اعترافات قلب

مرآه

2010-10-27T14:09:00.000-07:00

حديقة يكسوها الغطاء الأخضر مليئة بالورود المتفتحة

اصوات عصافير تغنى بكل أغانى الحياة

تتوسطها مرآه كمرآة أفلام الكرتون

تقف أمامها فتاة يعجز الكلام

عن وصف جمالها

ترتدى فستانا أبيض تتخلله ورود حمراء

ينسدل شعرها الأسود الحريرى بتلقائية تزيد من جمالها

وعيناها العسليتان أقل ما يقال عنهما أنهما ساحرتان

تقف امام المرآه تتأملها فى تعجب فما تراه لا يمكن تصديقه

وتتملكها الدهشة لما ترى فإنها لم تر وجهها وإنما ترى

شخص آخر وليس وجهها فكلما تحرك يديها

تتحرك يده وكلما نطقت نطق الشخص الآخر بنفس الكلمة

ثم يضحكان معا تحدثا كثيرا وضحكا كثيرا فأفكارهما متشابهة

وحركاتهما متشابهة ،

نظرت إلى طريق بجواره فتحته بيدها فسألها ما هذا...؟

فأمسكت بيده وأدخلته معها وأضيئت بيدها الطريق

نظر إليها وفى عينيه فرحة العالم وتأملها كثيرا

وقال اجمل ما يقال من كلام الحب

وترك يديها واختفى ...................

شيماء جمال

شيمو القمر

شراء وردة

2010-10-09T14:57:00.000-07:00

ابتسامة

وفرحة غامرة

تحسها وهى ترتدى ملابسها

وتقف أمام مرآتها

وتضع بعض

اللمسات الفنية الأخيرة

فى زينتها وتحس أنها حمامة بيضاء

تطير لم تلمس رجليها الأرض

ويكاد قلبها أن يقف من الفرحة

وتسمع صوته أعلى من موسيقى الحب

وتنظر إلى الساعة فالثانية كالسنة تمر

فقد اشتاقت للقاؤه فمر أسبوعا كاملا

لم تنظر لعينيه وتهرب منهما بحياء

وتغرق فى بحرهما وترى أجمل أيام حبها بالداخل

ولم ترتمى بين قلبه لتنسى قسوة أيامها

وتبنى معه أجمل مستقبل فكل غمضة عين

تحلم وكأنها رأته وسلمت عليه

وأحست برعشة الحب

وسمعت أجمل الحروف

التى تجعلها ملكة متوجه على عرش قلبه

وأخرجها من أحلامها صوت دقة الساعة السادسة

فحان وقت نزولها فأسرعت وكانت تجرى على السلم

كأنها طفلة صغيرة ترقص من فرحة قدوم العيد

ذاهبة للملاهى

تلعب مع الأطفال بكل براءة لا تحمل أية هموم

فكانت تسابق الوقت لتصل فى ميعادها

وهى تتخيل اللقاء

حتى وصلت للمكان الموعود على الشاطئ

فكثيرا ما تقابلوا هنا

ولكن لم تجده بحثت عنه بقلبها قبل عينها

وفجأة انطفأ النور فى وجهها

فجاءت فى لحظة واحدة الأسباب

التى يمكن أن تعطله

وأحست برجفة فى قلبها وكادت دمعة حزينة

تنزل على جبينها وهى وسط حيرتها

وإذا أحست بلمسة

على خدها ورائحة وردتها المحببة

فشعرت بدموعها تنهمر

فتعرف هذه الرائحة واللمسة جيدا

طالما أحستها

والتفتت ورأته ...........................

يبتسم ابتسامته المعهودة

وينظر إليها بكل شوق وحب

فارتمت فى أحضانه

ولم ترد تركه

فقد أخره

شراؤه للوردة.

عيد ميلاد القمر

2010-10-06T12:42:00.000-07:00

أحبابى المدونين
أعزائى فقد افتقدتكم كثيرا

منذ يوم اللقاء
المهم تفضوا نفسكوا انهاردة ليه
وتتقلوا جيبكوا وتشترولى اجمل هدية

ولكن هناك كلمة أحسها الآن
قديما كنت أنتظر يوم ميلادى بفارغ صبر
ولكن الان بخاف من هذا اليوم
رغم إنى أحبه جدا

خلينا فى المهم
انهاردة عيد ميلادى يا بشر

أتممت الرابعة والعشرين من عمرى
ولكن إنجازات السنة ده مش كبيرة قوى
يدوب كده
أخدت الدبلومة العامة فى التربوى بتقدير جيد جدا
وبس
وفى الطريق للتكملة فادعولى

اللى معاه هدية يسبها على الباب واتفضلوا البوفيه

أولا الترت بكل الصناف علشان متقولوش حرماكوا من حاجة

وده بوكيه ورد لكل اللى هيجى عيد ميلادى

وأدى الحاجة الساقعة

وادى العصير للمش بيحب الحاجة الساقعة زى

وهنا خلصت الحفلة
تصقيف

سلام وعقبال السنة الجديدة

تحياتى

شيمو القمر

يوم يُحسب من عمرى 2/10/2010

2010-10-02T11:34:00.000-07:00

حقا إنه يوم يحسب من حياتى

بدأت بحوار مع دودو عاشقة الرومانسية
عن وجود لقاء بالاسكندرية
منقبل شهر
فانتظرته ليقينى بانى ساعود منه بأقوى طاقة

لبست ونزلت من البيت وانا حاسة كأنى رايحة أجمل فرح

روحت أول ما شفتهم حسيت برجفة فرح داخل قلبى

قابلت ناس كتيييييييييييييييير

رغم إنى متعرفتش على الناس كلها

لكن حسيتهم كلهم

مبسوطة انى شفت دودو عاشقة حبيبتى

وحبيبة قلبى فاتيما روح قلب ماما امنا كلنا

وحنان الشافعى رياح الحنين اللى خضتنى عليها

وانجى اللى بجد قضية

وكيمو شاب فقرى اللى كان فقرى فعلا كل ما نروح نشترى حاجة منلقهاش ههههههه

وبجد اتشرفت بمعرفته جدا

و أ/ خالد همس الأحباب اللى بنحس إنه أبونا كلنا

وحنين القلب اللى بجد نورت هى عمووووووووووووووورة حبيبى

بجد الناس الجديدة صعب أقولهم لأنى مكتبتش أسمائهم وأسماء مدوناتهم

بجد ناس اللى بيقولوا عليهم من وش القفص

حقا ناس جميلة وروحها حلوة

ربنا يوفقهم وأتمنى لقياهم تانى

وحقا يوم يُحسب من حياتى

تحياتى شيمو القمر

امتزاج روحى

2010-07-10T10:34:00.000-07:00

امتزاج ....
تلاقى....
اندماج....
تقابل....
حياة....
تنهيدة....
حب....
فرحة....
ابتسامة....
كأن قلبها سيقفز من داخلها
كل هذا أحسته فى ثانية
عندما سمعت صوت هاتفها
ورأت مَنْ المتصل
لقد وقف الكلام على لسانها
فقلبها لن يتوقف عن الدق
وأحست كأنه سيسمعه
فبدأ هو ونطق التحية
فتمالكت ما تبقى لها من أعصاب
وردت التحية
فكانت فى لهفة لتعرف كيف اخباره؟
فقد كانت تتلهف لتطمئن عليه
وما أن سمع صوتها حتى بدأ بأسئلته المعتادة
ليطمئن على روحه فهى ساكنة بقلبه
وتبادلوا أطراف الحديث
حتى جاء وقت انهاء المكالمة
فبدى عليها الأسى فلم يقل ما تنتظر
وحان وقتها فأشار لها
بأنه يريد أن يقول لها شيئا
وحين بدأ ببعض التقديمات
ثم تحركت شفتيه لينطقها
الكلمة التى انتظرتها
لتبدأ هى فى وصف ما بقلبها
الا وتأتى امها
لتوقظها
من النوم
فكانت تحلم
هل سيستمر حلم
أم سيتحقق
هذا ما يعلمه الا الله!!

نصائح عن الحب +اعتذار +نجاح+عيد ميلاد

2010-07-03T06:30:00.000-07:00

وحشتونى خالص يا أحبابى وأجمل أصحاب فى الدنيا

نتيجتى طلعت بتاعت الدراسات العليا ونجحت وجبت جيد جدا

مفتقداكم كتير ان شاء الله مش هبعد عنكم تانى

كان عندى ظروف وحاجات كتير خلتنى أبعد كل المدة اللى فاتت ده

والبوست ده عجبنى حبيت أبدأ بيه خصوصا ان الشهر ده هيبقى عمر مدونتى سنتين

نصائح عن الحب

1- لا تندم على حب عشته حتى لو صار ذكرى تؤلمك ,فإذا كانت الزهور قد جفت وضاع عبيرها ولم يبقى منها غير الأشواك فلا تنسى أنها منحتك عطرا جميلا أسعدك

وليس هناك أغلى من القلب والعمر في حياة الانسان.

واذا اجتمع اشمل مرة اخرى حاول ان تتجنب اخطاء الامس التي فرقت بينكما لان الانسان لابد ان يستفيد من تجاربه.
فلن يفيدك ان تنادي حبيبا لا يسمعك وان تعيش على ذكرى انسان فرط فيك بلا سبب وفي الحب لا تفرط فيمن يشتريك ولا تشتري من باعك ولا تحزن عليه

2-لا تكسر أبدا كل الجسور مع من تحب ، فربما شاءت الأقدار لكما يوما لقاء يوم آخر يعيد ما مضى ويصل مانقطع ، فإذا كان العمر الجميل قد رحل فمن يدري ربما انتظرك عمر أجمل!!!

3-واذا قررت يوما أن تترك حبيبا فلا تترك له جرحا ، فمن أعطانا قلبا لا يستحق أبدا منا أن نغرس فيه سهما أو نترك له لحظة ألم تشقيه. وما أجمل أن تبقى بيننا لحظات الزمن الجميل.

4-وإذا فرقت الايام بينكما فلا تتذكر لمن كنت تحب غير كل احساس صادق ولا تتحدث عنه إلا بكل ماهو رائع ونبيل، فقد أعطاك قلبا وأعطيته عمر.

5-وإذا جلست يوما وحيدا تحاول أن تجمع حولك ظلال أيام جميلة عشتها مع من تحب ، اترك بعيدا كل مشاعر الالم والوحشة التي فرقت بينكما ، وحاول أن تجمع في اوراق دفاترك كل الكلمات الجميلة التي سمعتها ممن تحب، وكل الكلمات الصادقة التي قلتها لمن تحب .

6-اجعل في ايامك مجموعة من الصور الجميلة لهذا الانسان الذي سكن قلبك يوما..ملامحه ..وبريق عينيه..وابتسامته في لحظة صفاء..ووحشته في لحظة ضيق..والامل الذي كبر بينكما يوما وترعرع حتى وان كان قد ذبل ومات

7-اذا سالوك يوما عن انسان احببته فلا تقل سرا كان بينكما ولا تحاول ابدا تشويه الصورة الجميلة لهذا الانسان واجعل من قلبك مخبأ سريا لكل اسراره وحكاياته.فالحب اخلاق قبل ان يكون مشاعر .

8-اذا شاءت الاقدار واجتمع الشمل يوما فلا تبدأ بالعتاب و الهجاء والشجن وحاول ان تتذكر آخر لحظة حب بينكما لكي تصل الماضي بالحاضر ولا تبحث عن اشياء مضت لان الذي ضاع ...ضاع... والحاضر اهم ، ولحظة اللقاء اجمل بكثير من ذكريات وداع موحش .

9-لا تحاول ابدا ان تصفي حسابات او تثأر من انسان اعطيته قلبك لان تصفية الحسابات عملة رخيصة في سوق المعاملات العاطفية والثأر ليس من اخلاق العشاق.

10-اذا كان لابد من الفراق فلا تترك للصلح بابا الا مضيت فيه.

