Falling hearts Here
حبيب خيالى
سكن بداخلى منذ يوم ولادتى
حبيبى
توأم روحى يُكمِل ما فُقد منى
حبيبى
أنتظره ليجد معى عمره المفقود
وأجد معه روحى المسلوبة
حبيبى
أمتزج به ويمتزج بى ونصبح شخص واحد
حبيبى
آمانى وحمايتى ومنبع حبى وحنانى
حبيبى
أجد فى حضنه عمرى ودنيتى
حبيبى
أجد فى لمسته دفئ العالم بأجمع
حبيبى
رجولته يحكى عنها كل من حوله
حبيبى
أنفاسه عطرى الذى يخطف قلبى
حبيبى
بسمته ضياء حياتى ونوره
حبيبى
عيناه أرى بهما مستقبلى
حبيبى
لم أرَ سواه دون الرجال
حبيبى
يسقنى الحب دون نهاية
حبيبى
زوجى وابنى وأخى وأبى وصديقى وحبيبي
حبيبى
يؤزرنى ويحقق معى أحلامى
حبيبى
أكن له شريكة حياة
حبيبى
نخطط لحياتنا معا ونحققها أيضا معا
حبيبى
يسكن خيالى ولعلنى أجده يوما
+copy.jpg)
هناك ٤٠ تعليقًا:
هيييييييييييييييييييييه
اول تعليق للنعومه
حبيبي هو قمر ليالي قلبي المسكين..
حبيبي هو ذاك القلب الملائكي الذي حرر قيودي وأخذني معه إلى مملكته فلا أسى ولادموع بعد اليوم معه..
حبيبي وأنا جسد واحد
قلب واحد
روح واحده
حبيبي كلمة ليست كأي كلمة
بل تحمل في طياتها الكثير الكثير
............
بوست جميل ياشيمو رقيق أوي
وبإذن الله تلاقيه يارب وتسعدي معاه
وعلى فكره انا اساسا نزلت البوست بتاع الامتحانات دا من بدري اوي بس مدونتي طلعت روحي
وفضلت احط بوستات واحذفها
ومفيش امل
عشان كدا حصلت لخبطه ومحدش زارني غير صاحبتي ايمان بس
ميرسي لمرورك عندي ياشيمو
مبروك لأول تعليق يا بسومة يا نعومة
بسمة صلاح
_________
حبيبى هو كل اللى قلتيه ده وكتير
ولو قعدنا من هنا للصبح نقول مواصفات حبيبى
مش هنخلص لأنى ده شعور جوانا
ومش كل الأحاسيس بنقدر نقولها
أنت اللى رقيقة يا أجمل بسومة فى الدنيا
تحياتى
شيمو القمر
وليه خيالك ؟؟؟
ان شاء الله هيبقى حبيب واقعك الحقيقى الملموس
وان شاء الله هتحسى كل اللى قولتيه
لأنك ناقيه من جواكى وان شاء الله ربنا هيحققلك كل أمنياتك
بس بالنسبه للكلمات أنا حسيتها طالعه من جوه قلبك قوى
عشان كده هى جميله قوى قوى
تسلم ايدك بجد
الله يبارك فيكي ياشيمو
عقبال ما تلحقي اول تعليق عندي
اه والله لو قعدنا من هنا للصبح نقول حبيبي مش هنخلص
بس هما فين يقروا الكلام دا
هههههههههههه
السلام عليكم
جميلة كل الصفات اللى وصفتيه بيها
ان شاء الله تلاقى الانسان ده
تحياتى
لابد ان ياتى ذلك الحبيب فقد يبحث عنكى ايضا ولكنه يعاند الدنيا حتى يصل اليكى
فهو يتمناكى مثلك تماما
ان شاء الله ياحبيبتي ربنا حيكرمك ويوصلك ان شاء الله
هو لو يعرف انت كتبتي عنه ايه
حيجي علي طووووووووول
ههههههههه
ازيك يا شيمو وحشاني ياقمر
ربنا يوفقك دايما ويحققلك اللي بتتمنيه يارب
سلام
كل بنت بتتمني في شريك حياتها كل المواصفات الجميلة تحلم بمن يحتويها ويحميها تحلم بأن تكون له السكن وكل هذا يأتي مع الحب الصادق الحقيقي المتبادل بين الطرفين فيكون كلاً منهم حريص علي الاخر ويكون هدفة سعادة الاخر ويتغاضي كلاً منهم عن عيوب وأخطاء الاخر (أقصد العيوب والاخطاء المقبولة) ففي هذة اللحظة ستجدي كل ما تمنيتي وأكثر وأدعو لكِ أن يرزقك بمن ترضينه ديناً وخلقاً ليكون شريكاً لكِ في حياة سعيدة ويكون زوج صالح يراعي زوجتة ويكرمها وأب قضوة لابنائه إن شاء الله. أتمني لكِ كل التوفيق
من تملك ذلك الإحساس لابد ان تجد من يكمله ويقدرة
