الأحد، 16 نوفمبر، 2008

تعرف ازاى ان قلبك بيحب


تعرف ازاى إنك بتحب
لما قلبك يتعلق بحد
وإلا لما اهتمامك يزيد
وإلا لما تلاقى روح
شبهك وحساك
تعرف إزاى إنك بتحب
لما تضحى عشانها
وإلا لما تشوف ميزاتها
وإلا لما تتجاهل عيوبها
تعرف إزاى إنك بتحب
لما تلاقى قلبك مخطوف
وتحس إنك طاير
وتحس بسعادة ما لها حدود
تعرف إزاى إنك بتحب
لما تحس من لمسة بدفء
لما تحس من قبلة بملك الدنيا
لما تحس من حضن بأمان
تعرف إزاى إنك بتحب
لما تشوف الدنيا جديدة
وتحس إن الناس سعيدة
وتحس بحبك ليهم
تعرف إزاى إنك بتحب
كل ده حلو لكن ...................
مين يستاهل الحب
هنا السؤال
مين يجاوبنى عليه؟؟؟؟؟؟؟؟؟؟؟؟؟؟؟؟؟؟؟؟؟؟؟

هناك 3 تعليقات:

الرفيق تشي بَرَاء يقول...

---------------
اللي يستاهل حبك
---------------


هو اللي يحبك لذاتك ,,
حب مطلق ,,
ومايعلقش حبه ليكي ,,
على أي شروط ..


هو اللي يحب فيكي كل صفاتك ,,
وقبل ما يحب فيكي المزايا ,,
يحب فيكي العيوب ..


هو اللي يفتكر لك بس الإحسان ,,
ويتجاوز عن أخطائك دايماً ,,
وقلبه مايعرفش يكرهك أبداً ,,
مهما اقترفتي في حقه من ذنوب ..


هو اللي يضحي عشانك ,,
ويلاقي سعادته ,,
في إنه يفضل يديكي ,,
بلا مقابل ,,
وبلا حدود ..


هو اللي ما يشوفش في الدنيا غيرك ,,
وساعة ما تغيبي عنه ,,
يحس إنه غاب عن الحياة ,,
وفقد إحساسه بالوجود ..

**********

يا ترى لقيتي الإنسان ده ؟

بصي بس حواليكي ,,
ودققي كويس بعينيكي ,,
وفتشي عنه جواكي ,,

ومش بعيد ,,
تلاقيه جنبك موجود ..

gege يقول...

انا شايفة ان الواحد لما يحب حد ميشوفش غيره وميبقاش عايز غيره فى الدنيا
ومهما يعمل فيه برضه بيحبه
ويحب فيه الوحش قبل الحلو
المر فيه قبل الحلو
الشيطان فيه قبل الملاك
الملح فيه قبل السكر
بس لازم يكون الحب دة حب بجد مبنى على اساس متين
ويكون متكافئ
راسخ مش طيارى
خالد بمعنى الخلود ذاته حتى لو واحد فيهم غادر التانى
ويكون مليان اخلاص من الطرفين عشان الميزان يكون مظبوط
وميختلش
وللحديث بقية

جيجي

غير معرف يقول...

福~
「朵
語‧,最一件事,就。好,你西...............................................................................................................................-...相互
,以讓>它使...................