11-اما اذا اكتشفت ان كل الابواب مغلقة وان الرجاء لا امل فيه وان من احببته قد اغلق مفاتيح قلبه والقاها في سراديب النسيان ...هنا فقط اقول لك ان كرامتك اهم كثيرا من قلبك الجريح حتى وان غطت دماؤه سماء الكون.

عودة القمر للشمس

2010-05-11T13:30:00.000-07:00

وقفت الشمس تتأمل السنوات التى مرت عليها

وهى تبحث عن قمرها الجميل فى كل الوجوه

ولكن هو قمرواحد ،نادت عليه بروحها وتظن

أنه لن يتذكرها واستأذنت لتطمئن عليه،

ولكن تعلم أنهما روح فى جسدين وتحس به دائما

لن ينساها ولن تنساه فكان دائما طلبهما

هو أنهما لن يريدا نسيان بعضهما

بل يريدا أن يعتادوا العيش كل بدون الآخر،

قال القمر :كل ما فى ملك لك فكيف تطلبين السماح

أتسمح روحك الاطمئنان عليها ،

حاولت أن أجد شمس أخرى لتنير طريقى ،

ولكن هيهات هى شمس واحدة

فى هذا الكون ،

احبك ولن أتنازل عنك ،

ردت الشمس : وأنا أذوب فيك حتى لن أستطع الانفصال عنك فأنت كدمى ،

تنهد القمر قائلا : أنت من طلبتى البعد ،

الشمس : لا تحاول تذكرة ما مضى أنا لن أتركك ثانية

اكتشفت أنك روحى التى سلبت منى وعادت الآن .

هل سيمتزجا مرة أخرى أم هذا مجرد حلم .

تمثال لا روح له

2010-04-02T03:37:00.000-07:00

بحر متلاطم الأمواج
سماء ملبدة بالغيوم
شط خالٍ من البشر
وهى تقف على الباب
فى حيرة أتخرج أم تجلس وتتحمل علة قلبها
وعلا نداء ما بها اضطرت للتقدم
فمنذ أن وضعت قدميها على أول الطريق
حتى بدأت تتقاذفها الريح والمطر يغرقها
وبحثت وبحثت لتجد دواءها
نسيت ما تبحث عنه
وكل ما حولها ينم عن غضب
أحسته لنزولها فى عالم ظهر من أول وهلة
استحالة السير فيه ولكن عنادها
وقوتها وحبها لمواجهة ما يقف أمامها وعلتها
كانوا ما بين عيناها
وبدأت تنادى على من يساندها
ولكن صوتها حُشِر داخلها
ورأته هناك حاولت التأكد وتحديد ملامحه وسط المطر
وجرت وتحدت الريح
وثبتت قدماها وتحدت المطروكل ما تقترب يبعد هو
وعند وصولها إليه اكتشفت أنه تمثال ولا روح له
وحينها كانت قد تعبت وملت الجرى وبدأت تخور قواها
وقوت علتها
وهنا اكتشفت أنه سراب
كونه خيالها
حاولت الرجوع ولكن ...
بعدت كثيرا عن عالمها الوردى
فأكملت المسير ولكن بيدها داوت علتها
وتحاول إعادة قوتها وحماسها
وتطلب من الله أن يقويها

عيد ميلاد القمر

2009-10-06T04:36:00.000-07:00

فى بداية هذه السنة كتبت بوست عن عن ما أتمنى أن يحدث فى هذه السنة وهو ده البوست

وتحقق جزء كبير بفضل ربنا سبحانه وتعالى

أخدت الليسانس الجملى بتاعى

ولقيت فتى أحلامى وحبيب عمرى كله

برغى كتير صح وما قلتش انا بكتب كده ليه

انهارده عيد ميلادى لقد أتممت الثالثة والعشرون من عمرى

وعيد ميلادى مع عيد تحرير سيناء يعنى مصر كلها بتحتفل بيه

اللى معاه هدية يسيبها على الباب لو سمحتم

اتفضلوا البوفيه

وده الحاجة الساعقة

وده العصير للى مش بيحب الحاجة الساعقة

يارب تكونوا اتبسطوا

الى اللقاء فى الحفلة القادمة

شيمو القمر

هذا هو الحب

2009-09-28T01:47:00.000-07:00

عندما تقف أمام من تحب وانت مغمض العينين وتستطيع ان تحسه هذا هو الحب

عندما تستطيع أن تقرأ أفكار من تحب دون أن يتكلم فهذا هو الحب

عندما تظل على الأصابع رعشته فهذا هو الحب

عندما تحس بامتلاك العالم من كلمة بحبك فهذا هو الحب

عندما تسير فى الأماكن المعتادة وتحس باختلاف كبير فهذا هو الحب

عندما تحب الحياة بعد أن تكره العيش بها فهذا هو الحب

عندما تتمنى أن تعطى عمرك لترى بسمة على شفاة من تحب فهذا هو الحب

عندما تفتقد الحنان وتجده بعين من تحب فهذا هو الحب

تعلم إنه إبحار دون وصول فهذا هو الحب

عندما تكون مستعد لأن تضحى بكل ما لديك من أجله فهذا هو الحب

عندما تحب الحب من اجل من تحب فهنا يكون

الحـــــــــــــــــــــــب

أشكركم جميعا على شعوركم الجميل وعقبالكم كلكم يارب

وتحققون كل ما تتمنون ويوفقكم الله فى حياتكم

رمضان كريم

2009-08-21T04:59:00.000-07:00

رمضان كريم
لأهلى
وأصحابى
وزملائى المدونين
وكل المدونين

وكل سنة وهم جميعا طيبين
وكل سنة وانتم جميعا طيبين

وأعتزر لكم عن هذا الاختفاء لكن الله أعلم بما داخل قلوبنا
ادعولى كتير قوى ربنا يصلح الحال عندى ويحقق لى ما أتمنى

وحقا هناك اعتزار كبير لرفيقتى التى تتحملنى كثيرا

وهى مدونتى التى اهملتها كثيرا

عزرا وسأعود قريبا جدا

تحياتى
شيمو القمر

يحبها+ تحديث

2009-07-31T17:05:00.000-07:00

احبسوا الأنفاس .. وترقبوا المفاجأة وانتظروا فجر السبت الأول من أغسطس /2009 ، حيث الإشراقة الجديدة والطلة المختلفة

لمجلة رؤية مصرية ، منبر الحرية في ساحة الإعلام العربي .
تصميم مختلف وجذاب .. برمجة دقيقة وقوية .. وجديدنا الذي وعدناكم به .. ربما يكون الوعد قد طال ولكنه أصبح الآن حقيقة .. على بعد ساعات تفصلنا عن طلعة العدد السابع عشر تزينه أقلام رؤية وبسقيه جهد فريق كامل من النحررين والصحفيين والقائمين بشؤون المجلة ممن تعرفون وومن هم جنود مجهولة في إنجاح رؤيتنا .

وقف يتأمل الشروق بل ينتظره كل يوم

ليرى وجه حبيبته

فهى معطاءة كالشمس

يلؤها الكبرياء وعزة النفس

التى طالما كانت حاجزا بينهما

فكان مقتنع تماما ان لاكرامة فى الحب

وهى ترى الحب كل الكبرياء وعزة النفس

وهنا كان الخلاف ،

وقف يتذكر كيف حبهما ، الذى بداخلهما بلا حدود

فهو مازال بداخلهما

يراها فى كل خلجة من كيانه

عيناها الساحرتان التى طلما تاه بداخلهما

يتعجب من جمالهما الأخاذ

أو يتعجب من عمقها والذكاء والحب والشقاوة

والطيبة والجنون التى تلمع بهم عيناها

أو لمستها التى يذوب فيها

فكأنها مس من جنون

وعطر أنفاسها التى لم يرى بعده عطر

وحديثها ولباقتها التى كان يقف مدهوشا

ويسجل ويتعلم كيف هو بناء الأحلام،

فى هذا الحين يدق قلبه

وتصيبه رعشته

ويتذكر أجمل أيام حبهما التى يعيش بها ولأجلها

ليحقق ما كانوا يخططونه سويا ،

ويتذكر أوقات الخلاف ويتمنى لو يرجع الزمن لبرهة

لكان لم يتخلى عنها لبعض الأسباب التى لطاما ندم لحقرتها ،

فحبه أكبر من أى سبب

وطالما طلب منها السماح

ولكن يعلم ماذا سببه لها من جرح

تعهد كثيرا بتضميده ولكن سيبقى عمرا بأكلمه يفعل ذلك

فاتفقوا أخيرا على الفراق ليبقا كلا منها بداخل الآخر

دون أية مشاكل

فالحب بداخلهما يجعلهما يعيشان سعداء

فهو لايريد أو يفكر يوما فى نسيانها

بل فقط يريد أن يعتاد العيش بدونها

إمضاء

القمر

أعتزر عن عدم متابعتى لمدوناتكم لبعض

الظروف الطارئة وأعدكم بالعودة فى أقرب وقت ممكن

ما زالت تحبه

2009-07-16T03:20:00.000-07:00

وقفت تنظر إلى السماء

وامتزجت بكل ما بداخلها بالشمس ،

التى تحس أنهما كيان واحد ،

الحب بداخلها كحرارة الشمس ،

وتتأمل قمرها الجميل

وقلبها ينبض بدقات تجعلها ترتعش فرحا ،

وتسمع أجمل أغانى الحب ،

ودموعها تبلل وجنتيها ،

وعينيها فيهما حزن كبير

ويديها بهما رعشة غريبة

ونظرت إلى القمر ورأت وجهه فيه

ورأت كل زكريات حبهما كفيلم حب

فترى قصة حبهما أجمل وأعظم من أفلام الحب

بداخلها إحساس غريب تحسه مع شروق وغروب كل يوم،

وحاولت الانخراط فى عملها ولكن حبه أقوى من كل شئ

وتراه فى كل عين ، فى كل طريق سرتما فيه سويا

فى كل كلمة تحدثتما بها ،

حبه ملئ كيانها ملئ شعورها

فلم يبق هناك قلبا تحب به آخر

تقرأ كلماته التى كتبها لها تحفظها عن ظهر قلب،

وتغمض عينيها وتحلم ،

وتراه فى أحلامها ،

لم تتخيل بطلا غيره لأسطورتها ،

لم تفكر يوما فى أن تنساه

بل تحاول فقط أن تعتاد العيش بدونه .

إمضاء

الشمس

أعتزر عن عدم وجودى الفترة الماضية
والسبب
كنت أحتاج للبعد بعض الوقت
والكمبيوتر انفجر
صلحته الحمد لله وصلحت شيمو وجيت بالاتنين الحمد لله كويسين

شمس وقمر

2009-06-30T07:01:00.000-07:00

شمس وقمر

الشمس : أحبك ولم أستطع البعد عنك

القمر : وأنا أيضا أحبك بل أعشقك ولكن هذه سنة الحياة

الشمس : لابد أن تجد حلا

القمر : حاولت ولكن أنت رفضت

الشمس : لأن أنت تريد أن لايعرف أحد وأنا واضحة لم أستطع فعل شئ فى الظلام

القمر : ما حولنا لا يوافقون على ما نريد ، لا يوجد سوى هذا الحل .

الشمس : تتخلى عنى للمرة الثالثة .

القمر : أنت من اخترتى

الشمس : لكن أنت مع كل خلاف تفضل البعد

القمر : كلنا يخطأ

الشمس : ولكنى لم أفكر يوما فى البعد عنك .

القمر : لأنك أقوى منى ومتوازنة جدا فى مشاعرك

الشمس : لقد علمتنى ذلك الحياة

القمر : لقد استمديت منك كل شئ أعطيتنى بعض من نورك لأضئ ، سمحتى لى فى الظهور وتختفين أنتى لأستطع الظهور ، ضحيتى من أجلى كثيرا ، لم تستطيعى تكملة التضحية .

الشمس : فعلت كل هذا لأننى أحبك وأعشقك لم أجد متعة لى فى الحياة بدونك ، ولكن ما تطلبه خارج عن إرادتى .

القمر : إذا لابد من الفراق .