تحياتى
شيمو يا شيمو
اية الجمال دا
ان شاء الله تلاقى قمرك
وينور حياتك
يشعرك بالدفء والحنان والامان
ربنا يرزقك زوج صالح
تدية كل مشاعرك الجميلة دى
وتكونى اسعد انسانة معاه
تقبلى مرورى
شيمو
يا عينى ياعينى
بسم الله ما شاء الله
بجد مواصفاتك لحبيبك جميلة جدا
البوست كلة روعة بس فى جملة عجبتنى جدا اللى هى
حبيبى
يسقنى الحب دون نهاية
جميلة جدا فى وصفك وفى احساسك
يارب يجى بسرعة بقى
عوزين نفرحو بيكى يا قمرايا
تسلم الايادى يا قمر على البوست الرائع
كل الود
اسير الجراح
الشاعر الحزين
_____________
يسمع من ربنا والاقى حبيب خيالى ده حقيقة ملموسة
انا ما استاهلش كل كلامك الحلو ده
هى فعلا من جوه جوايا
تحياتى
شيمو القمر
بسمة صلاح
____________
ده انت قاعدة على باب المدونة بقى
هما فى خبر كان
لسة بس هنلاقيهم أكيد يوما
تحياتى
شيمو القمر
جوجو
_________
وعليكم السلام
أكيد جميلة لأنها طالعة من قلبى
يا رب يسمع منك وألاقيه
تحياتى
شيمو القمر
romansy
___________
أكيد ان شاء الله هيجى
انا عندى أمل فى ربى كبير
أكيد هيجى ليجد معى عمره الضائع وأجد معه روحى المسلوبة
تحياتى
شيمو القمر
السلام عليكم
الله الله عليك
وعلى خيالك الجميل
ويارب يكون حقيقه يارب
وحشيتنى كتير قووى
يارب اشوفك سعيده يارب
ومنتظره تردى على التاج
تحياتى
انوسه
وردة
________
يسمع منك ربنا
أكيد بس لو يعرف كان جه
بس خير بدل ربنا مجبهوش لحد دلوقتى يبقى أكيد ده خير لأن كل تأخيرة وفيها خيرة
أنا الحمد لله كويسة
يا رب تكونى انت كمان بخير
وحشانى قوى خالص
ربنا يكرمك
تحياتى
شيمو القمر
هيثم رمضان
____________
انا مش من اللى بتقف على الواحدة لناس
وبتغاضى مثلا فى أصحابى عيوب كتير
أشكرك على أمنياتك الجميلة ده
ربنا يكرمك
تحياتى
شيمو القمر
blue_wave
____________
أنت اللى إحساسك أجمل
وكلماتك مع قصرها دوما جميلة
تحياتى
شيمو القمر
احساس طفلة محبة للرومانسية بس واقعية
________________________________
كلامى مايجيش نقطة فى بحر كلامك الساحر
اهى حاجة على قدى كده
يا رب يسمع منك
تحياتى
شيمو القمر
أسير الجراح
_____________
أنت اللى إحساسك جميل علشان كده بتشوف كل حاجة جميلة
يا رب يا سيدى يسمع ويجى بسرعة
وأنا والله نفسى أفرح
كل الود
تحياتى
شيمو القمر
عاشقة الأحزان
________________
الله عليك أنت يا عثل
ماشاء الله عليكى أنت
يا رب يكون حقيقة
وأنت وحشانى أكتر
أكيد هرد عليه يوما
تحياتى لك
شيمو القمر
السلام عليكم
يا بخته يا بخته
بجد بجد بجد من غير مجامله
رووووووووووعه جمييييييييييل اوي
بجد انتي ممتازه وهايله
انت عثل اصلا وكلامك عثل واحساسك عثل وكلك عثل في عثل
بجد انتي جميله اوي
ربنا يوفقك يااااااارب
في رعاية الله يا حبيبة قلبي
شيمو حبيبتى
وحشانى يا سكره اوى اوى
حلللللللو البوست والرومانسيه دى
كمان مواصفات الحبيب جميله كله حب وحنيه وشهامه ورجوله
كلماتك بحبحها اوى يا شيمو
ابقى طمنينى عليكى يا قمر
اموااااااااااه
الله عليكى بجد
البوست تحفة
انتى اتكلمتى عن حبيبى انا كمان
او اللى بحلم القيه فى يوم
تفتكرى ممكن
كلاماتك واحساسك انهاردة فى منتهى الروعة
بجد تسلمى على الكلمات الجميلة اللى كان من نصيبى انى اقراها
تحياااااااااتى
رائع ذلك الاحساس
مشاعر أكثر من راقية
تستحقين كل ماهو جميل
شكرا
بسم الله ...
