاشقة الرومانسية
____________________
مبسوطة إنه عجبك
لا محدش هيقول مجنونة لأن لازم تعمليه وأنت لوحدك وثانيا مفعوله جامد
وأنا مبسوطة إنه البوست بتاعى عجبك
تحياتى

شيماء جمال(شيمو القمر) يقول...

فراشة
___________مبسوطة لن الموضوع والمدونة عجبينك
بس التدريب الثانى
ممكن يكون أى عدد من الورق
بس الأفضل إنهم يكونوا كتير
بحيث إنك تقدرى تطلعى كل اللى جواكى
تحياتى

kalamfady يقول...

ما الواحد يقوم يصلى أحسن وأهو توفير للورق

ريكو يقول...

السلام عليكم
تحياتى الخالصة لكى
حقيقى عندما نخرج اوجاعنا ونواجهها
ولو حتى بينا وبين ذاتناهنقدر نعيش ونكمل ونواصل لأن الهروب منها أبدا عمرةما بيكون الحل بالعكس ممكن فعلا تهز ثقتنابنفسنا وتأثر على حياتنا
البوست جميل جدا والفكرة أجمل
حقيقى قد يكون فى الدموع بعض الراحة
الموسيقى اللى مختاراها كمان رقيقة جدا
تقبلى مرورى

soly88 يقول...

طيب ايه رأيك لما الواحد يبقى فى الحاله دى يقوم يفضفض لصديق او فى المدونه بتاعته

dr_samarmar يقول...

إغلق باب غرفتك على نفسك
قم بتذكر أحزانك الدفينة
لا تمنع نفسك من التفجر العاطفى واترك دموعك تنهمر
حاول إجراء هذا التدريب مرة كل شهر على الأقل

أنا بعمل كدا فعلا كل فترة

و كتير بعملها ع السطوح مش فى أوضتى

موضوع جميل :)

تحياتى :)

قيس بن الملووووح يقول...

عندما يمضي بنا قطار العمر تسقط منا الكثير من التفاصيل الصغيرة التي قد تحول حياتنا الي براكين في الوقت التي لا تتحمل فيه الهزات البسيطة"

Tamer Nabil Moussa يقول...

السلام عليكم

تدريب جميل

والنتائج اكيد فى صالح الانسان


ربنا يكرمك

تحياتى

قيس بن الملووووح يقول...

"عندما يمضي بنا قطار العمر تسقط منا الكثير من التفاصيل الصغيرة التي قد تحول حياتنا الي براكين في الوقت التي لا تتحمل فيه الهزات البسيطة"

غير معرف يقول...

بجد طريقتين تحفة ربنا يخليكى لان الواحد محتاجهم جداااااااااااا