الشمس : أنت من اخترت ولا تندم على اختيارك

تمر الأيام ويحاول القمر أن يكلم الشمس

القمر : أحبك

الشمس : ومازلت تتذكرنى

القمر : ولم أنساكى قط

الشمس : ولكن كان هذا اختيارك

القمر : مازلتى تحبينى

الشمس : أحبك ولكن

القمر : ولكن ماذا ؟

الشمس : اختلافاتنا كثيرة ولم يظهر حل ليحل المشكلة

القمر : ولكن أنا أستطيع حلها

الشمس : بعد أن فات الأون

القمر : لماذا قسوتك هذه ، من أين أتيتى بها .

الشمس : بعدك علمنى إياها

القمر : لم نستطع الامتزاج سويا

الشمس : قدر علينا الفراق

القمر : هذا آخر قولك

الشمس : نعم ، لابد من الفراق

القمر : أتمنى لك السعادة

الشمس تحدث نفسها : أحبك ولكن ما تركته بقلبى من جرح لا تستطيع أنت إصلاحه ولا غيرك ، يكفينى علمى بأنك تعيش حياتك وما تعلمته منى تنفذه وتتقدم فى حياتك وتنجح ، وأنك تعيش سعيدا حتى لو لم أكن معك .

وجع

2009-06-21T17:09:00.000-07:00

لما تحس بوجع جواك

و حاسس إنك مخنوق

نفسك تروح أبعد مكان لوحدك

تصرخ وتقول تعبت

تعبت من الناس

وتعبت من الحياة

وتعبت من نفسك

حاسس إن عقلك تعب من التفكير

كل شئ حولك يؤدى بك إلى الجنون

ولما يكون ما بينك وبين الموت بعض الإيمان بداخلك الذى يمنعك من ذلك

ولما تحاول كثيرا أن تقنع نفسك أن الأمل موجود والأحلام ستتحقق

وثقتك بربك أكبر ما يكون ولكن........

تقع أحيانا تحت بعض نقط الضعف وهى أنك تكره الحياة

ولا تريد الاستمرار تعبت من الانتظار

وتعبت من النصائح التى يشبه كل منها الآخر

وعندما يتوقف الكلام على لسانك

وتريد من يقرأ ما بعينيك

لأنك مليت حتى الكلام

وإنك مش قادر حتى تكون نفسك

.........................

عقبالكم

2009-06-19T14:04:00.000-07:00

أمس سمعت خبرين أجمل من بعض

أولهم

قراءة فاتحة حببتنا وزميلتنا دودو عاشقة الرومانسية اليوم عن قصة حب جامدة جدا

ربنا يسعدها ويكرمها ويتملها على خير

قولوا آمين

والخبر الثانى

نجاح أختى الصغيورة ضحى فى الشهادة الابتدائية

قولوا عقبال الثانوية

قولوا آمين عقبال عندكم ويكرمنا كلنا

تحياتى
شيمو القمر

أحلام

2009-06-06T13:08:00.000-07:00

ازيكم يا حبايبى

بجد أنا عارفة إنكم زهقتم منى خلاص

بس أن كمان زهقت ، ده التاج الخامس يا جماعة أنا كده توليت العهد خمس مرات ده انا كده أبقى عجزت قوى

أنا بفكر أعمل مدونة للتاجات

التاج هذه المرة جالى من قمرين

عاشقة الأحزان أنوس حبيبة قلبى

بنوتة مرحة أختى الصغيرة اللى محسسانى ديما بالانبهار

بسم الله ...

س1/
أذكر خمس أحلام على الاقل ..تخص ماضيك وتحلم فيها بتغيير اشياء .. ماذا ستعدل وماذا ستترك؟

أولاً:

لو الزمن يرجع بى ثانية سأذاكر جيدا فى الثانوية العامية .... قصدى العامة وكنت دخلت كلية الهندسة اللى حلمى ادخلها لحد دلوقتى مع انى اتخرجت .

ثانيا:

كنت دخلت كلية العلوم وكنت بقيت مدرسى رياضيات مش مدرسة لغة عربية .

ثالثا:

كنت ذاكرت كويس فى الليسانس وكنت طلعت من غير مواد وما اضطرتش انى اعقد سنة كاملة فى البيت مستنية الشهادة .

ملحوظة

أنا ما عنديش ولا حلم اتحقق اصلا علشان احلم بتغيير حاجة فيه

كل احلامى مجرد صور فى عقلى فى المستقبل

وربنا يستر

س2/
أذكر خمس أحلام على الأقل ..تخص مستقبلك ؟

أولا :

أحج بيت ربنا ، وأحس إنى بعمل حاجة صح .

ثانيا :

أتخرج بقى وأمسك الشهادة فى إيدى كده

ثالثا :

اتزوج من إنسان تقى يعرف ربنا ، ونخلف أولاد حلوين قمورين وأعدهم ليكونوا صالحين ، ويحررون القدس بإذن ربى .

رابعا :

أشتغل وأترقى فى شغلى لحد ما أبقى وزيرة التربية والتعليم .

خامسا :

ألاقى البلد كده هادية وكل حاجة رخصت ، والناس بقت تحس ببعض ومش كل حاجة فى دماغهم المادة وبس.

س3/
أذكر شخصين على الأقل .متواجدين فى حياتك حاليا ..كنت تود وجودهم قبل الآن بزمن ....

بصراحة مش عارفة كل الناس اللى فى حياتى وبحبهم أعرفهم من زمن ،

بس كان نفسى أحب إنسان من صغرنا ونطلع نحب بعض لحد ما نتزوج ، لكن يشاء القدر أن لا يحدث ذلك .

أذكر شخصين على الأقل غير متواجدين فى حياتك حاليا كنت تود وجودهم الان او فى حياة اولادك مستقبلا .. ؟

أكيد الرسول عليه أفضل الصلاة والسلام

وسيدنا على بن أبى طالب بحبه قوى خالص.

جدى لأمى كنت بموت فيه وتوفى وأنا عندى عشر سنوات

صلاح جاهين بحب كتاباته جدا

س5/
تحدث عن ستة أسرار قد لا يكتشفها من يقابلك للمرة الأولى ؟

أولا :

إنى خجولة جدا ، مع ظهور جرأتى التى ينتقدها بعض الناس.

ثانيا :

متواضعة جدا .

ثالثا:

عنيدة إلى أقصى الحدود .

رابعا :

بيضحك علىّ بسرعة جدا .

خامسا :

أنى مجنونة بحب الخروج والضحك واللعب والجرى

مع إنى مش بخرج كتير بابا بيخاف علىّ زيادة عن اللزوم .
واخيرااااااااااااااااااااااااااااااا بقي
س6/
تهدي التاج دا لمييييييييين؟

وردتى الحبيبة علشان حاسة إنها زعلانة منى علشان كنت مشغولة عنها الفترة اللى فاتت .

فراشتى الجميلة اللى حاسة إنها زعلانة هى كمان .

أحمد أسير الجراح وده هدية عيد ميلاده

عاشقة الرومانسية

إحساس طفلة محبة للرومانسية بس واقعية

د/ شيرين
بسمة أنور

بسمة صلاح

ريمان

الشاعر الحزين

داليا my corner

حنان حياتى

والباقى اللى عندى على الريدار

حبيب خيالى

2009-06-03T12:17:00.000-07:00

حبيب خيالى

سكن بداخلى منذ يوم ولادتى

حبيبى

توأم روحى يُكمِل ما فُقد منى

حبيبى

أنتظره ليجد معى عمره المفقود

وأجد معه روحى المسلوبة

حبيبى

أمتزج به ويمتزج بى ونصبح شخص واحد

حبيبى

آمانى وحمايتى ومنبع حبى وحنانى

حبيبى

أجد فى حضنه عمرى ودنيتى

حبيبى

أجد فى لمسته دفئ العالم بأجمع

حبيبى

رجولته يحكى عنها كل من حوله

حبيبى

أنفاسه عطرى الذى يخطف قلبى

حبيبى

بسمته ضياء حياتى ونوره

حبيبى

عيناه أرى بهما مستقبلى

حبيبى

لم أرَ سواه دون الرجال

حبيبى

يسقنى الحب دون نهاية

حبيبى

زوجى وابنى وأخى وأبى وصديقى وحبيبي

حبيبى

يؤزرنى ويحقق معى أحلامى

حبيبى

أكن له شريكة حياة
حبيبى

نخطط لحياتنا معا ونحققها أيضا معا

حبيبى

يسكن خيالى ولعلنى أجده يوما

عاد القمر+تحديث

2009-05-30T11:23:00.000-07:00

عاشقة الرومانسية
عاشقة الأحزان
أسير الجراح
طفلة محبة للرومانسية
مش بعرف أعلق عندكوا صفحة التعليقات مش بترضى تتفتح عندى ومش عارفة ليه
متزعلوش منى مش بإيدى

وعاد القمر

وعادت صديقة القمر

لتنير مدونتها من جديد

عاد القمر ليحلم بشروق شمس

عاد القمر ليحلم برسالة حب للعشاق

عاد القمر لينعم بأحلامه الوردية

عاد ليستمر فى تحقيق ما يريد

عاد لينير الطريق لمن حوله

عاد إليكم بعد أسبوع من المعاناة فى القاهرة

امتحنت ادعولى أنجح بقى

وحشتونى جدا خالص

بحبكم يا أحلى عالم

تحياتى

شيمو القمر

أعتذر

2009-05-22T07:43:00.000-07:00

أعتذر عن عدم مقدرتى على التعليق على موضوعاتكم الأخيرة فكنت مشغولة جدا ،وأعتذر أيضا عن مقدرتى على قراءتها ولمدة أسبوع من الان

لأنى سأسافر لمدة أسبوع وعند عودتى أعدكم بالتعليق على كل موضوعاتكم ،

تقبلوا اعتذارى

تحياتى

شيمو القمر

عقل وجسد

2009-05-17T15:17:00.000-07:00

لما تكون أحلامك فى الدنيا بسيطة

حلمك تحققها

مش بتطلب المستحيل

وعايش وراضى وقنوع

وبتحاول تخطط لأحلامك وبتبدأ فى تحقيقها

وبدأت الميل بخطوة وبتتمنى تكمل الميل كله

وأنت متأكد إن لما توصل لآخره أو حتى نصه

هتكون أسعد إنسان على وجه الأرض

وفجأة كل اللى حواليك بيقولولك

إنك مش من حقك تحقيق حاجة وإنك مكانك البيت وتربية الأولاد

وأنت حاسس إنك مش هتكون سعيد فى الحياة ده

هتتعب وهتتعب شريك حياتك

قد فاض الكيل معى

أبحث عن من يريدنى كإنسانة لها عقل وتفكير وأحلام وطموحات

ولست وسيلة تساعده على تحقيق ما يريد هو

أنا بحلم بشئ مستحيل ؟!!

هل ليس لى الحق فى ذلك ؟!!

بعد كل هذا الطريق فى التعليم

لاتكون اهتماماتى سوى الأولاد والأكل فقط

أنا أعلم جيدا أن هذا أكبر الاهتمامات

وانا أوقر بيت الزوجية ومتطلباته

ولكن هل ليس من حقى تحقيق ما أتمنى

وحلمت به طيلة سنوات عمرى

أم أستغنى عن كل هذا بعد كل سنوات الدراسة هذه

وأعيش بلا أى أحلام

لا تتحدثوا معى على أن ستكون أحلامى هى أن أربى أولادى جيدا

وأجعلهم شئ صالح فى المجتمع هذا شئ مفروغ منه

وكل أم سوى تعمل أو لاتعمل تحلم بهذا

ولكن أريد آراءكم

هل أنا أسير على الطريق الصحيح ؟

أم أستسلم لمن حولى

واليوم الذى أستسلم به

ستنتهى شيمو القمر

وتنتهى صديقة القمر

وتنتهى شيماء جمال

ولن يبق منى سوى اسم ملتصق باسم زوجى

ولن يكون لى أى صفة

ولن يبق سوى عقل وجسد بلا أى أحلام

عروسة ماما

2009-05-14T04:05:00.000-07:00

أولا أحب أشكر كل من علق على البوست اللى فات

وكل ما تمنيتوه لى من سعادة ودعواتكم
و أريد أن أنوه عن شئ أنها ليست قصتى بل قصة أحد أصدقائى

والموضوع ما كملش ، الحمد لله الذى لايحمد على مكروه سواه .