السلام عليكم
ان شاء الله يبقى حبيب الواقع
يكون ليكى شايف وبيكى حاسس وسامع
حياه سعيده واحلام جديده وايه المانع
والله دعيت واتمنيت وايدى لربى رافع
يحقق احلامك الحلوه واحلامنا معاكى
وافر وخالص تحياتى
اسعد الله ايامكم
الامير ..؛؛
بنوتة
________
يا بخته يا سيتى بس يجى وابقى قوليله يا بخته براحتك
أنتى اللى عثل وثكر كمان
ويوفقك يا قمر
تحياتى
شيمو القمر
ريمان
_________
والله أنت اللى وحشانى يا ريمو
بنجرب نفسنا فى الرومانسية
وأنا كمان بحب كلماتك
حاضر
تحياتى لك
شيمو القمر
طائر الليل الحزين
___________________
مرسيه يا طائر بجد أنت اللى جميلة
ده مواصفات ممكن تكون عند ناس كتير
بس أكيد هنلاقيه وثقتنا فى ربنا كبيرة ان شاء الله
مرسيه على رأيك يا أجمل طائر عثل
تحياتى لك
شيمو القمر
جارة القمر
_____________
أولا أحب أشكرك على زيارتك لمدونتى المتواضعة
أنت اللى شكل احساسك حلو علشان كده بتشوفى كل حاجة حلوة
تحياتى وأتمنى تتكرر الزيارة
شيمو القمر
الأمير
____
وعليكم السلام
يسمع منك ربنا والاقى حبيب الواقع ده
ربنا يخليك ويكرمك
تحياتى لك
شيمو القمر
ياااه يا شيماء معقول فيه حد فيه كل ده؟؟ بس بجد انتي متستهليش غير كدهعشان انتي رقيقة و حساسة قوي..البوست يجنن..ربنا يسعدك و يوفقك
شيمو
ازيك
انا جى ابلغك بعيد ميلادى يوم 21 ان شاء الله
حنزل بوست بالتفاصيل
اون شاء الله انتى من المدعين
فى اليوم دة
انا بقولك اة اوعى تنسى مش تيجى
اسير الجراح
dahila
__________
دودى حبيبى
أكيد فيه يا دودى أنا عندى ثقة فى ربى كبيرة انى هلاقيه
أنت اللى تجننى يا اجمل دودى
تحياتى لك
شيمو القمر
أسير الجراح
____________
كل سنة وانت طيب يا احمد
بس عايزةاعرف مين اللى جاى
تحياتى لك يا احمد
شيمو القمر
السلام عليكم ورحمة الله وبركاته
جميل يارب ياستى تلاقى الراجل دا بس على فكره مش كل الناس هاتحكى عن رجولته لانه مش عنتر ولا فارس كمان الناس عمرها مابتشكر فى حد المهم انتى
على فكره انتى طلبه ملاك من السما مش انسانه هههههههههههههههههههههه
هو هايسقيكى لمدة سنه حب وبعد كده ربنا يستر هههههه
اسف بس كلامك اقصد حلمك جميل يارب يتحقق ياستى هاصلى الفجر ودعيلك بس بليز مش تضيقى من تعليقى وياريت تقبلينى صديق مثل اصدقائك اسف للازعاج
صدفــــــــه جميــــــله
السلام عليكم
طال غيابك قولت اسال وراح تعليقك فخفت اكتر اسال الله ان يكون المانع خير وتكونى بخير مش عاروز اطول باى
إرسال تعليق