وده هيكون موضوع النهاردة

هحكيلكم على قصتين وأنتم تقرروا وتدونى رأيكم

___________________________

لما واحد يكون عنده 31 سنة ولسة مش قادر يقرر ولا يختار إنسانة يتزوجها وعايز مامته تختار العروسة،

ومامته ماعندهاش ثقة فى اختياره ، ويروح يحب واحدة ويعلقها بيه وبعد كده يقولها ماما مش موافقة ، إزاى واحد فى السن ده ومش قادر يختار.

القصة التانية واحد بعد مايروح لواحدة ويقولها أنا معجب بيكى وهتقدملك بعد النتيجة وأنا إنسان مرتاح ومش مستنى الوظيفة وفى نفس الوقت بعد حوالى ساعتين يتصل ويقولها ، أنا كلمت بابا ومش موافق ، يعنى هل يوجد إنسان مش عارف تفكير باباه إيه ، وبيكلم بكل ثقة وغرور إنه هيجى ويتقدم وعملها من البحر طحينة ويمكن كان عايز يدخلها من منطقة الزواج لأنه لم يجد سكة تانية غير ده فهى جادة جدا ، ولما لم يجد جدوى من ذلك قالها بابا مش موافق يعنى دول رجالة.

هنا نأتى لبعض الأسئلة التى تعبت من التفكير فيها

ليه الولاد بيحبوا يعشموا البنات تحت ستار الحب ، وعندما يأتون لمرحلة الزواج يخلى ماما تختار العروسة؟

هو لايستطيع اختيار الانسانة التى يريد الزواج بها ، فكيف سيختار بعد ذلك فهو عاجز عن اختيار شئ

ليه الولاد بيقولوا الكلمة المشهورة ، البنت اللى أمشى معاها مااتجوزهاش

فيه كلمة قالها واحد قديم شوية من الجيل اللى فات، أنا اتعرفت على مراتى فى الجامعة ولما اتخرجنا اتجوزنا ، ليه دلوقتى لو حبوا فى الجامعة مايتجوزهاش ، كده عايز يتجوز واحده واحد غيره حبها .

لما كل واحد مصرح ليه يعرف عشرين واحدة قبل الجواز ، هنجيب منين بنات معرفتش شاب

وكل واحدة حبت واحد وكانت فاكرة انه دنيتها تترهبن وتعقد من جواز

ليه كل الولاد مش بيحبوا الصراحة لو صارحتهم واحدة بانها حبت قبل كده

أنا تعبت من مشاكل صحابى لأنها كلها شبه بعض

لما أنا كل أمنيتى إن أقابل إنسان أحبه ويحبنى ونبنى حياتنا مع بعض ونتجوز

أفقد الأمل فى وجوده بسبب التفكير ده

يبقى عمرى ما هلقاه ،

إحنا فى القرن الواحد والعشرين ولسة الولاد بيخلوا ماما تختار العروسة،

وممكن نقول هى عروسة ماما مش هى اللى اختارتها

*************************

يمكن عنيفة فى كلامى لكن أنا خلاص تعبت مما أراه

أعتذر عن الإطالة

اعتراف جنننى

توأم روحك

2009-05-12T12:31:00.000-07:00

لما تكون ماشى لوحدك

وبدأت حياتك ، وحاطط فى دماغك خطوات لمستقبلك

ونفسك تمشى عليها ، وما تخرجش عنها

علشان خايف تغلط ، وتخسر حياتك من تانى

وبتمنى نفسك بأمل ، وبتدعى ربنا يقوى الأمل ده فى قلبك

لأنك عندك ثقة فى ربك

وإنه مش هيغزلك فى يوم من الأيام

ومبسوط وحياتك عال

وفى دماغك رسم لشخص حاسس

إنه لو موجود فى الدنيا هيكون توأم روحك

ويجى كده مرة واحدة تلاقيه قدامك

وقال إيه معجب بيك

وتلاقيه بيكلمك كل شوية

وحاسس إن أنت ملاكه الوحيد

ونفسه تكمل معاه حياته

بس أنت واقعى جدا

وبتحب تبنى كل حاجة على أساسات سليمة

طلبت منه تتكلم الأول فى الأساسات ده

وحاسس من جواك بفرحة غريبة

ماحستهاش مع حد قبل كده

وبخوف على إن الموضوع مايكملش

ادعوله الموضوع يكمل

ملك روحى

2009-05-08T15:27:00.000-07:00

ملك روحى وحبيبتى

يوم الأربعاء كان عيد ميلاد ملك بنت أعز أصحابى

موحة صديقتى من حوالى 7 سنين

بجد بحس إنها بنتى

وقد أتممت عامها الأول
هوريكم التورتة بس محدش يمد إيده

ماهى خلا ص اتاكلت
قولوا بالهنا والشفا

وده صورتها اللى على التورتة مع عم كرومبو

وده وأنا معاها

قولوا ماشاء الله

وادعولها تكمل ميت سنة بصحة وسلامة

تحياتى

شيمو القمر

التاج الرابع

2009-05-02T09:01:00.000-07:00

مش معقول ده التاج الرابع يا جماعة

إحنا فاضين بقى للتاجات ده

بس مش مهم هنجاوب وأمرنا لله

مش هقولوكوا قد إيه التاج ده صعب

أُُهدى إلـىّ من حنونة العسول

حنان سعيد

وبعد كده من حبيبتى وردة

سكوت لو سمحتم خلونا نركز

بسم الله الرحمن الرحيم

من أنت ؟ وما الذى تفعله هنا ؟
أنا الذى نظر الأعمى إلى أدبى
وأسمعت كلامى من به صمم
فالخيل والليل والبيداء تعرفنى
والسيف والرمح والقرطاس والقلم
ده طبعا مش أنا اللى هى أنا
أنا إنسانة بسيطة جدا صافية لا أحب التعقيد
أعيش حياتى ولى أهداف وأحلام أتمنى أن أحققها بإذن ربى
أحب الحياة جدا ومع ذلك أكره المادة ولاأحب من يفكر بها
أحلامى مش كبيرة هى عمل مناسب لى وزوج تقى وأولاد أعلمهم كيف الحب فى الله
وهم الذين يحررون القدس
أما بعمل إيه هنا فهذه اعترافاتى لأنى بحب أعترف ديما باللى جوايا لأنى كنت فى الفترة اللى فاتت من حياتى بعيد عن كل اللى بحبهم وكنت هنفجر لو ما كنتش قلت اللى جوايا وبس.
إسرائيل تقصف كل جنوب ممكن بحثا عنك ، أى شمال ستقصد .
أنا من طباعى عدم الهروب سأقف أمامها وأواجهها بكل ما لدى من تصميم وحين استشهد سأذهب إلى الله وهو الشمال الذى أريده
أنت مكلف بحذف حرف من حروف اللغة العربية .. أيها ستختار ولماذا ؟
أنا مدرسة لغة عربية يا جماعة طيب لوحذفت حرف هدرس ازاى أنا ، وإزاى أحذف حرف كُتِب فى القرآن
بس ممكن أحذف معانى الخيانة والكذب والظلم والغش وكل المعانى الوحشة.

لو قدر لك أن تدخل السجن فما هي القضية التي تتمنى ان تدخل بها إليه؟

قضية الدفاع عن الشرف ، أوالدفاع عن الوطن ، أوالدفاع عن الدين ، أو الدفاع عن الأهل.
بالمناسبة.. منذ متى اكتشفت نفسك؟
اكتشفت نفسى سؤال صعب قوى

ممممممممممممممممممممم
كل يوم جديد أكتشف فيه حاجة داخل نفسى
فهى لغز كبير أتمنى حله..........
على مفترق طريق لافتتان ، اليمنى تقول ( إلى حلمك ) واليسرى تقول : ( إلى مالم يحلم به البشر ) ، أي الطرق ستسلك ؟
حلمى أمممممممممممممم
أنا مش طماعة أبدا عايزة بس 4 ع
عريس وعربية وعمارة وعزبة
بجد عمرى ما كنت طماعة عايزة حلمى الصغير يتحقق وأكون وزيرة لللتربية والتعليم
نحن لا نعيش حياتنا بل نتعلم فيها كيف نعيش» ما تعليقك؟

نتعلم فيها كيف نعيش لأن إلى أن نموت سوف نتعلم الجديد فى حياتنا .
بجملة واحدة فقط أكتب تعريفاً لكل كلمة من الكلمات التالية:
الوطن
الآمان والدفئ

الأم

الحنان والطيبة
الليل
سكون وهدوء وبه القمر صديقى
الحب

شعور جميل يملؤك فيجعلك كطائر
من يفقده فقد حياته

أمريكا

مكان الجديد وكل تقليعة تظهر على شبابنا
ولكنها وهم كبير
المرأة

مصنع الرجال
الصمت
لغة الحكماء
إذا جالست العلماء فالزم الصمت وإذا جالست الجهلاء فالزم الصمت
فصمتك مع العلماء علم وصمتك مع الجهلاء حلم .

الانترنت
عالم مفيد لمن يستغله الاستغلال الصح

أخترمنصباً واتخذ قرارا ؟
وزيرة التربية والتعليم
وأصلح المناهج الدراسية كلها.
قيس، عنترة، جميل، هم الذين يقولون شعرا، وليلى وعبلة وعزة «صموت» لماذا هذا التغييب للمرأة؟

ليس تغيبا وإنما رفعة من شأنها فالمرأة تحب من يتغزلها ويصف فى حبه لها ، والرجل يحب المرأة التى تسمعه دون أن تتكلم.
أن تكون مطلوبا لارتكابك جريمة ، خير لك من ألا تكون مطلوباً مطلقاً " ، هل تتفق مع هذه العبارة ؟ علل
ما هى حسب الجريمة نفسها
لو جريمة تدعونى للفخر بإنى فعلتها سأفضل أن أكون مطلوبة لجريمة
ولكن لو غير ذلك أفضل ألا أكون مطلوبة وأنا قادرة على أن أكون فى الصورة دائما.
إلى أين تمضي كلمات الحب .. بعد أن نقولها؟
الكلام الذى يخرج من القلب يصل إلى القلب
والكلام الذى يخرج من اللسان لا يتعدى الآذان
فكلمات الحب تخرج من قلبى تصل إلى قلب من أحب.

هل تجد علاقة بشكل أو بآخر بين المرأة وقطاع الطرق ؟

قطاع الطرق يقطعون عليك الطريق ليسرقوا ما تحمل من أموال
لكن المرأة تستوقفك بجمالها وعقلها وحياءها وأخلاقها لتأخذ منك قلبك وحبك وحنانك وتعطيك وتحسسك بما لم تحسه من قبل ، وهى التى تعطيك ولم تأخذ منك قدر ما تعطيك.
هذا فراق بيني وبينك .. متى ولمن تقولها ؟

ما أنا قلتها خلاص ، ولمين مش مهم .
كيف هو غداً ؟

هو كل الأمل والأحلام وكل ما أريد تحقيقه وربنا معايا .
امرر التاج الى
فراشتى الرقيقة كلمات
عاشقة الرومانسية نبضات قلب ولهان
رومنسى
فاتيما روح قلب ماما
احساس طفلة محبة للرومانسية

بسمة أنور حكاياتى

بسمة صلاح أيام زمان

داليا my corner

سونة

الشاعر الحزين

هنودة

لماضة

واللى عايز ياخده يتفضل

خلص الاعتراف الصعب ده

قلبك وجعك؟!

2009-04-27T04:36:00.000-07:00

لما تكون عايش حياتك ومبسوط

ومخطط لأحلامك وأهدافك

ومع وحدتك وعدم وجود حب جواك

بالنسبالك عادى بتقول لسة مجاش الوقت

اللى تلاقى فيه اللى بتحبه

وفى لحظة جالك واحد واقتحم حياتك

من غير مقدمات ومرة واحدة لقيت

نفسك بتحبه وهو بيحبك ودخلك حياة جديدة

جميلة قوى مع ترددك فى الأول بدخولها

وعشت فيها أحلى الأحلام والآمال

ومرة واحدة برده جه وطردك

منها برده بدون أى مقدمات

وبعد كده حسيت بحيرة جواك

ومش عارف أنت عايز إيه

جرحك أقرب الناس ليك

بعد ما كان حياتك

وأنت مش قادر تسامحه

وتعيش ميت شهور

ولما تلاقى حياتك تانى

وتبدأ من جديد

وتحاول ترتب أهدافك وتخطط أحلامك

وتلاقى بعد وقت جه تانى برده وطلب منك الرجوع

وأنت حاسس جواك بلغبطة شديدة

فبعدت شوية علشان تفكر

وتحاول تسامحه ، تلاقى نفسك مش فاكر غير جرحك وبس

ومش قادر تفتكر الحاجات الحلوة اللى بينكم

وتروح وتقابله وتواجهوا باللى جواك

وتقوله صعب الرجوعوإن العقل بيقول البعد أفضل حل

وبعد ما تسيبه تحس إن أنت اللى أتوجعت

قلبك بيوجعك

تعمل إيه؟!

ماذا تفعل لو كنت وحيدا

2009-04-24T06:10:00.000-07:00

إذا لم يفهمك من حولك

وتحس أنك تعيش وحيداً

إذا لم تجد من يحبك ويعطيك

حنانه فستبقى وحيدا

إذا لم تجد من يعرف قيمة الصداقة

ومعناها الحقيقى فستبقى وحيدا

إذا لم تجد من يفكر فى غيره ولكن يفكر فى

مصلحته الشخصية فستظل وحيدا

إذا لم تجد من يستحق التضحية

فستموت وحيدا

إذا رأيت الدنيا أهون من أن تعاش

فستصبح وحيدا

إذا ولى عنك حظك وأصبحت

سئ الحظ فستصير وحيدا

إذا أحببت وخانك من تحب

فستريد أن تعيش وحيدا

إذا ضاع منك أملك فى البحث عن

حلم راودك فستعيش وحيدا

إذا كانت المصلحة هى التى تحرك

من حولك فستحب أن تكون وحيدا

إذا ضاعت منك أحلامك على

أرض الواقع فابحث عن حلم وحيدا

إذا أردت ألا تكن وحيدا

فأصلح كل ما يؤدى بك إلى أن تكون

وحــــــــيـــــــــــدا

رجاء حُب

2009-04-14T14:28:00.000-07:00

خدعوها بقولهم حسناءُ

والغوانى يغرهن الثناءُ

فاتقوا الله فى قلوب العزارى

إن العزارى قلوبهن هواءُ

إمضاء

قلب طائر

أصدقائى المدونين هذا شعر لأمير الشعراء

أحمد شوقى

ولكنه امتزج بى امتزاجا قويا وبكل ما بداخلى

فقررت كتابته

خنجر فى قلبى

2009-04-07T01:58:00.000-07:00

كنت حالما لم أحس الحب

أعيش ليومى لمستقبل فى خيالى

لم يعنـِـ الحب لى شيئا سوى كلمات

وقصائد وإحساس قرأت عنه فى الروايات،

دنيا لم أُعير لها اهتمام فى أجندة أحلامى

...........

حتى رأيتــــُـــــكِ

حين رأيتــُــــك ، أضأتِ مستقبلى

أحسستِنى بكل الحب

فأدركت أن ما سمعت عنه لم يكن شيئا فيما أحس

رأيت الدنيا بشكل مختلف ،

كل ما فيها جميل له طعم آخر،

سمعت كل أغانى الحب وتذوقتها،

تمنيت أن أعيش بجانبك طوال عمرى،

حالما فى عينيكـِ فهما ساحرتان،

أردتُ تحقيق كل ما تحلمين به ،

جرى على لسانى الشعر وأنا لا أجيده ،

غنى قلبى بكل ما فى الحب من موسيقى،

أحسست أنى أسعد من فى الكون ،

وأنى طائر أرفرف حول كل العشاق ،

يجرى حبك فى دمى ،

أتنفس معكـِ

ذُبتُ فيكـِ

عندما أنظر إلى المرآه أراكـِ أرى ملامحكـِ

فأنتـِ أنا

لو تعلمين كم أحبك

.....

إلى أن حانت اللحظة التى أصارحُكــِ

بحبى واعترفت لكــِ

وقلتها أحبك

أنتِ عمرى وكل أحلامى وآمالى

............

ولكن يا لهذا القلب المسكين

قلبى

جاءه خنجرٌ

من القلب الذى ملك قلبه

خنجر رُشِقــ فيه

أضاع وأهدر كل أحلامى وآمالى

كل دنيتى ،

خانتنى

خانت القلب الذى تمنى لها كل ما فى الكون من سعادة

قدم قلبه قربانا لحبها

هل هذه نهاية قلبى المسكين

النهاية

خنجر فى قلبى

اعتراف عاشق مجروح

التاج الثالث

2009-04-03T11:27:00.000-07:00

أمرى لله
التاج ده أُهدى إلىّ من مدونات كثيرة بس أول من أهدته لى كانت حبيبتى عاشقة الرومانسية ثم بعدها بسمتى الجميلة
وانا أمرى لله هجاوبه ، وأنا أعتذر لتأخيرى على إجابة هذا التاج وهو التاج الثالث لمدونتى
بسم الله الرحمن الرحيم
استعنا على الشقى بالله
اسمك؟
شيماء جمال
المشهورة بيه وسط اصحابك؟
شيمو وسط أصحابى
شيمو القمر وسط المدونين
مشمش أحد أصدقائى
سنك ؟
22سنة و6شهور إلا يوم

لكن عمر قلبى ابن السادسة عشر وأفضل هذا العمر
(صغيرة لسة صح)
اسم مدونتك؟
اعترافات قلب
وده اختيار أحد أصدقائى
مجال دراستك؟
أنا تخرجت العام الماضى من كلية دار العلوم جامعة القاهرة
وكنت بدرس لغة عربية وعلوم إسلامية
وإن شاء الله هشتغل مدرسة لغة عربية
الصورة الرمزية لمدونتك بتعبر عن إيه؟
تُعبر عن بنت جميلة فى عينيها الأمل والتأمل وانتظار ما تحلم به دائما
مُمسكة بيدها وردة حمراء بها كل الشوق تتمنى إهداءها لحبيب خيالها
وتتمنى تحقيق كل ما تتمنى من أحلام باتت تخطط لها منذ أن عرفت معنى الأحلام.
هل فكرت فى إغلاق مدونتك ؟ ولماذا ؟
لم أفكر فى إغلاقها أبدا ، لأنها سلوتى الوحيدة وهى صديقتى التى أحكى لها كل ما يجيل بخاطرى
وأعرف أنها وفية.
ما هو رد فعلك إذا حد قل أدبه عليك فى التعليق؟
لم يحدث من قبل ، ولكن حدث شئ مشابه هو بعض العبث من تعريف نفسى فى البروفيل ولكن استطعت أن أوقفه عند حده.
ولابد من احترام رأى الآخرين ، فالاختلاف فى الرأى لا يفسد للود قضية ، وأنا احترم رأيه ولكن كان من السهل أن يقول لى هذا بطريقة ألطف.
أسوأ مدونة ؟
المدونات التى عند قرأتها أحسست برغبة شديدة فى القئ
وهى مدونات المثلين
وأحسست فعلا عند قرأتها بجرح كبير فى براءتى
هيحصل ايه للايميل بتاعك لما تموت؟
والله أنا ما فكرتش فى الموضوع ده قبل كده بس أكيد هيتلغى بعد فترة من الزمن،
وهوحش إيميلى ، وهيفتكرنى كتير.
اديت الباص وورد بتاعك لحد قبل كده؟
الباسورد بتاع المدونة مع أحد أصدقائى بالفعل ، لكن الإيميللات أعطيته مرة لإحدى صديقاتى وتقريبا هى نسيته زى ما نستنى.
السفر بالنسبة ليك إيه ؟
يمكن يحمل أيام أتمنى أن أتذكرها ، بس الآن حلم أتمنى تحقيقه ولكن مثلما أتمنى ، ودون ذلك أنا أحب مصر جدا وخصوصا اسكندرية جدا فهى عشقى الأول والخير.
المود بتاعك إيه؟
متقلبة المزاج جدا
احيانا اكون سعيدة للغاية وأضحك كثيرا دون أى أسباب ، وأحيانا أكون فى قمة الحزن وده لازم له سبب أكيد،
بس الحالة الحالية سعيدة جدا ويارب يديم على السعادة ده.
بتعمل إيه فى وقت فراغك؟
إجابة متوقعة من أكثر المدونين بكون على النت ، وعلى المدونة بأرد على التعليقات
وأكتب تعليقات عند حبايبى
أو بعمل أى حاجة مجنونة
أو بأشاهد التلفزيون
الأكلة المفضلة ؟
ده بقى سؤال صعب
أنا بآكل كل الأكل
بس أكتر حاجة بحبها السمك المشوى بكل أنواعه
والجمبرى والكابوريا
الصفات التى ورثتها عن والدك؟
كل حاجة ما عدا بُعد نظره فى الناس ، وقدرته على معرفته بما يجول بداخلهم
الصفات التى ورثتها عن والدتك ؟
الطيبة الفظيعة والسذاجة ، وبكائى السريع.
أكثر ست حاجات بتكرهها؟
عدم فهم الناس لى بطريقة صحيحة لذلك لم يكن لدى اصدقاء كثيرون ،
الكذب أعتقد إنى أكتر واحدة بتكرهه ،
حظى اللى ماشى عكس ما أريد لحد ما بدأت أصدق إنى سيئة الحظ ،
المجتمع المادى اللى إحنا عايشينه ،
والظلم
الغش والخيانة
اكثر ست حاجات بتحبها؟
بابا وماما وأخواتى وأصحابى ،
بحب كل الناس مع كل ما يفعلونه يضايقنى ،
بحب الصراحة والوضوح ،
الشمس والقمر حبيبى.
شخصيتك نوعها إيه ؟
مجنونة يمكن بس أعتقد لا أحد يستطيع وصف نفسه جيدا
وأعتقد أن لا أستطيع وصفى بس

هأحاول
بحب الدنيا والناس مع إحساسى الدائم بالوحدة ،

مجنونة أحيانا وساعات فى قمة العقل ،

لا أحب أى شئ روتينى بيحسسنى بالملل،

غامضة فى بعض الأحيان،

واضحة جدا فى معظم الأحيان،

امثل لنفسى لغز كبير وأمثل للناس كتاب مفتوح.

يمكن ده صح ويمكن لأ
لماذا دخلت عالم التدوين ؟
بسبب الفراغ الذى احتل حياتى بعد تخرجى ، وأنا أكره النوم وفراغ الحياة
أحب المسئولية والحركة وشغل مخى بمليون حاجة
وهذا ما كنت أفعله فى الجامعة ،
ولكن الآن بدأت الرجوع لحياتى السابقة ولن أتنازل عن حياتى مهما كان ،
وأعتز بذلك لأنه عرفنى بأحلى عالم هو عالم التدوينات الذيذ.
أجمل كلمة قيلت لك على مدونتك ؟
هناك زميلة لى فى التدوين قالت لى صديقة القمر
وكل التعليقات التى بمدونتى أحسن التعليقات فأعتز بهم جميعا.
اهمية التعليق بالنسبة ليك ؟
أكيد مهمة جدا زى الهوا كدا
أحسن بوست كتبته ؟ اللينك
أكتر بوست بحب أقرأه هو بوست قديم قوى قلب يقاسى
بوست رأيته كان حلم جميل
بصراحة كل اللى بكتبه بحبه لأنه جزء منى
لكن دول اللى بحب أقرأهم كل شوية.
أفضل بوست قرأته ؟ وأفضل مدونة ؟
أى بوست مكتوب من القلب علشان يوصل لقلبى وأحسه بيبقى أحسن بوست،
كل المدونات اللى عندى على الريدر بحبها.
الانترنت بالنسبة ليك إيه؟
وسيلة لإسعادى
تمرر التاج لمين ؟
لوردة حبيبتى نبضات القلب
فراشتى الرقيقة كلمات
أحمد أسير الجراح

وأى حد عايز يخده يخده
ولكم جزيل الشكر
خلص الاعتراف الصعب ده

شيمو القمر

2009-03-30T06:07:00.000-07:00

صديقة القمر
هناك كثيرون يستغربون من اسمى
شيمو القمر

أو توقيعى به على التعليقات
او يقولون أننى مغرورة
هذه ليست صفة لجمالى

(مع إنى جميلة برده)

وش بيغمز
ولكن هى لأننى أحب القمر بجنون أحس به
مع حبى الشديد للنهار
ولكن أحلم بيوم أعيش فيه وحدى
وأنا بعيدة عن كل الناس فقد تعبت منهم
كلهم يعشقون الكذب ،

وأكثر شئ أكرهه بحياتى هو الكذب
أشكى كل ما بداخلى للقمر

فهو من يرسل حبى لكل من أحبه
أرى تحديدات وجهه

أنتظر ظهوره من شهر لشهر
فهو حبيب كل العشاق
تحس إنه بيحضنهم
تمنيت كثيرا أن أبعث معه رسائل لحبيب خيالى
تمنيت أنا أسافر إليه فهو يعرف كل أحلامى
فقد سئمت دنيا الملل

سئمت الوجوه الزائفة

سئمت دنيا المادة

أما عنده ستكون الدنيا التى أتمناها
ومن لا يعرفه لايعرف الحب
خلص الاعتراف

مجلة رؤية مصرية

2009-03-28T06:54:00.000-07:00

مجلة رؤية مصرية

صدر العدد الأول منها اليوم السبت الموافق 28/3/2009

رئيس التحرير إبراهيم العدوى

هى رؤية إعلامية مختلفة

من مصر الفراعنة إلى أمصار عالمنا العربى

أنا نشرت فيها شعر للشاعر جميل صدقى الزهاوى

وليه موضوع فى أمم وحضارات

اتمنى مشاركاتكم معنا

شيمو القمر

أجمل اعتراف

2009-03-24T13:46:00.000-07:00

أجمل اعتراف

فكرت كثيرا لكتابة هذا البوست ولكن مع إن اسم مدونتى اعترافات قلب لابد من وجود إعتراف وإخراج ما بقلبى
اليوم كان لقاء (لقاء المدونين) يشهد له العجب بداخلى ، كان أوله موافقة والدى التى كنت على يقين برفضه ، ثانيها هى وجود من ذهبت بمقابلتهم الذى أحسسته حلم إلى أن وصلت وقابلتهم بالفعل وعند عودتى لمنزلى ،وسؤال يجول بخاطرى هذا حقيقة أم حلم ، ولكن يا للهول إنه حقيقة فأردت تعريف كل ممن قابلتهم كيف رأيته حتى وإن كان أبعد ما يكون من وجهة نظره ؛
فاتيما : أم حنونة ، احتوتنى وطمأنتنى من أول نظرة .
أ/ خالد : أب اللقاء وقلب الشباب .

حنين القلب : ضحكاتها تشعرك بالسعادة .
لماضة : عفروتو رغم صغر حجمه إلا أنه جـــــــبــــــــــار.
عاشقة الرومانسية : طيبة وعفوية ورومانسية تنبض بكل خلجة من خلجاتها .
حروف : الجريئـــــــة التى تجذبك بعقلها .
هنودة :غربة ولكن تعطيك الآمان .
حنان الشافعى : الرقيقة التى تضفى عليك الشعر من هدوئها .
داليا : طيف ملائكى أعطاك الأمل وانسحب
نبض اسكندرية : روح اسكندرية بكل ما فيها من جمال وسحر .
أسير الجراح : الغــــــــــــــــــــــــــــــــامض
جعلونى مريضا نفسيا: عجزت عن وصفه .

شيمو القمر : رغم سعادتها إلا أنها كانت مرتابة .
كان بداخلى إحساسان متناقضان ، الأول : سعادة بالغة الوصف من وجود إناس يفكرون مثلى
الثانى : الضيق من تغير الصور بعقلى كنت أضع لكل من قابلته صورة بداخلى تغيرت عند لقاؤه .

بس اللى أنا حساه إنى
ســــــــــــــــــعــــــــــــــــــــــــــيـــــــــــــــــــــــــــدة

مناظرة بين العلم والعقل

2009-03-13T09:36:00.000-07:00

علم العليم وعقل العاقل اختلفا **من منهما قد أحرزا الشرفا

العلم قال أنا أحرزت غايته ** والعقل قال أنا الرحمن بى عرفا

فأفصح العلم إفصاحا وقال ** أينا فى كتاب الله اتصفا

فبان للعقل أن العلم سيده ** فقبل رأس العلم وانصرفا

للإمام على بن أبى طالب

عجبى

2009-03-04T13:32:00.000-08:00

كلمات تُعبر عن شئ ما بداخلى

بحر الحياه مليان بغرقي الحياه

صرخت خش الموج في حلقي ملاه

قارب نجاه ..

صرخت ..

قارب نجاة

قالوا مفيش غير بس

هو الحب قارب نجاه

عجبي !!!

يا باب يا مقفول ...

إمتي الدخول

صبرت ياما و اللي يصبر ينول

دقيت سنين ...

و الرد يرجع لي : مين ؟

لو كنت عارف مين أنا كنت أقول

وعجبى !!..

يأسك وصبرك بين ايديك

وانت حر

تيأس ما تيأس الحياة راح تمر

دقت من دة ومن دة

وعجبي لقيت

الصبر مر وبرضه اليأس مر

عجبي !!..

أنا شاب لكن عمري ألف عام

وحيد لكن بين ضلوعي زحام

خايف و لكن خوفي مني أنا

أخرس و لكن قلبي مليان كلام

عجبي !!!!

يا للي بتبحث عن إله تعبده

بحث الغريق عن أي شيء ينجده

الله جميل و عليم و رحمن رحيم

إحمل صفاته ... و انت راح توجده

عجبي !!..

يا للي انت بيتك قش مفروش بريش

تقوى عليه الريح.

يصبح مفيش

عجبي عليك حواليك مخالب كبار

و ما لكش غير منقار

و قادر تعيش

عجبي !!..

يا حزين يا قمقم تحت بحر الضياع

حزين أنا زيك و إيه مستطاع

الحزن ما بقالهوش جلال يا جدع

الحزن زي البرد ... زي الصداع

عجبي !!..

حبيت...لكن حب من غير حنان

وصاحبت لكن صُحبه مالهاش أمان

رحت لحكيم واكتر لقيت بلوتي

إن اللي جوّه القلب مش ع اللسان

عجبي !!..

إيش تطلبي يا نفس فوق كل ده

حظك بيضحك وانتي متنكدة

ردت قالت لي النفس:

قول للبَشَر

ما يبصوليش بعيون حزينة كده

عجبي!!..

فتحت شباكي لشمس الصباح

ما دخلش منه غير عويل الرياح

وفتحت قلبي عشان أبوح بالألم

ما خرجش منه غير محبة وسماح

عجبي !!..

إنشد يا قلبي غنوتك للجمال

وارقص في صدري من اليمين للشمال

ماهوش بعيد تفضل لبكره سعيد

ده كل يوم فيه ألف ألف احتمال

عجبي !!..

عمنا صلاح جاهين

الصداقة

2009-02-25T13:29:00.001-08:00

الصداقة ده أجمل شئ فى الوجود

أعمق علاقة ممكن تكون بين الإنسان

حتى ممكن تكون أعمق من الحب وأصدق وأوفى

أخيررررررررررررررررا .................

قابلتهم
واتكلمت معاهم
وحكولى وحكيت لهم
وعايزة أقولهم :

بحبكم قوى ولا أستطيع نسيانكم

أنتم أجمل شئ فى حياتى

ولما سمعت الأغنية ده بكيت

أهدى لهم هذه الأغنية

سومة أجدع صحاب

عيد الحب

2009-02-14T02:10:00.000-08:00

عيد حب سعيد

كل عيد حب وكل الأحباب محبين

إهداء إلى حبيبى كل الحب وأتمنى له حياة سعيدة

أهديه وردة قلبى بلون دمى الممزوج بحبه

وهذه قبلة بها كل حب الدنيا
وهذه ضمة بها كل دفئ العالم

إهداء إلى أصدقائى كل الحب وأمنياتى لهم كل الحب والسعادة
وخصوصا سماء صديقتى فقد تمت خطبتها أول أمس

إهداء إلى أهلى كل الحب متنية لهم تحقيق أمانيهم
إهداء إلى زملائى المدونين كل الحب والسعادة

happy valantin day

تدريب لتقوية الشخصية

2009-02-05T07:12:00.000-08:00

تدريبات وجدانية لتقوية الشخصية :

* تدريب التفريغ الإنفعالى :

(1) هناك أحزان كثيرة بداخلنا نكبتها فى اللاشعور ، لكنها تضغط علينا من الداخل ولا سبيل للتخلص من ضغطها إلاَّ بالنبش عنها وجعلها تطفو على السطح ولتحقيق هذا النبش ننفذ ما يأتى :ـ

أ) إغلق باب غرفتك على نفسك

ب) قم بتذكر أحزانك الدفينة

* " وذلك بعرض بعد الصور الخاصة بأحبائك الذين فارقوا الحياة أو من سافروا بعيدا ربما تساعد على إثارة مشاعرك "

ج) لا تمنع نفسك من التفجر العاطفى واترك دموعك تنهمر

*" فالدموع الساخنة فيها شفاء وراحة لحياتك الوجدانية "

د) حاول إجراء هذا التدريب مرة كل شهر على الأقل

*" وستحس بالراحة النفسية بعد أن تنفجر الشحنات المكبوتة داخلك "

2)تدريب آخر للتفريغ الانفعالى :ـ

أ) احضر حوالى خمسين فرخا من الورق الفلوسكاب

ب) اجلس فى مكان هادئ وابدأ فى تقطيع الورق إلى ثمان قطع متساوية " بتطبيق حوافه على بعضها البعض ثم تقطيعها

ج) استمر فى هذه العملية البسيطة بهدوء وبطء

" ستحس بالراحة النفسية بعد الانتهاء لأنك قد فرغت شحناتك الانفعالية المكبوتة داخلك بهذا التقطيع

* فالورق هنا يرمز إلى العقبات التى أعاقت تفريغ طاقتك الوجدانية .

لكنك نجحت فى إخراج هذه الطاقة المكبوتة عن طريق الرمز الممزق

* والورق الذى قمت بتقطيعه يمكنك حفظه والاستفادة منه .

الروح

2009-02-02T03:57:00.000-08:00

روحك

روحك هذه

كالبلون

يعلقه بعض الأشياء التى تعيقها على الطيران

لكى تجعل روحك تطير وتكون دائما فى السماء

يجب أن تتحررها بما يعلقها

1ـ حب المال

2ـ حب السلطة

3ـ الشهوة ( شهوة الأكل ـ شهوة النظر ـ شهوة شراء ـ إلخ ........... )

4ـ الجنس

حرر روحك حتى لا تدنى بالأرض

إزهد فيما لا تستطع إمتلاكه

إجعل إرادتك تغنيك عن أى شئ

لأنها أنانية جدا ولا تعرف الاكتفاء

أطلقهااااااااااااااااااااااااااااااااااااااااا

التاج

2009-01-29T07:34:00.000-08:00

معلش ياجماعه البوست المرة دى طويل استحملونى بقى أعمل إيه؟
مجبر أخاك لا بطل التاج ده دوبل يعنى 2×1 شامبو يعنى ،
أهدته لى صديقتى عاشقة الرومانسية رغم إنها مجنونة فيه شوية بس هيعجبكوا
اللى هيجاوب على الأسئلة يأخذ التاج
بسم الله هنبتدى
التاج الاول
1- أذكر سته أسرار لا يكتشفها من يقابلك لأول مرة
؟دى حاجات محدش يعرفها عنى غير بعد ما يعاشرنى كويس
* التواضع
* جدعه قوى
* عنيده جدااااا
* بيضحك علىّ بسرعة
* العصبيه الشديدة جدااا
* قلبى أبيض جداااا ومتسامحه
* مش بأقدر أسكت على وضع غلط

2-سبع حاجات نفسك تعملهم؟
* أكون أم
* أحب وأتحب
* أحج بيت الله الحرام
* أكون ناجحة فى شغلى وفى بيتى مع بعض
* أسافر كتير
* أكون زوجه تقية
*أسمى ابنى (أدهم)
* أعيش فى اسكندريه الباقى من عمرى

3-سبع حاجات ماعرفتش تعملهم؟
*أنى أحب مرة واحدة بس
* استمتع بحياتى
* أدخل كلية الهندسة
* أنى أنجح فى الكلية اللى أنا فيها من غير مواد
*أنى أغير وجهة نظر الناس فى إنى مش عبيطة إنى طيبة بس
*إنى مصدقش أى حد
الباقى هسيبه للأيام
4-سبع حاجات دائما بتقولهم
؟1-المهم 2- اتخنقت منك 3- يا قلبى يا أنى 4- يعنى ، يمكن5-آخر حاجة 6- فهمنى؟ (لاى حد اكون باناقشه) 7 ـ يا ربى ( لو مش فاهمنى اللى قدامى)

5- سبع مشكلات فى حياتك ممكن تحلهم بالفلوس؟
معنديش أى مشاكل تتحل بالفلوس هو قلبى اللى مجننى وده مش مشكلته الفلوس .

6- سبع أماكن بتحبيها
؟1- اسكندرية 2- البحر 3- بور سعيد 4- جامعة القاهرة ( مكان دراستى أربع سنين )5- بيتنا 6- كفر الشيخ فيها ناس بحبهم مع إنى ما زرتهاش 7- واسكندرية ثم اسكندرية ثم اسكندرية ...........
7- اشخاص بتحبهم غير ماما وبابا واخواتى؟
اصحابى كلهم طبعا

8- مدونين بتحب تقرالهم؟
نبضات قلب ، كلمات ، مدينة من النساء ، أشلاء روح بَرَاء
واى حد بيكتب اى كلام من قلبه علشان يدخل قلبى وأى مدونه كوميديه أو ساخره

9- تمرر الواجب لمين ؟
اصحاب المدونات دى وهم أحرار طبعا لو يحبوا
ـ نبضات قلب
ـ كلمات
ـ بنوتة مرحة
ـ ملائكية
التاج ده اختيارى ياجماعه مش اجبار خالص اللى يحب يجاوبه اوك
**********************

التاج التانى

استعنى على الشقى بالله
1- لو كان ينفع تختار ومين الحاكم؟ عصر تعيش فيه هيبقى امتى؟
- أكيد أكيد عصر الرسول صلى الله عليه وسلم ويكون هو الحاكم
2- أول أولويه فى حياتك؟
بابا و أهلى وأصحابى قبل نفسى وقبل كل
3ـ أكتر حاجه بتحبها فى رمضان؟
روحانياته ، وصدق النفس فيه ، واللمة والحب4
4- أوصف أجمل فطار ممكن تفطره؟
فطار المعسكرات ، والفطار مع أهلى
5- لو كنت حاكم هتكون عادل؟ وهتعرف ازاى؟
هاحاول والا أسيب الحكم هعرف من وجوه الناس وحبهم لى
6- مين أكتر إعلامى بتحبه؟
أسامة منير وأحمد آدم فى برنامجه بنى آدم شو
7- لو ممكن شغلانه تانيه تختار إيه؟
مهندسة كن نفسى قوى قوى
8-تانى بلد تحب تعيش فيه بعد مصر؟
اسكندريه يعنى مصر برضه
9-أوصف ترتيبات أجمل فرح ممكن تحضره؟
إنى أحس إن العروسه والعريس بيحبوا بعض قوى ده فعلا أجمل فرح
9- بتراعى كلام الناس والقيل والقال؟ وليه؟
مش فى كل الأحيان لأن الناس كده كده هتتكلم
10- صحيت من النوم لا موبايل ولا كمبيوتر ولا كاميرا ديجيتال ورجعنا لعصر الاحصنه والحمام الزاجل؟
هنام تانى وأتغطى كويس
12-السعاده هى؟
الحب والشغل والأطفال وإحساسك بالأمان مع من تحب
13-عندك أمل؟ واسبابك؟
اه طبعا وعمر وهشام - علشان أحس بطعم الحياه
14- لما تحب تهرب من كل حاجه بتروح فين؟
على البحر
15- أمتى أخر مره أخدت فيها نفس وقلت يااااااه أنا كبرت ؟
لما خلصت الكلية ولقيت أصحابى كلهم أتجوزوا بسرعة جدا وسبونى مع إنى مخلصة السنة ده .
16- بتشرب سجاير ولا لا ؟ وايه رايك فى الستات والرجاله اللى بيشربوا ؟
لا طبعا –دول ولا يخافوا على صحتهم ولا فلوسهم
17- بتعرف ايدك الشمال ازاى؟
الأيد اللى مش بسلم بيها
18- أكتر آله موسيقيه بتحبها؟
كل الموسيقى الهادية حلوة
19- ليه الزوق والنخوه انعدموا ؟
لإن الرجاله ماتوا فى 73 والموجودين بقايا حرب(بهزر طبعا)
20- إيه الحاجات اللى لو حصلت هتبقى سعيده؟
- ارتبط بالانسان اللى أحبه وأنجب منه أطفال
21- تحب تملك أرض زراعيه ولا أحدث عربيات ولا كام عماره ولا فلوس فى البنك؟
كل اللى يجيبه ربنا كويس
22- تحب البحر ولا النيل؟
سؤال غريب ده أنا اسكندرانيه البحر طبعا
23- مركب ولا طياره؟
مركب علشان أتفسح بيها فى البحر مع حبيبى
24- شخص مجنون ولا عاقل؟
مجنونة جدا فى بعض الحظات بس متخافوش مش مؤذية
25- تقرأ كتاب ولا تتفرج على فيلم؟
فيلم أكيد مع إنى حافظة كل الأفلام ولكن كتاب لما يكون فى إيدى كتاب يعجبنى

إليك أسفى

2009-01-27T12:25:00.000-08:00

إليك أسفى

صديقى العزيز

بـــــــــَــــــــــــــــــــــــــــــــــــرَاء

رأيته

2009-01-08T06:36:00.000-08:00

كنت جالسة أنظر أمامى

منتظرة شئ ما ...............

لا أعرفه

إذا بما لايخطر على بالى أمامى

حاولت أن أستوضح الوجه

أشكك نفسى ،لا أصدق إنه

هو !!!!!!!!!!!!!!!!!!!!!!

فعلا إنه حبيبى

هذا شئ لايصدقه عقل

حبيبى ، افترقنا منذ ...........

هو أمامى الآن
سلمت عليه فقد افتقدت

لمستهــــــــــــــــــ

ونظرت إلى عينيهــــــ ، نفس النظرة القديمة

حاولت أهرب من عينيهــ ، مثلما كنت أفعل دائما

لكنه لم يعطينى فرصة ،فوضع أنامله على خدى

ونظر إلى عينيـــــّ ، فلم أتحمل ، أردت أن أبكى

فما فعلته هو أنى استليقيت بين يديه

واحتضنته لم أفعلها مع أحد من قبل

ووجدت شئ كنت أبحث عنه

لاأعرفه ، وكأنى أحسست بأنى طائر

أريد أن أرقص وأغنى ،

لاأستطيع وصف ما شعرت به

ولكن يا لحظى السئ!!!!!!!!!!!!!!!!!!!!!!!!!!!!!!!

وجدت أمى توقظنى من النوم

كان حلم.....................

ولكن حلم جميل

فإنى سعيدة جدا ، أنى رأيته

فقد كنت متعبة منهكة من يوم عمل طويل

فأردت الراحة

استليقت على سريرى

أغمضت عيناى

وأخيراااااااااااااااااااااااااا

رأيته

هذا جنان بالفعل التناقض داخلك

لا تغرنك ابتساماتى فهى إحدى إعتياداتى

2009-01-06T15:44:00.000-08:00

لا تغرنك ابتساماتى فهى إحدى اعتياداتى
(لم أتذكر أين سمعت هذه الكلمات ولكنها ترن بأذنى منذ أسابيع ووقتها قررت أن أكتب تحت هذا العنوان ما أحس به) .
قد أريد الابتسام
حتى لا يلحظ الناس
ما يجيل بداخلى من ثورة
ولكن تفضحنى عيناى،
وتخونونى تقاسيم وجهى ،
تأبى الابتسامة على الارتسام
انفض العالم من حولى
تركونى وحدى ؛
لأنهم لا يعرفون أننى فعلا لا أستطيع الابتسام
فحاولت جاهدة على الابتسام
فأخيرا استطعت على الاحتسام
حسمت أمرى
وأعطيت وجهى وتقاسيمه أمراً بالابتسام
ولكن يا لهذا القلب الحزين !!!!!!!!!!!!!!!!!!
إنه ليرفض ذلك
يريد أن يظهر وجعه أمام الناس ،
ليحسوه .............. ؛
ليفهموه ................؛
ليعينوه ................؛
وصلت الآن إلى اتفاقاً معه ؛
وهو نسيان ما يوجعه فقد أثقل كاهله الأوجاع ،
وأن ينهض ثانيةً
وأن يفتح صفحة جديدة مع الحياة .
وأخيراً وليس آخراً ............
بدأت أن أعيش حياتى كما أريد
وابتسمت للحياة
واعتدت الابتسام
واتمنيت كثيرا من الآمال
وأعد قلبى بأنه...............
لن يكون أسيراً لأحد مرة أخرى

سأعدك أيها القلب الحزين

أن أعيش من أجلك أنت فقط

ولن أسمح لأحد بتملكك مهما كان

مهما كان....................................................

اعترافات 2

2008-12-29T12:36:00.000-08:00

بعد يومين ستبدأ سنة جديدة ،
ولأول مرة أحس بمعنى قدوم عام جديد ،
وأنتظر ما سيحدث به !!!!!!!!!!!!!!!!!!
لقد أتممت فى عام 2008 الاثنين والعشرين ،
وأحس أن قلبى ابن السادسة عشر من عمره ،
ولأول مرة أيضا أحس بكل هذا الخوف من قدوم عام جديد ،
ولأول مرة أيضا أحس بكل هذا الخوف من عام جديد يزداد على عمرى ،
إنى أنتظر الكثير فى هذا العام وأأمل أن يتحقق به كل ما أتمنى ،
أحصل على شهادة الليسانس وأستريح أخيرا من هذا الكابوس ،
وأن أعمل فى مجال أحبه ، وأحس بذاتى وأنى صاحبة قرار نفسى ،
وأن.....................
وأن ألتقى ب.....................
بحب ، لا ، بل
بحياة أخرى ، أريد تغير حياتى من أعماقها
ولكن أحس أن هذا حلم مستبعد ويجيل بخاطرى
أننى لن ألتقى به يوما ،
لن أسمح لأحد بعد الآن أن يتحكم بحياتى مهما كان ............................

تَوَغُّلْ

2008-12-14T09:34:00.000-08:00

توغلت فى الحب جرحا وشوقا وأتلفت قلبك ذبحا وحرقا

بلا قدم كنت على الصراط تسأل وجه الحبيبة عتقا

فهل صرخت صرخة تحتويك وأغوار جرحك تزداد عمقا

وهل كنت إلا كتابا حزينا وكل حروفك فى الحب غرقا

توغلت فى الحب رغم حصار المواجيد رغم انصهار الجسد

توغلت لا تخشى رعب دماؤك ممتطيا عنفوان الأسد

توغلت كيف ابتدأت وكيف انتهيت إلى كهف هذا الأبد

تعيش بلا بسمة لجميل وتمشى بلا نظرة لأحد

سواها التى تختفى فى الجمال تحرسها الأرض إذ تتبخطر

تريد لعينك أن تشتهى وتأبى لقلبك أن يتحجر

فدع موسم الحب يرحل لتبقى وألقى بمنديل ليلى المعطر

ففى وردة القلب نارا تلظى وفى جحر العين دمع تفجر

عزاؤك أنك ما زلت تحيا وما زلت محترفا للأدب
وأنك ممن تفور دماهم ويحترقون بنار الغضب
فلا تأس أنك ذبت انتحابا وغيرك فى الحب لم ينتحب
فمن الصدق قد أخرجتك الحياة لتبلوك بامرأة من كذب
فلا تسأل الحب عمن تخلى عن الحب واصرخ بعينك كفى
ولا تتبدل أسا بأسا ودمع بدمع وضعف بضعف
لقد خضت فى حبها ألف موت وثرت على كل دين وعرف
فلم تنتبه لك فاسحب خطاك وعد آمن القلب من بعد خوف
بلا شجر الحلم يجدب حقلك ازرعه تجتث هذا الشقاء
وعد لعناء القصيدة روحك تفتقد الآن هذا العناء
وفى حضن ذاتك فاسكن وحيدا بوحدك أنت كفاك اكتفاء

ولا تسأل الأرض يوما صديقا فأرضك لا تنبت الأصدقاء
(مقتبسة)

اعترافات 1

2008-12-08T13:34:00.000-08:00

السلام عيكم ورحمة الله وبركاته

أول مرة أدخل أكتب من غير ما أعرف أكتب إيه

كل اللى أنا حاساه دلوقتى

إنى مبسوطة أوى انهارده ، انهارده أول يوم عيد الأضحى المبارك

وكان عندنا ناس كتير ، وضحكت كتير قوى قوى كان عندى ابنة عمى ريرى وهى دمها زى العسل وكانت بتحكى ايام حملها وولدتها وكلنا بنضحك قوى قوى . أول مرة أكون فرحانة كده فى عيد .

مع إنى كنت تعبانة جدا وهموت وأنام ، ولكن اليوم اللى ما كنتش عايزة أنام فيه.

وكنت حاسة نفسى جميلة قوى ،

أول مرة أعرف إن لما الإنسان يكون سعيد يحس إنه جميل .

انا بحبكم قوى كل اللى بيدخلوا على مدونتى ؛

وبقول لكم :

^
^
^

كل سنة وانت طيبين

والسنة الجاية تكونوا فى أى حتة

باى يا أصحابى

شيمو القمر

القلب بيقول

2008-11-19T08:48:00.000-08:00

أصعب إحساس فى الكون
إنك تعشق بجنون
كده هندخل على إليسا
كل اللى أقصده إن ده مش
أجمل إحساس فى الكون
ده أصعب إحساس
لإن فعلا أصعب إحساس
لما تحب حد قوى قوى
ويفهمك إنك اغلا شئ
فى حياته ويكتب فيك شعر
ويوصف فى حبه ليك
وتلاقى فى الاخر إنه كذب عليك
ومع أول خلاف طلب منك البعد
أصعب إحساس لما تعطى لحد كل حبك
وتحس معاه إحساس جديد عمرك
ما حسيته وتلاقى فى الآخر
اللى حسيته خداع تعمل إيه
المفروض إنك تكره الدنيا
والناس وتنعدم ثقتك فى الناس
لكن
لابد ان تقف مرة أخرى وتحاول
تحب من اول وجديد وأحاول تحسين الاختيار

القلب يقول (معقولة انا)

2008-11-19T08:37:00.000-08:00

تعرف ازاى ان قلبك بيحب

2008-11-16T07:10:00.000-08:00

تعرف ازاى إنك بتحب
لما قلبك يتعلق بحد
وإلا لما اهتمامك يزيد
وإلا لما تلاقى روح
شبهك وحساك
تعرف إزاى إنك بتحب
لما تضحى عشانها
وإلا لما تشوف ميزاتها
وإلا لما تتجاهل عيوبها
تعرف إزاى إنك بتحب
لما تلاقى قلبك مخطوف
وتحس إنك طاير
وتحس بسعادة ما لها حدود
تعرف إزاى إنك بتحب
لما تحس من لمسة بدفء
لما تحس من قبلة بملك الدنيا
لما تحس من حضن بأمان
تعرف إزاى إنك بتحب
لما تشوف الدنيا جديدة
وتحس إن الناس سعيدة
وتحس بحبك ليهم
تعرف إزاى إنك بتحب
كل ده حلو لكن ...................
مين يستاهل الحب
هنا السؤال
مين يجاوبنى عليه؟؟؟؟؟؟؟؟؟؟؟؟؟؟؟؟؟؟؟؟؟؟؟

قلب مش سعيد

2008-11-14T07:47:00.000-08:00

شايفة قدامى ايه
مستقبل بتمناه
والا حب بترجاه
والا ناس قاسية
جسد من غير قلب
اللى اتعودت عليه
اتكل على الله
شايفه روح شبهى
بتحس هى بقلبى
يمكن الاقيها
يمكن تايها منى
والا لسة بدرى
قدامها وقت لسة
علشان تقرب حبة
وتحب حبة حبة
وتبدأ بفرحة
يمكن ده وهم
بس اللى انا حاساه
انى مش قادرة احب
يمكن ده ضعف منى
والا قلبى تايه منى
مش عارفة اترجم اللى بيحصلى
كل اللى انا حاساه انى مش سعيدة

قلب حزين

2008-11-12T09:46:00.000-08:00

حاسة قلبى حزين
متحنى بدمعتين
مستنى إيد تطبطب
وإلا قلب يوهب
مستنى لسة حاجة مش عارفة هى إيه
يمكن كلمة حلوة
يمكن طعم غنوة
جوايا حاجة مداريها وخايفة من سنين
حاسة قلبى حزين
شايفة نجمة بعيدة
شايلة فرحة عنيدة
سامعة من الصوت صداه
بيإن بألف آه
يمكن دا وهم
يمكن تايه منى
بس إللى أنا عارفاه إنى مش سعيدة
إحساسك بيا إيه حبيبتك وإلا صاحبك

بتقول على إيه فى غيابى وسهوتى
بتفسر حبى ليك
على إنه ضعف منى
وإلا بصعب عليك

ما بتتكلمش عنى
دا أنا أول مرة ’مرة أعشق لكن بخوف

قلب برئ

2008-08-20T16:05:00.000-07:00

يولد الانسان طفلا بريئا فيمر بحياة المصالح
بحياة الغدر
بحياة الذاتية
بحياة الانانية
فهل يستطيع أن يبقى كما هو بريئا
أم ستموت منه
فنسأل سؤال هنا
هل البراءة عمرها قصير ؟ أم؟ .........م
عندما تكون وحدك بهذه الدنيا ،
فتنظر حولك لم تجد سوى وجوه زائفة ، تنتظر وجود نقطة ضعف لك حتى تضربك بها ،
وتجد وجوه ذاتية لا تحب سوى ذاتها ولكن لا تعنى لها الناس شيئا ،وجوه غادرة تتلذذ بقتل الآخرين ،
وجوه خائنة تشتهى ما بيد الغير ،
وجوه كارهة لا يعنى لها الحب شيئا سوى يوم يطلقون عليه عيد الحب ،وجوه سوداء غضب الله عليها بما تفعله

قلب يتساءل

2008-08-20T16:02:00.000-07:00

وقفت أمام العالم أتسائل
هل كل هذا الكره الذى يوجد بين الناس قد خلق معهم أم هذا من صنعهم
الحب من صنعك يا رب والكره من صنع الناس
قد تربيت فى عالم ملئ بالصراعات
بقيت تتلقفنى الدنيا بين ذراعيها
هل من شخص يخلصنى من بين أنياب هذا الوحش الكاسر
تسائلت عن الحب الذى سمعت عنه
أين هو الآن؟
هل هو محى من الوجود؟
هل يوجد الآن قلوب محبة مخلصة؟
أتمنى مقابلتهم

قلب يقاسى

2008-08-20T15:58:00.000-07:00

القسوة
كلمة بقيت تتردد بداخلى كثيرا،فما الحل؟
عندما يكون الحب منبعه المصلحة فستتحول الناس الى وحوش جائعة.
عندما يكون الذات أبعد من أن نصل اليها فسنعيش بالدنيا دون هدف محدد.
عندما تكون الحياة فى منتهى القسوة فالموت أكرم كثيرا من الحياة .
عندما تكون وحدك بدون من يفهمك فالموت أرحم كثيرا من العيش بداخلك.
عندما تكون الصداقة هى باب الخيانة فالعيش بمفردك هى الغاية الكبرى .
عندما تعيش وقد انطفأ بداخلك شعاع الامل فلا تجد أمامك الا الاصطدام بأرض الحياة الصلدة
عندما تكون الواقعيه هى الشئ الذى تأمله فالخيال هو أتفه ما تجد .
عندما تضيع منك أحلامك على أرض الواقع فحاول أن تبحث عن حلم فى الواقع.
فأنت اذا قد فهمت الحياة جيدا ، فحاول أن تحل لغزها الذى صعب علىّ حله

القلب يقول (في عينيك عنواني)

2008-08-20T15:53:00.000-07:00

وقالت سوف تنسانى ،

وتنسى أننى يوما ، وهبتك نبض وجدانى ،

وتعشق موجة أخرى ، وتهجر دفء شطآنى

وتجلس مثلما كنا ،لتسمع بعض ألحانى ،

ولا تعنيك أحزانى ،

ويسقط كالمنى اسمى ، وسوف يتوه عنوانى ،

ترىستقول يا عمرى ، بأنك كنت تهوانى........

القلب يحذر اللسان

2008-08-20T15:48:00.000-07:00

لا تجعلن لسانك ثرثارة .... واجعل منه الشهى الطيب
و اجعله عامرا بذكر ربه .... واجعل كلامه فى كل حين أدبا
واترك فضول الكلم من طرفه .... واجعله بالحكم والمواعظ واهب
لا يخنك فى لفظة تكن لك نار .... وتبقى حسرات عليك لا تذهب
فاحفظه ما بقيت واجعله .... لك ذخرا تفوق ولا تنصب
وتذكر فى كل لحظة أن عليك .... عتيد لا يغفل وأيضا رقيب

القلب يفضى إحساسه

2008-08-20T15:24:00.000-07:00

أريد أن أقول أو أكتب ما أحس به الآن كل ما أحس به هو أننى مليت الجلوس وعدم فعل شئ فالحياة بدون متاعب وأشغال مملة جدا
فأتسائل هل لابد من المتاعب لانسان كى يحس بأنه يستحق العيش ؟!احساس غريب لماذا هذا الاحساس فى رأيكم
أسئلة كثيرة لم يستطع أحد الاجابة عليها ...............لماذا الممنوع مرغوب؟
لما كل ما نريده يحدث عكسه؟
لما لم نرضى بما نفعله؟
لما احساسنا دائما بعدم الرضى عن أنفسنا ؟
لما دائما نهتم بالمظهر الخارجى لانسان؟ولم نعتنى بما داخله ولا نكتشف ذلك الا بعد ما نخسر شيئا معه؟
أسئلة أريد أحد يجاوبنى عليها
لماذا نبحث دائما عن المتاعب ومن يريحنا نبتعد عنه ؟
لماذا نحب من لا يحبنا ونابتعد عن ما يحبنا

حكمة قلب

2008-08-17T15:51:00.000-07:00

اذا اردت شيئا بشدةفاطلق سراحه
فان عاد اليك فهو ملك لك الى الابد
وان لم يعد فهو لم يكن لك من البداية